娘惹廚房 屯門

娘惹廚房 評價 相片

依間鋪頭係我中學時間就已經係到以前差不多每星期都會食一次不過上左大學畢業後就少左黎食今次黎係回味下中學既回憶依到裝修同以前唔同左但食物味道無咩點變都係唔錯可能係因為有中學情意結😂今次叫左個燒雞 炒菜同串燒燒雞有d似咖哩既味道食落幾香口炒菜就同一般泰國餐廳炒通菜差唔多有獲氣幾好食至於串燒 個汁先係靈魂所在有d似豉油加沙嗲醬咁鹹鹹香香配上三款唔同既肉各有風味整體黎講依間都保持到以往既水準以平身價錢食到算係唔錯

今日出開屯門～發覺屯門市中心實在太多人啦！（好恐怖😱）決定出去搵d小店食晚飯～避開人潮！見到lee間幾特別～食印尼菜～平時印尼姐姐見得多～佢地家鄉菜又真係冇咩食過🤣🤣lee度解釋番咩係娘惹～（長知識了😄）佢都好多嘢食啊！除左餐牌佢牆上都會寫左d菜式係餐牌冇嫁！順帶一提，位與位之間隔得好開！5怕隔離檯d口水飛過黎！疫情下加分位！😂😂😂🌟豬肉牛肉沙o爹（半打$46）好味啊！d肉5「un」真係即時燒5係燒定尤其欣賞佢d醬係自己撈冇花生🥜但酸酸甜甜好野味！🌟招牌娘惹喇沙（$68）先試佢湯底，冇咩椰奶味又5太辣有d似之前好hit個個屋企自己煮喇沙麵好味！而且好多餸！d蝦係新鮮蝦5「梅」油麵掛湯！好正！其次當晚返去並冇覺得好口渴！所以都應該冇咩味精！🌟娘惹醬炒唐生菜（$54）一黎到好香！有d似蝦醬但又冇咁濃！又有d馬拉盞！any肥好味！值得叫！🌟蒜蓉包（$5記得幾錢啊🤣）係Menu上冇啊係我地係黑板見到叫嫁🤣佢係蒜蓉真係原粒搽係麵包度～好濃味！食完好口臭～🌟蒜蓉梅子蒸烏頭（$138）lee個係我見到其他人叫吸引～好味啊！好鮮甜啊烏頭～🤤🤤荷葉包住但冇咩荷葉味！d蒜蓉同檸檬同梅子鑲魚頭！～我地2個人都食得sai啊！～🌟🌟🌟🌟🌟🌟🌟🌟🌟🌟🌟🌟🌟🌟🌟🌟lee間好抵食啊！份量又夠多！又可以試d特別ge菜！～值得去啊！！

香港搵到小店既娘惹菜 少之又少 今次食到屯門既娘惹菜 因為lunch 只點左海鮮叻沙 湯底同新加坡味道一樣 濃濃湯底 配上幾款面 口感好豐富 啖啖唔同口感海鮮就有蝦 魷魚 魚片 等飲埋椰青 能夠解左湯底既濃味同去左東南亞一樣

娘惹雞酒（跟生菜）好有酒糟香味，酒糟及糯米酒都係自家釀製，加埋好多老薑煮成 ，半隻雞 $168，1隻雞 $318，我地兩個人叫咗半隻，上枱都好大煱，用火煱熱住咁食，好暖胃又補身，不過記得要提早1日打去落order，因佢地負責人話雞是新鮮，所以不會買太多，有位員工呂小姐服務態度非常好，我地本想叫完雞酒，再叫冬陰公大蜆，佢解釋比我地知冬陰公會解咗雞酒，於是建議食鹽燒烤大蜆 $94，雖然得12隻大蜆，但好juicy，另外叫咗巴東牛肉黃薑飯 $64，巴東牛肉好淋，呢個飯好，雞酒本身配生菜，如唔夠食，可以+$22 order火煱生菜，佢地都有2人餐等好多選擇。

聖誕節期間去了食印尼菜，這間餐廳開了很多年而且在這區很少有這些菜式，所以一直都很多顧客😋🍴食物🍴1️⃣椰汁雞叻沙$58: 湯底唔辣，椰奶味較重很香，個人很喜歡這種味道😝而且雞肉很嫩滑，不錯👍🏻2️⃣鹽燒烤大蜆$94: 蜆沒有沙，唔會烤得很乾，味道唔會太鹽，鍾意食蜆既朋友要試下〽️服務〽️員工主動下單，而且也有禮貌，合格👍🏻➰環境➰座位很多而且不會太逼，但沒有太特別裝修😌⚠️總結⚠️菜色很有特色，而且味道也很大眾化，下次來可以試更多款式😋 （5❤️為滿）食物：❤️❤️❤️❤️服務：❤️❤️❤️❤️環境：❤️❤️❤️

娘惹廚房餐單提供印尼菜等推介美食位於屯門區，餐廳座位數80人均消費約$51-100，結賬可以用AlipayHK,支付寶,現金。

您對於屯門餐廳「娘惹廚房」有何 comment？

娘惹廚房餐廳詳細資料：

• 娘惹廚房地址:
  屯門青善街14號康景花園7號地下
  Nyonya Indocook House, G/ F,7 Hong King Garden,14 Tsing Sin Street, Tuen Mun
• 娘惹廚房電話:  
• 娘惹廚房價錢: $51-100
• 分類: 印尼菜
• 座位: 80
• 付款: AlipayHK,支付寶,現金
• FB專頁: 娘惹廚房 Facebook

更多娘惹廚房相關資料:

• 娘惹廚房分店
• Youtube
• Facebook
• Twitter
• Google