北海道活壽司 屯門

北海道活壽司 評價 相片

今日聖誕節我聽朋友話活壽司多左好多新野食,所以就同一家人去試一下@@等位ok耐......一坐低 立即見到好多新壽司在轉 一次叫左好多野食 我最喜歡之一就係果芝士玉子蝦真係超正!!!又夠熱(天氣冷岩晒)三文魚又平3.8一件 帶子壽司/油甘魚/粒貝都好好味!!唔錯 我最欣賞係壽司師傅真係好有心思 竟然有節日壽司!即時拿起我新手機影低!我好想知點整個聖誕樹>"<都幾好食!比板長真係好好多......我下次都會來^^

今日同3個朋友來到屯門北海道活壽司都唔係第一次來+拉,都係食返我最喜歡既牛舌/東西味既三文魚同3.8元既三文魚!抵 今日凍左多叫個牛肉鍋 幾好味~但係今日一坐低就見到有好幾款萬聖節氣氛既特色壽司 好得意~~ 哈哈個樣好鬼可愛>"<味道不錯~我專程問一下師傅可唔可以比我照幾張 佢好有笑容咁點頭 就比我照一下不過今日胃痛 只係食左幾碟 我後日會再去吃多一點 最喜歡是丫jack ^3^

來屯門食壽司必要去屯市的壽司界三大聖地：明將、北海道、金水～未到過這三個地方都枉為人。

三大聖地都『備受好評』，每一間都有數之不盡的人入內朝聖，今日小弟帶同女友到北海道歷練，發現四處飯粒屍環遍野，桌上、地下、梳化都見到，我發現新款壽司，真係估唔到北海道咁有創意，創出薯片三文魚壽司，我很期望北海道將來會推出薯圈吞拿魚壽司、芝士波魚子軍鑑。

有些壽司會加上蔥花，令壽司『格外美麗』，壽司飯一夾即散，師傅少D功力都做唔到。

凡是魚生都係食不出味，好奇怪。

這裡壽司已到了一種無靈魂的境界。

如果去過三大聖地，而無事回來，你已經變成非常人喇。

行過門口.....已經冇初初開時傳出來o個陣飯香....入到去一坐低...竟然發現個茶杯有茶包外....仲有張出壽司的單..........好想問佢有冇洗杯....之後叫佢換過隻....換了一隻沾了鰻魚汁的.....好噁心....冇mood 啦...d 壽司飯熱o既.....$18 o既劍魚腩壽司...塊劍魚腩全是渣....連之前最好食o既火灸三文魚(東味) 都不滯....總之冇一樣o野係OK......即時斬纜轉戰第二度....仲後悔叫o左咁多.....我情願每碟俾多幾蚊食好少少囉...依家似去了明x...但仲要唔係任食.......去明x都可以緬懷下學生時代呀!!!! really sorry....no next time la

暑假完結了,完結前想去食餐好的,於是到了北海道活壽司食晚餐.值得一提的是以hang seng platinum card找數有95折優惠(三文魚壽司除外) 一行3人叫了21件特價的三文魚壽司,天婦羅拼盤及其他種類的壽司對我來說,印象最深刻的是劍魚腩壽司 $18/2件 及鵝肝"手八"壽司 $35/件劍魚腩壽司 $18/2件的劍魚是鮮甜爽脆的,食完2件便即有想encore的感覺.鵝肝"手八"壽司 $35/件比較貴,但鵝肝是即煎的,所以有很香的肥油味.不過要扣分的是環境.盛載豉油的容器很美,而水杯也很有特色,但食天婦羅的時候有烏蠅飛過!1人$109便能食得飽飽的,總算是物有所值吧!

北海道活壽司餐單提供日本菜, 壽司, 刺身, 迴轉壽司店等推介美食位於屯門區，餐廳座位數未知人均消費約$101-200，結賬可以用現金。

您對於屯門餐廳「北海道活壽司」有何 comment？

北海道活壽司餐廳詳細資料：

• 北海道活壽司地址:
  屯門屯隆街3號屯門市廣場二期1樓19-23號舖
  Hokkaido Katsu Sushi, Shop19-23,1/ F,3 Tuen Lung Street, Tuen Mun Town Plaza I, Tuen Mun
• 北海道活壽司電話:  
• 北海道活壽司價錢: $101-200
• 分類: 日本菜, 壽司, 刺身, 迴轉壽司店
• 座位: 未知
• 付款: 現金
• FB專頁: 北海道活壽司 Facebook

更多北海道活壽司相關資料:

• 北海道活壽司分店
• Youtube
• Facebook
• Twitter
• Google