泰寫意 屯門

泰寫意 評價 相片

最近，爸爸告訴我們一家，屋企附近的 <泰寫意> 已結業！ 我還記得第一次幫襯是2017年10月尾的重陽節，早前，8 月份，我們慶祝媽咪生日！趁機會出埋這篇生日食評吧！在8 月中當晚，天氣惡劣，閃電及暴風雨下，我們一家四口走到屋企附近的 <泰寫意> 慶祝媽咪67歲生日！ 她認為，生日不用一定食中菜！食泰菜也可以呀！由於，我放工搭巴士返入屯門要一個鐘！他們先行入座！印刷精美的餐牌，供應的泰式美食多元化！令人花多眼亂！有見及此！自不然會望望其他食客點什麼？！咖哩蟹 $388聽細佬講番，媽咪一入座，已經望住隔離枱的咖哩蟹！於是便叫來食，媽咪不知道價錢的，爸爸留意落單時，女店員有告訴他們價錢，除了爸爸之外，我們三個都無為意！辣中帶甜好惹味！一隻蟹，肉質鮮甜不霉，貨色新鮮！加入蛋花，色澤更鮮明吸引！ 加上多蟹膏，絕對是色香味俱全！大家都食得津津有味！原個菠蘿炒飯 $98以原個菠蘿放入新鮮即炒的海鮮炒飯，香氣洋溢！ 香甜多汁的菠蘿粒、炒蛋、雜豆、蝦、青口、豬肉鬆、腰果...等，賣相色彩繽紛，口感豐富！ 炒飯炒得乾身，是水準之作！椰青海鮮焗飯 $98表面灑上金黃香脆的椰子絲，食材豐富又多料！蝦、魷魚、帶子...夠汁之餘，椰青味濃郁！椰青飯都夠味！香芒炒牛肉 $88鮮甜多汁的香芒炒柔軟的牛肉，兩者結合，絕對是完美配搭！珍多冰 $33整體味道不過不失！榴槤雪糕 $16榴槤味香濃，入口冰凍！榴槤飄雪 $68榴槤味香甜濃郁！雪花冰入口即溶！最敗筆是榴槤肉變壞了！口味變得激酸！椰青糕 (店方贈送)口味清甜，夾雜椰青肉，真材實料！

屯門一向都有好多小店餐廳有待發掘冇計啦屯門真係太大啲餐廳分佈各地😂😂今晚爸爸話路經屯門醫院見到有呢間泰國菜夜晚嚟試下啦👍呢間有泰國菜又有港式小炒😂😂😂本身心諗咩事但係食完又覺得幾okay ✨餐廳好大坐得好舒適✨叫咗飲品先飲椰青🤪好清甜💁‍♀️椰子肉都幾多夠我刮嚟食👍👍👍叫咗椰汁冰個人嚟講覺得有啲偏甜🙈叫咗兩碟菜一碟係咸魚炒芥蘭好多咸魚👍👍芥蘭正常菜心炒牛肉牛肉好滑🤪💕jap jap jap 菜心都還好有少少油係正宗港式小菜館嘅味道🌸叫咗黑椒牛仔骨有點偏咸😛😛但係牛仔骨好入味叫多個飯💁‍♀️個飯好夠鑊氣雞粒都幾多唔會炒個飯得兩三粒咁雞肉幾滑👍係淡口咗啲小結一下呢間小菜都幾好食💓好啱family gathering有車嚟會方便啲👍喺屯門開餐館唔容易啊！加油✨

之前試過黎食炒小菜好夠鑊氣, 今次試下早一日訂定燉湯, 今晚成班黎食飯起碼有啖湯飲下, 呢D天氣緊係揀鱷魚肉海底椰燉湯啦, 飲落夠晒潤, 又真係無味精喎, 個胡椒豬肚雞好有胡椒味, 雞又滑, 個黃金蝦先至精彩, D咸蛋勁邪惡, 好野味

上年新開張嚟過一次，都好地地冇問題。

今年再嚟一次，完全唔同晒。

生蝦好似變成用冰鮮蝦。

串燒直頭係垃圾，又硬又有陣陣酸餿味。

燒完出嚟上枱居然仲係生嘅，真係離晒大譜。

飲品尚算ok，唯一好食係咖喱。

但係店內嘅員工好似倒米咁，十問九唔應。

應完都係當你透明，最離譜係男侍應問佢可唔可以坐外邊一句答唔得呀唔開呀。

仲係我地面前係咁講粗口，唔滿意我哋幫襯咪叫我地走囉。

其他服務員和收銀員都係極度不友善，又話送乜送乜又係齋噏。

不過佢地客路都幾廣，乜人都幫襯。

咪品流複雜囉！

今晚一家9大2小去呢間食，7點，人不算多，點菜·點知上菜速度快過光纖，成枱都放唔晒，食都食唔切，d餸菜都唔太熱，服務認真麻麻，問有無bb椅，只係答有。

就真係無拎黎，d餸就最好味就真係得生蝦，其他都真係特別是個魷魚，得d皮，同炸粉，簡直垃圾，無下次又話食滿幾錢有野送，點知求求其、d服務員仲好似話你唔岩咁、一次過叫咁多野食咁，無下次

泰寫意餐單提供粵菜, 廣東, 泰國菜, 串燒, 雞煲, 大牌檔等推介美食位於屯門區，餐廳座位數未知人均消費約$101-200，結賬可以用Visa,Master,現金,八達通，Booking訂位可以電話致電 21919799 查詢。

您對於屯門餐廳「泰寫意」有何 comment？

泰寫意餐廳詳細資料：

• 泰寫意地址:
  屯門新福路2號青山政府宿舍10H座地下
  Thai Relax Cuisine, G/ F, Block10 H, Castle Peak Government Quarters,2 San Fuk Road, Tuen Mun
• 泰寫意電話: 21919799
• 泰寫意價錢: $101-200
• 分類: 粵菜, 廣東, 泰國菜, 串燒, 雞煲, 大牌檔
• 座位: 未知
• 付款: Visa,Master,現金,八達通
• FB專頁: 泰寫意 Facebook

更多泰寫意相關資料:

• 泰寫意分店
• Youtube
• Facebook
• Twitter
• Google