魚米 屯門

魚米 評價 相片

呢日下晝嚟到位於屯門安定邨嘅魚米食下午茶。

見到餐牌上邊嘅特餐，望落唔錯，四十零蚊，就有飯有嘢飲好適合我。

叫咗個果醋汁豬扒煎蛋飯配熱咖啡，承惠$45。

由於呢日仲未食晏嘅關係，落單時有要求要加飯。

落單無幾耐食物就上枱，賣相都幾吸引，而且真係加咗飯👍豬扒份量足，而且煎得香口，配上果醋汁食落好味又唔油膩，雞蛋好夠蛋味，整體味道唔錯。

熱咖啡亦香濃幼滑。

總括來講，呢度食飯坐得舒服，味道都ok，價錢亦合理，整體感覺都幾好！

前幾晚唔想煮飯，去左魚米食，本來以為都係普通連鎖餐廳，都唔對佢地野食有好大期望，不過食完發現魚米都算係一間幾好食同抵食既！我地分別嗌左豬扒菜飯、酸辣米線同埋魚腐。

豬扒菜飯送上黎既時候比豬扒既份量嚇親，幾十蚊有大大塊豬扒食真係抵，仲有菜飯望上好吸引，食落香味十足。

酸辣米線個酸就差少少，但係辣度都唔錯，幾香，配料多，食落好滿意！至於個魚腐我就覺得不過不失，唔係話特別好食。

最開心係有紅豆涼粉食，涼粉夠哂凍，正！

而家天氣咁熱放假都想留係屋企，唔想周圍出去晒🌞，落街既話都只想係屋企附近果啲餐廳搵吓野食。

如果得一個人食野，我都會將lunch time推遲少少變tea time，份量少啲可以唔洗食咁多，再加上價錢相對又平少少啦。

之前冇咁熱既時候我多數點個豬軟骨菜飯，好鐘意佢個芡汁酸酸甜甜送飯一流👍🏻，個軟骨又夠咬口。

魚旦魚腐米線，我欣賞佢個湯底，清得黎又好夠鮮味，魚旦算係彈牙配菜又夠多。

下午茶餐價錢黎講佢都算幾好。

就過年特別多野做，攰到咩咁，今日就訓晏左，攪埋啲手尾都到下午茶時間，諗住求其食啲野就算，求其入去間餐廳，唔想諗野，又求其叫左個2人餐，份量夠多可以比2個人食到飽，個粉麵都幾大碗，湯底係魚湯，味道還可以吧，不是太鮮味，豬軟骨菜飯，豬軟骨都幾稔，個甜品好難食，啲紅豆涼粉一pat pat又太甜，木瓜雪耳都唔好得幾多無乜味，好似將木瓜放係啲糖水度咁，服務就不是太好啦，叫好耐先揾到人，啲人口面又唔係咁好。

屯門安定邨商場既翻新工程都做到 7788 ,陸陸續續都分批重開商場 ,食市就有好幾間 , 今次就去左 “ 魚米 “ .因為諗唔到食 d 咩 , 所以就叫左個 2 人餐 $ 118 .首先小食 ~ 炸錦南雲吞 , 附有甜酸醬 .一人一片 , 雲吞皮好脆 , 不過餡料就小左 d , 不過不失 .主菜 1 ~ 麻辣八寶米線賣相唔錯 , 二個人食都可以分到 1 碗多 d , 因為第一次食怕辣得制 , 所以叫左小辣 , 又唔係好辣喎 , 下次可以叫返辣 d , 米線硬度岩岩好 , 配料都 ok .主菜 1 ~ 果醋豬軟骨菜飯飯同餸分開碟上 , 睇落唔多油 , 今餐冇叫菜 , 有個菜飯食都可以幫補返一下 , 果醋豬軟骨 , 味道酸酸甜甜好開胃 , 肉既質地又整得好林 , 用來撈飯食好正丫 ! 下次可以再叫 !甜品 ~ 芒果布甸 , 椰汁涼粉紅豆芒果布甸 , 味道都 ok , 而椰汁涼粉紅豆 , 就比較甜左 d , 所以都係剩食涼粉 , 甜品就稍為差左 d .飲品 ~ 凍銀菊蜜2 個人都係叫呢個 , 諗住清潤一下 , 又唔錯喎 .Over $118 , 冇加一 , 二個人都食到飽飽 ,咁既價錢都 ok 可接受 , 而味道就不過不失 .

魚米餐單提供港式, 粉麵, 米線等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「魚米」有何 comment？

魚米餐廳詳細資料：

• 魚米地址:
  屯門安定邨停車場C108舖
  Yu Mai, Shop C108, On Ting Estate Car Park, On Ting Estate, Tuen Mun
• 魚米電話:  
• 魚米價錢: $51-100
• 分類: 港式, 粉麵, 米線
• 座位: 未知
• 付款: 現金
• FB專頁: 魚米 Facebook

更多魚米相關資料:

• 魚米分店
• Youtube
• Facebook
• Twitter
• Google