明星海鮮酒家 屯門

明星海鮮酒家 評價 相片

2019年2月11日晚上 18:00本人與家人到蝴蝶邨商場的明星食晚飯本人未到前...家人下了1個套餐名為 「乳豬龍躉餐」本人到達後 詳細看菜單...發覺菜單中是沒有乳豬的...本人向下單的員工詢問該套餐有沒有任何包括乳豬的餸菜....員工說乳豬餐應該有乳豬的...後來他向在旁邊應該是部長的人詢問該套餐有沒有乳豬....該部長馬上向下單的員工回答沒有本人正想追問為何名稱叫「乳豬龍躉餐」但沒有乳豬....他一言不發就離去本人再向下單的職員詢問該部長的姓名及要求取一張有他姓名的卡片....但得到該員工的回應是該部長說他沒有卡片的本人想清楚說明...沒有事先看清楚該菜單有沒有乳豬本人點菜之家人本身有部份責任....但明顯不過是菜單確有問題如不是刻意誤導客人為何該菜單會用「乳豬龍躉餐」的名我本想詢問是否菜單寫漏了...還是菜單名稱忘了更改...如有問題，應馬上改正，以免其他客人亦有所誤會....愛理不理的態度實在令本人相信此菜單是用來欺騙客人最後補充...食物味道一般某些部長職員態度差劣...不值得再食

今年初三揀左食明星，上菜速度超快七點準時上菜首先係乳豬全體再黎再黎炸大蝦🍤，不過食到一平先記得影相🤣🤣因為大吸引啦。

就到鮑魚仔啦😋😋魚蒸得岩岩好👍炸子雞脆皮內滑👍😋正最後係糯米飯味道適中甜品係杏仁味既蓮蓉包😋好味👍

每次回香港都必定食明星酒家,一黎近,二黎我的確鐘意點心,晚餐叫送食飯都抵。

不過壞處就真係人多幾吵雜。

提提大家五個人以上先可以夜晚訂枱,呢次我地得三條友就要等位啦。

三個人叫三樣菜,叫左白灼蝦、蒜蓉粉絲蒜蟶子、仲有個翠玉瓜炒花枝蚌,夠晒。

蝦超級新鮮大隻,超好味。

埋單先三百幾四百左右。

琴晚做冬同屋企人食飯，一早落左訂同訂定時間，老人家去到同知客講訂左位，個知客第一句就同老人家講:「你姓乜名乜吖？拎飛等位喇！」態度極之惡劣。

第一，我訂位比埋訂金都仲要等位係咩玩法？入面未滿架喎！第二，其實等唔係問題，但係果一句“你姓乜名乜吖？”就真係谷氣！仲要係節日咁對老人家講嘢？！全程乜服務都冇，我地book 左一圍，湯黎到一直放係一邊冇碗冇侍應理，唔好以為係因為忙，係一個二個扮睇唔到。

食到一半突然又話黎收張訂單！我得一張訂單你到時唔認數咁點？成間野真係不值一提！埋單八位三千蚊，咁嘅價錢同服務真係把鬼！

同屋企人嚟咗明星海鮮酒家食飯慶祝生日，六人入座，可以用$38食到半隻燒雞，如果七個人或以上可以叫一隻燒雞，燒雞味道幾好。

片皮鴨嫩滑多汁，仲可以加錢兩食。

芝士龍蝦伊麵就一般，188蚊黎講質素麻麻。

明星海鮮酒家餐單提供粵菜, 廣東, 點心, 酒樓等推介美食位於屯門區，餐廳座位數未知人均消費約$101-200，結賬可以用Visa,Master,現金,銀聯。

您對於屯門餐廳「明星海鮮酒家」有何 comment？

明星海鮮酒家餐廳詳細資料：

• 明星海鮮酒家地址:
  屯門屯喜路2號屯門柏麗廣場3樓R1-R2舖
  Star Seafood Restaurant, Shop R1- R2,3/ F, Tuen Mun Parklane Square,2 Tuen Hi Road, Tuen Mun
• 明星海鮮酒家電話:  
• 明星海鮮酒家價錢: $101-200
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金,銀聯
• FB專頁: 明星海鮮酒家 Facebook

更多明星海鮮酒家相關資料:

• 明星海鮮酒家分店
• Youtube
• Facebook
• Twitter
• Google