匠 屯門
最後更新:
匠推介
我知道黑夜半價時段要求不可太高，但這裡的所謂半價優惠根本就唔係半價，何謂半價，係同樣質素既食物（最多你份量少些我都可接受）係臨收舖前以半價出售，但而家根本係用正價買劣質食物！優惠時段每人最低消費要＄75(包括正價計算的加一服務費），所以叫左以下食物：1.）正價＄68的咩極上豚肉拉面，好難食，未食過咁難食的拉面，面難食，舊豚肉如是（差D唔記得我連食拉面時必飲既湯底都冇飲到一啖，因食完第一啖已唔想再食落去）2.）正價＄88的所謂極上魚生飯個樣好靚吧？但只限餐牌張相，落單後先話唔係俾隻牡丹蝦你，黎到係隻開邊唔知咩蝦，咁都算，但相入面既帶子變左係得雪藏味既元貝粒一堆，張相入面係冇旦既，但黎到有碎旦粒同沙律菜一大堆，如以以上所講既質素，根佢唔係以半價買佢相中所謂既"極上"魚生飯，而係大拿拿用＄5X蚊買一碗劣質魚生飯！呢些主菜都差到咁，其他小食不願多提，總結一句，想食拉面，都係去返樓下既"築地拉面"，星期一至四同樣有黑夜半價時段，但人地老老實實唔會將貨就價！想食壽司咩，人地板長壽司都有優惠，質素又保持到。咁樣以黑夜半價為旗號坤人入去食咁劣質食物，只會自毁口碑⋯⋯
屯門匠
| 餐廳分店 | 匠 |
|---|---|
| 地區 | 屯門 |
| 電話訂位 | 沒有電話號提供 |
| 餐單 Menu | 日本菜,拉麵,烏冬, |
| 人氣指數 | 416 |
| 價錢幾錢 | $101-200 |
匠訂位
匠位於屯門區，詳細地址是屯門屯隆街2號屯門時代廣場南翼3樓21號舖，餐廳寬敞座位數目共有未知幾多個。匠幾錢？價錢優惠後人均消費大約$101-200埋單，早餐午餐晚餐匠餐單包括有日本菜,拉麵,烏冬等美食，付款方式有Visa,Master,現金付款。匠優惠
匠 評價 相片
我知道黑夜半價時段要求不可太高，但這裡的所謂半價優惠根本就唔係半價，何謂半價，係同樣質素既食物（最多你份量少些我都可接受）係臨收舖前以半價出售，但而家根本係用正價買劣質食物！優惠時段每人最低消費要＄75(包括正價計算的加一服務費），所以叫左以下食物：1.）正價＄68的咩極上豚肉拉面，好難食，未食過咁難食的拉面，面難食，舊豚肉如是（差D唔記得我連食拉面時必飲既湯底都冇飲到一啖，因食完第一啖已唔想再食落去）2.）正價＄88的所謂極上魚生飯個樣好靚吧？但只限餐牌張相，落單後先話唔係俾隻牡丹蝦你，黎到係隻開邊唔知咩蝦，咁都算，但相入面既帶子變左係得雪藏味既元貝粒一堆，張相入面係冇旦既，但黎到有碎旦粒同沙律菜一大堆，如以以上所講既質素，根佢唔係以半價買佢相中所謂既"極上"魚生飯，而係大拿拿用＄5X蚊買一碗劣質魚生飯！呢些主菜都差到咁，其他小食不願多提，總結一句，想食拉面，都係去返樓下既"築地拉面"，星期一至四同樣有黑夜半價時段，但人地老老實實唔會將貨就價！想食壽司咩，人地板長壽司都有優惠，質素又保持到。
咁樣以黑夜半價為旗號坤人入去食咁劣質食物，只會自毁口碑⋯⋯
呢篇係我第一篇打既食評。
真係好痴線 今晚喺屯門分店食左餐飯 我發誓一定唔會再去 第一 溫泉蛋 同男朋友叫左個鰻魚定食配溫泉蛋 溫泉蛋！你哋知唔知溫泉蛋係咩 係滑架 係半熟 個蛋黃係流出黎 係流出黎架 我真係未見過溫泉蛋個蛋黃係熟到成粒波子咁 更加試過食溫泉蛋係夾得起個蛋黃 無錯係夾得起個蛋黃！真係711嗰啲即開即食溫泉蛋都好過你多多聲 但最出奇既係啲蛋白竟然係生既仲要係搞爛晒 我真係好想知個廚師係點整 同埋點解咁都比得個客食 第二 壽司 請問間公司係咪因為驚日本米有幅射食壞客 所以壽司唔用壽司米轉用平時食中餐既白米？同埋係咪驚啲客以為啲壽司酸左所以連壽司醋都唔落？ 第三 員工 員工態度我覺得無問題都幾有禮貌手腳幾快 但其中一個員工 好似當間鋪係滾軸溜冰場 著住對皮鞋跣黎跣去 真係好嘈好滋擾我平時食嘢好求其 波仔做午餐都可以食足一個月 但真係未試過食完餐飯可以覺得咁驚奇 究竟呢間嘢係點樣生存到
今日去左VCITY行左陣,夜晚就搵野食啦,初初諗住係果邊新開D食店試下,但係7點幾間間等位都等得太恐怖啦...所以都係返去市中心果面食算去到果面爭鮮又係排晒隊==...一路行前去有間匠日本料理,依!?呢間唔洗等,就比次機會佢,門口有個小姐帶我坐底左之後就比塊晚餐牌我,推介話有個西式意粉晚餐叫我試下,@0@日本料理賣意粉,都係第一次見!!好奇心推使之下叫左一個$64GE北海道帶子香辣海蝦意粉,同埋加左廿蚊轉餐有個南瓜巨LIN湯,仲叫左杯凍檸水,,同我落單個姐姐仔都幾好笑容隔左陣個湯就黎啦.........嘩!!估唔到有驚喜 原來湯都可以拉花,出去咁多間西餐食過都無見過一碗湯咁有誠意 ,仲有塊蒜蓉法包咬下,幾好!!味道都ok,淡淡地又帶到d南瓜味出黎,無耐個意粉都黎埋啦!!個意粉一放落枱...個賣相....又一個驚喜 急不及待要試一試先,先食隻蝦,煎得幾香同隻蝦都幾爽,再食帶子,佢陣辣味...好似曾相識係啦,係熱浪隻辣味!!個意粉都幾好,唔會太淋,d汁都岩岩好,好味道!!!!食飽埋單走人,埋單90幾蚊,都ok 啦,坐得又幾舒適,不過最估唔到係一間日本料理都有d咁高水準ge西式野食到
重陽節竟然係女友人LT o既農曆生日,而咁o岩因女友人WK o係12102013 Sat約o左人,LT就約今年重陽正日(即前日13102013 Sun)食晚飯慶祝,地點由佢揀,佢就因為門面而揀o左呢間.佢帶埋兩個女,我,我男友同WK,四大兩細一齊食,我o地坐o係一張六人卡位,叫o左:3. $45.00o既帆立貝海鮮味噌湯飯湯都幾多吓,食落,有酒味o既?味噌唔會有酒o格?應該係廚房將啲蜆由清酒煮蜆o個o度撈過o黎 ,咁兩個細路女就唔食得喇.飯就軟硬度適中,蜆都幾新鮮o既,蝦我就冇食,帆立貝冇乜問題.味道: 2.8分4. $38.00o既牛油粟米拼帆立貝呢個粟米正常甜同有牛油香,但帆立貝好似有啲油’益’味.味道: 3分1. $75.00o既鐵板公司什扒冇諗過成$75.00o既什扒鐵板會咁細,MK,而當中有豬扒,牛扒,魚柳,意式肉腸同煙肉片,LT用較剪剪開晒,方便大家,自己淋埋燒汁就食得,不過淋o既時候都冇熱到’炸炸’聲.食落,燒汁唔濃,牛扒幾乾同硬,魚柳就奇地滑,其他o既都係正常.味道: 2.7分2. $62.00o既兒童餐份量一定係細,亦只係畀兩個細路女食,我冇留心睇佢有咩o野食,只知LWT話烏冬係凍o既.味道分唔計呢個.5. 每件$9.00o既鰻魚壽司三件係我男友,LT同WK三個食,我冇問佢o地好唔好食,不過佢o地都冇入任何comment,計佢正常3分啦.6. $9.00o既火焰牛油黑椒鮮帶子壽司呢件只係WK食,佢亦都冇講咩o野,又係畀3分.7. 每件$5.00o既柚子醬油帆立貝壽司三件其實我o地係叫$9.00o既柚子醬油鮮帶子壽司三件,呢個係畀錯o左,我,我男友同WK覺得都可以照食,就唔同佢o地講,照食啦.呢個食到有清清地o既柚子味,但飯就冇o左醋味,帆立貝其實都冇乜鮮味.味道: 3分由於以上所有o野都太精緻,LWT話未飽,咁我o地又加單啦,加返:8. 每件$9.00o既柚子醬油鮮帶子壽司三件9. $13.00o既三文魚籽壽司10. 每件$8.00o既三文魚壽司兩件11. 每件$8.00o既吞拿魚壽司兩件12. $13.00o既甘蝦壽司13. 好似$5.00o既火炙芝士三文魚壽司呢啲一次過上齊,但睇清楚,當楚,當中既鮮帶子壽司,同menu o既相有啲唔同,但同WK之前食o既火焰牛油黑椒鮮帶子壽司有啲相似,就問問侍應,侍應答係後者.又錯 .今次o地唔忍啦,叫佢換過.但換過時又另外畀三件柚子醬油鮮帶子壽司同一件火炙芝士三文魚壽司我o地,搞咩o野?我o地問侍應,咁其他o個啲呢?佢答換o緊.好快,另一酥有晒一件壽司o既碟到o黎,搞咩呀????另一個應該高級啲o既女侍應了解咩事,咁佢拎返走o個四件壽司,亦print張單畀我o地對,睇有冇加錯.我o地對完,冇事就照食.而相中睇到,最唔掂o個樣就係我男友食o既兩件吞拿魚壽司,不單止薄切到半透明,重竟然係偏瘀色同多筋,咁都畀得人o既? 男友照食,佢話味道冇乜問題喎.但我試咬一啖,我覺得味道麻麻喎,應該係擺太耐唔新鮮.而我呢,其實只食甘蝦同柚子醬油鮮帶子壽司,前者正常冇問題,後者都係食柚子,不過帶子口感好似好過帆立貝.其他o既都唔係我食,佢o地都冇乜comment.14. $39.00o既匠特色壽司(一客三件)先講size,特登拎支叉做對比,可以睇到佢係幾’大’件.而賣相同menu o既相有好大出入,唔係話材料少o左,而係到得好核突,飯形鬆散,吞拿魚醬整到一餅咁,三文魚籽又跌晒落個酥o度,感覺似畀乞兒食.呢啲都係匠o既特色???呢個係我o地四個大人食,我同男友就食半件,WK同LT食一件,甘蝦冇問題,飯o既醋落得唔夠,啲咁多o既吞拿魚醬會食到咩味?而最差o既係三文魚籽,唔爆都算,問題係腍o既,真係從未食過咁差o既三文魚籽.味道: 1.5分又食完呢轉,但大家都仍然好似唔夠,又要加單.=.=”,叫o左:16. $30.00o既麵醬雞翼落嘩後都唔知有冇兩分鐘就到o黎,快成咁.但佢又好熱喎.不過我好似嗅到有wasabi味,兩個細路女又唔食得?我先試食啦,又冇乜wasabi味喎,不過真係好熱.而WK就問侍應呢個係咩o野醬?侍應答係沙律醬.沙律醬?唔係o掛?咁麵醬呢?何謂麵醬?奇!而呢個係出奇地好食,雞翼煎得香口,個醬整得惹味, 呢個個個都食,而且唔夠,所以又encore o左一碟.味道:5分17. $38.00o既香芒飛魚子沙律芒果得o個啲咁多,沙律醬多到爆,青瓜絲清甜o既,不過,呢個係咪應該叫青瓜沙律?味道: 3分15. $42.00o既雞肉玉子飯呢個係畀LWT食o既,但佢食唔晒,我o地大人就分啲食.雞肉係雪藏雞肉,冇鮮味,不過夠滑,玉子我就食唔多,因為真係太少,而我o地其實要將麵醬雞翼o既沙律醬撈o黎食至好食.味道: 2.5分服務:好一般,唔叫佢畀茶都唔畀;而且都要自己叫佢o地斟茶.上面睇到佢o地落單係幾咁亂,我o地點菜時都o係menu指明畀佢o地睇叫邊樣o架啦.唯一好o既係你叫佢o地佢o地會應囉.環境:卡位設計,但座位同枱之間o既空間唔多夠.幾熱吓,可能射燈效應.味道分係2.79分,服務分係1.5分,而呢餐一共食o左$593.00,我當5人計.
本人今次已是第二次到此餐廳食晚飯,因第一次食都覺得可以返轉頭,但今次真係失望到我返到屋企要即刻寫此食評!!今晚本人和另3個朋友到此店食晚餐,等左大約10分鐘就有位,都算快!職員有禮貌,我哋見有$5件壽司,又多款式所以都叫左一點試吓,而且仲有一個附加餐牌，多左選擇，唔錯唔錯我哋叫左ｄ＄５壽司，正價壽司，咖哩吉列豬扒飯，北海道海鮮湯炒麵，日式餃子，燒多春魚．．．．．．唔記得咁多了！首先講一講和食先，咖哩吉列豬扒飯都可以，豬扒外的麵粉都算薄，湯炒麵很好，好香．．．．而日式餃子同燒多春魚都係一般，冇咩特別到全晚最意外既．．．．．壽司了我記得上次黎食既壽司食得出係手握壽司（因本人很喜歡食日本料理），但今次的壽司好明顯唔係手握壽司之餘仲好實又大粒，賣相又唔得，仲好似將ｄ材料就咁擺落去咁．．．．．．雖然係＄５件，但喺一間日本料理來說，係唔係太過份呢？就連我叫既正價壽司都係一樣，離晒普！咁我去元綠食有何分別，真係好失望，竟然差到咁．．．．．！
您對於屯門餐廳「匠」有何comment？
匠餐廳詳細資料：
- 匠地址: 屯門屯隆街2號屯門時代廣場南翼3樓21號舖 MAZTER, Shop No.21, Level3, South Wing, The Trend Plaza,2 Tuen Lung Street, Tuen Mun
- 匠電話:
- 匠價錢: $101-200
- 分類: 日本菜,拉麵,烏冬,
- 座位: 未知
- 付款: Visa,Master,現金
- FB專頁: 匠 Facebook
更多匠相關資料:
香港餐廳2023推介04月
為減低冠狀病毒病在魚兵衛內有任何傳播的風險，魚兵衛在餐廳內會盡力保持高水平的清潔及衞生標準。餐廳魚兵衛除了遵守預防及控制疾病的相關規例，魚兵衛同時建議採取以下措施*魚兵衛 黃, 魚兵衛 藍, (魚兵衛 黃藍 等意思黃店或藍店簡稱
常見問題 FAQ:
匠在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內匠應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳匠建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
匠餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳