龍鼓灘燒烤樂園 屯門
地址: 屯門龍鼓灘沙埔崗村38號
最後更新:
龍鼓灘燒烤樂園推介
08年起星期六日每人要$78, 送一支水及一張飲品券
屯門龍鼓灘燒烤樂園
| 餐廳分店 | 龍鼓灘燒烤樂園 |
|---|---|
| 地區 | 屯門 |
| 電話訂位 | 沒有電話提供 |
| 餐單 Menu | 港式, 燒烤 |
| 人氣指數 | 836 |
| 價錢幾錢 | $51-100 |
龍鼓灘燒烤樂園訂位位於屯門區，詳細地址是屯門龍鼓灘沙埔崗村38號，餐廳寬敞座位數目共有650個。龍鼓灘燒烤樂園幾錢？價錢優惠後人均消費大約$51-100埋單，早餐午餐晚餐龍鼓灘燒烤樂園餐單包括有港式, 燒烤等美食，付款方式有現金付款。
龍鼓灘燒烤樂園優惠
龍鼓灘燒烤樂園 評價 相片
佢的環境幾好嫁，行出少少就睇到個海。
日落時仲好靚添呀。
咸蛋黃好靚呀。
最緊要係佢既嘢食。
雞中翼同叉燒都好好味。
燒完唔會乾。
而且仲原汁原味添，雞中翼好嘢咪呀。
好過西貢要百幾蚊位個o的添。
佢都只係70蚊左右。
真係物超所直。
去完會再去。
上個星期日我, 男朋友同一班朋友去任食BBQ, 每人$78免開爐費, 送一支水+一罐飲品, 有埋碟、叉、燒烤叉、炭、蜜糖、手套、廁紙, 價最都算合理, 都幾好食又多種類, 有多春魚、金沙骨、蜜汁雞扒(好入味, 值得推介)、粟米、番薯、雞全翼(好大隻)、黑椒雞中翼(都幾辣架不過好味)、豬扒、牛扒、腸仔、什丸、雞腎、青椒、冬菇、茄子、蒜茸包、麵包、獅子狗卷、司華力腸、腸仔、芝士腸、煙肉、叉燒粒等等.......雖然食物幾好, 但某d人既服務態度真係差囉! 我d朋友攞左一盆全部都係肉既野食返嚟, 一粒丸都冇, 所以想再攞d丸, 點知行到去, 個師奶話唔得, 叫我地比個盆佢, 佢先比我地, 我地都冇多個盆啦! 又點比佢呀! 我男朋友就話佢, 你比晒d肉我地一d丸都冇點得呀! 佢先死死氣比我地 我地有兩個爐但得一碗蜜糖, 我問阿婆攞多碗, 佢又話叫我攞個碗嚟自己加, 我話唔係要加, 係想要多一碗呀! 佢又話冇, 又話大把蜜糖係度, 自己攞個碗嚟自己加我話唔係呀! 我地咁多個人得一碗唔夠, 想要多一碗蜜糖啫真係激死我, 九唔搭八, 態度又勁差, 點知轉個頭我男朋友去問阿婆, 佢又比喎, 男朋友話行到去叫佢比碗蜜糖我, 佢就比啦! 分明玩我啦! 態度差食物幾好食都係假, 又要受佢氣喎! 下次我唔會再去呀!
早幾日, 我同男友&一大班人去左呢度BBQ. 每位$68任食, 價錢合理. 食物方便, 有人話種類唔夠多, 但佢都唔算少, 普通既丸, 扒佢都會有, 而且味道醃得幾好, 蜜汁雞扒似乎最受我地歡迎. 佢有D細電視, 坐得前既話, 可以一邊睇電視, 一邊燒野食. 我地去果日, 可能因為唔係星期六日, 只係D學生假期, 所以冇咩人, 成個場幾乎我地玩晒. 係就係唔通風, 但又未至於焗, 而且冬天咁凍, 暖暖地都幾好. 服務, 無咩特別啦, 但D人感覺令人幾舒服. 起碼我地行去拎野飲, 佢地本身睇電視, 但見到我地, 都會即刻行入去拎野飲畀我地, 唔使我地叫. 整體來說算是不過不失. 如果有機會同男友兩個人去BBQ, 我應該會提議再黎呢度.
$78包開爐加任食就幾方便,冇靚景...唔緊要, 電視又細又有雪花...唔緊要, 人少但地方依然迫夾...好熱好辛苦,最唔掂係呢度服務超差!!!!!俾都唔會再去呢檔!首先, 一去到俾$後用"飛仔"攞o野食同o野飲, 飲品櫃前面個亞婆語氣及態度唔好都算...但負責開爐o個位高瘦四眼哥哥仔態度超級差, 個場放咁多枱同爐好迫, 成個場都好熱好焗, 個場頂又封住d煙散唔到, 咁冇乜客人時都應該考慮下客人o既感受, 佢將d爐開o係另一枱人o既背脊, 莫講話坐, 真係企都冇位企, 兩班人都覺得好迫, 冇可能坐到, 大家好聲好氣叫佢將個爐開過少少, 如果唔係真係燒住人地背脊, 佢態度超差話: 唔得wor! 係咁set架喇! 最後, 佢都係唔肯set開d個爐就走左去!如果想受氣記住去呢間!
天氣唔太凍又唔太熱,最好就係燒雞翼啦!每次嚟龍鼓灘都係嚟呢間,覺得啲食物味道OK,所以都無試過其他!至於SERVICE就真係麻麻哋,由門口收錢至到買野飲果度啲人,"笑容""多謝"皆欠奉,呢次仲好鬼激氣TIM,我用佢哋啲換飲品飛加錢換野飲,櫃面得個阿婆喺度,佢竟然話唔知加幾多錢,叫我睇下櫃外面張紙寫住加幾錢,我睇完之後發覺只係寫住每支幾錢,根本就無寫低換購價,我同佢講"無寫WOR",但係佢堅持話有,仲叫我"睇下啦你";我再睇完話"真係無WOR",點知佢一句唔該都無,仲加重語氣咁話"哼,叫你睇又唔睇",嘩...乜野事先?好似我做錯野咁;跟住個阿婆叫埋隔離負責夾野食俾人嘅師奶幫手,個師奶仲衰,一開口就大聲話"阿婆嚟架,你算啦你..."(我真係好詭異,點解可以咁嘅服務態度囉!)明明係自己唔清楚啲價錢,又攪錯以為外面有寫,做錯野之後一句唔好意思都無;其實附近真係仲有好多選擇,價錢又差唔多,無必要再幫襯佢囉!P.S.之前有好好味嘅豬頸肉,巳經無供應幾個月架喇,但係唔知點解個食物牌就仍然仲擺出嚟>.<
龍鼓灘燒烤樂園餐單提供港式, 燒烤等推介美食位於屯門區，餐廳座位數650人均消費約$51-100，結賬可以用現金。
您對於屯門餐廳「龍鼓灘燒烤樂園」有何 comment？
龍鼓灘燒烤樂園餐廳詳細資料：
- 龍鼓灘燒烤樂園地址: 屯門龍鼓灘沙埔崗村38號 Lung Kwu Tan BBQ Garden, 38 Sha Po Kong Lung Kwu Tan Road, Tuen Mun
- 龍鼓灘燒烤樂園電話:
- 龍鼓灘燒烤樂園價錢: $51-100
- 分類: 港式, 燒烤
- 座位: 650
- 付款: 現金
- FB專頁: 龍鼓灘燒烤樂園 Facebook
更多龍鼓灘燒烤樂園相關資料:
香港餐廳2026推介8月