太田壽司料理 屯門

太田壽司料理 評價 相片

     太耐無黎啦, 之前放題= $178 果時, 都黎左好多次, 宜家放題加到 = $198, 我諗應該少黎, 試過哂全部野, 炸物普遍來講唔係咁得, 應該係炸粉唔得同埋太厚粉, 其他野都麻麻地, 主要都係黎食刺身&壽司,海膽壽司我覺得最慘不忍睹, 海膽同飯既比例差唔多係1比10         反而d燒物就ok D,有兩樣燒物我覺得值得推介, 一個係玉子燒, 一個係燒茄子, 玉子燒細得黎入面仲有芝士好好食, 而燒茄子係原條茄子中間平切開, 仲有d甜甜地既醬, 加埋係茄子到,好好食

收費：貴！食後認為17x完全唔值。

令外食剩食物收費非常嚴格，加收50%服務費／3蚊一件比你外賣拎走食物：刺身赤貝，生蝦完全唔新鮮，連最基本既三文魚都唔好食！壽司塊飯從未試過食日本菜有咁大舊，火炎壽司完全無味，海膽壽司比大舊飯蓋過哂海膽味。

熟食：好普通既熟食天婦羅，烏冬，拉麵，雞翼服務態度：可以，老闆仲會不斷提示食剩令會外收費總之一句講哂，唔會再幫襯！

當天提早打電話預約座位,所以去到都唔駛等.一行四人去到時剛剛7點半,都未見爆棚.因為係母親節關係.有部份食品欠奉.都幾失望.第一時間緊係叫三文魚腩刺身同三文魚壽司啦,三文魚都新鮮.呀女話舊飯咁細o既, 我就話啱啱好,可以食到其它嘢嘛!呀仔叫咗個肥牛烏冬,個湯底就幾好,肥牛新鮮,不過嫌過火咗.個汁燒牛柳壽司就因為少汁所以乾到好難哽.不過我哋都再叫多兩客,但就特別吩咐今次要多汁o既.(因為想比多個機會佢哋).果然好咗好多.其他天婦羅都冇得叫.因為人手問題.呀女話個鹽燒三文魚皮好好味.我o既吉列豬扒鳥冬就唔多掂,皮厚肉薄唔夠Juice.係就係好大件,但真係好睇唔好食囉.小食又款式少.佢哋解釋話做唔切.算啦!見佢哋真係人好少o架.一間舖頭o既樓面連知客連收銀連打雜都係得兩個人,我同老公就估廚房可能都係得兩個人,即係話大節流流一間食肆只得四個人做嘢.不過要值得一大讚o既就係樓面個妹妹,一個人做嘢,客人又不停咁叫呢樣,叫嗰樣,佢都無發脾氣,重有笑容添,真係Good Fit!今次無影相,下次再去時一定影比各位睇睇.

太田壽司料理，開了一陣子...現在先寫食評因為想試店內不同食物，才下筆每次食都是外賣，見過間店較細間服務生好親切，就算外賣都會叫客人坐低，然後遞杯茶飲我想讚間店迷你三文魚壽司卷，$10/6件又抵又好食今次食的是吉列豬扒飯，豬扒炸到金黃色而且大大件...飯是珍珠飯，較其他好食外賣一碗$25以屯門區，是街坊生意我認為吉列豬扒飯仲好味過壽司...因為愛上了

次次去都冇影相 ..我覺得呢間壽司幾新鮮 ..而且佢d壽司套餐仲好平 ^_^ ($25 8件有1件三文魚 亦有其他次身壽司 )推介>>$258件壽司$35 慢魚飯(慢魚大大塊 !! 好味 )$10 3文魚壽司$xx炸雞軟骨 幾好味下次去想試下日本咖哩飯 ($25)不過有個提議..就係 >>>>如果有埋拉麵就最好 !!因為冇熱食..點都差感d >_<同埋最好有鐵"根"比人飲柚子茶la... 仲有 ...可以播下tv會吸引多d人睇 !!

太田壽司料理餐單提供日本菜, 壽司, 刺身等推介美食位於屯門區，餐廳座位數未知人均消費約$50以下，結賬可以用現金,八達通。

您對於屯門餐廳「太田壽司料理」有何 comment？

太田壽司料理餐廳詳細資料：

• 太田壽司料理地址:
  屯門良德街11號寶怡花園地下31號舖
  Tai Tan Sushi, Shop31, G/ F, Blossom Garden,11 Leung Tak Street, Tuen Mun
• 太田壽司料理電話:  
• 太田壽司料理價錢: $50以下
• 分類: 日本菜, 壽司, 刺身
• 座位: 未知
• 付款: 現金,八達通
• FB專頁: 太田壽司料理 Facebook

更多太田壽司料理相關資料:

• 太田壽司料理分店
• Youtube
• Facebook
• Twitter
• Google