霞飛點心拉麵 尖沙咀

霞飛點心拉麵 評價 相片

尖沙咀搵食，五花八門，選擇困難症又發作，行到鬼屎咁攰，就中咗入去，原來食上海菜，未叫茶，店員已經奉上，佢話冇得揀茶，只有一種，但茶葉質數唔錯，我地兩人不太肚餓，叫咗小籠包，上海粗炒，蒸素餃，小籠包要讚，皮薄多汁，要小心食，D湯汁漏哂出黎既話，就side 哂，好味😋，至於上海粗炒就不過不失，我就好欣賞D麵質，煙煙韌韌，好好咬感，見到D麵咁深色，以為好咸，但又唔係喎，味道適中，不過就有點肥膩，我特別喜歡素蒸餃，皮薄不厚，全菜饀，配以醋點，正正正👍

提早做中秋節， 去了尖沙咀食飯。

這間上海菜味道都可以， 菜式一般， 沒有嘩一聲， 好好味既感覺。

叫了1)兩籠小籠包2)紅燒獅子頭3)雲吞雞半隻4)黃金魚柳5)蕃茄豆苗6)松子炒飯7)雪裡紅炒年糕大概$8xx, 六大一小在尖沙咀吃到呢個價錢都算過得去。

佢地既餸上得好快， 好夠熱， 但排場就無以前高級。

知道要過尖沙咀, 提早做功課搵定LUNCH去處。

目標係上海野, 所以好快就鎖定呢間。

去到都2:30PM, 所以全店只有幾枱食客, 叫左一碗牛腩麵, 另一籠小籠包。

整體唔錯，會再來

久仰其名, 終於有機緣一試。

想不到平日的晚上也要等位, 幸好等了不是太久...店面不大, 位置有點擠迫...伸長一點手, 就可以夾到隔離枱的食物......小籠包.要做到皮薄又不易穿, 真是高深技巧!!這個皮薄, 但易穿....內裡有不少肉汁, 但略嫌過咸...而且小籠肉的肉有點散, 還有點鞋口..炒膳糊的份量比想像中多~黃鱔SIZE不少, 而且爽口彈牙~韭黃、香蔥也爆得很香, 就是有點油、有點膩...吃炒膳糊都差不多吃濟了, 見到雙麵黃那麼大碟, 真的有點吃不消...傳統的兩面黃兩面金黃，中間鬆軟，是上海特色麵食~ 這個2邊不太金黃, 有點像茶餐廳的肉絲炒麵...雜菇比蝦仁還要多...這個不是難吃, 只是與我期待的差了一點點距離...當它作肉絲炒麵, 其實蠻不錯的~

本身今日想去荔園，點知，一出IFC就開始落毛毛雨，所以大少決定提早同我去進攻2015書展，今年應該算係我買得最少書嘅一年，因為我開始戒買言情小說，所以基本上如果唔係順便，都未必會去……雖然今次買得3本書咁少，但係……我幫契仔買咗小學13年班嘅補充練習，今次大豐收反而係佢~去完書展都已經成8點，行咗成4個鐘，癡線的XDXDXD到行完又要諗想食咩，灣仔一來我地唔熟，二來食嘢都唔係平，所以大少話不如搭船返咗九龍先，一落船，大少話不如食鼎泰豐，但係我覺得呢個時間係最多人等位，所以我都搵多兩個選擇做後備，其中一間就係未食過嘅霞飛，次次都係過門而不入，今次終於有幸試到，噢……多謝書展~~鮮肉小心籠包 早兩日上網睇返“街坊食神決戰新台韓”見到金剛小儀食小籠包食得好滋味，佢地話靚嘅小籠包一定係皮薄多湯汁，而呢個小籠包都真係幾多湯汁，當然，皮可以再薄多少少~~灌湯牛肉餡餅 本來因為大少叫咗一窩湯羹，我想叫佢取消呢個，點食﹖兩個人好似太多，點知……店員話唔係好大個，好彩……冇取消，我未試過食個牛肉餡餅竟然係蘇皮，唔係麵粉皮，蘇得嚟又好多湯汁，個餡好好味~~金瓜絲海蜇皮 本身大少唔期待呢個，因為次次我叫親，除左王家沙好食少少之外，冇間好食，點知我食完……好驚訝……佢雖然唔多蘿蔔絲，但係個海蜇皮係我食咁多間最爽口，不過，可以再多少少麻油，會香好多~~霞飛招牌大排擔擔麵 嗯……霞飛個招牌擔擔麵太強烈豆瓣醬味，我覺得少啲豆瓣醬多啲麻醬會好味啲，而佢塊大排，真係好鬆化，炸皮唔會太厚，食落口重有好多肉汁宋嫂魚羹 完全出乎意料之外，呢個真係好好味，除咗啲芫茜味之外XDXD，入面有豆廚、冬菇、魚肉、蛋白，呢個真係比我想像中好太多，所以我地兩個飲完第一啖已經話，早知唔要個擔擔麵~~

霞飛點心拉麵餐單提供滬菜, 上海, 拉麵, 粉麵, 米線, 點心等推介美食位於尖沙咀區，餐廳座位數未知人均消費約$51-100，結賬可以用Visa,Master,現金,AE,JCB。

您對於尖沙咀餐廳「霞飛點心拉麵」有何 comment？

霞飛點心拉麵餐廳詳細資料：

• 霞飛點心拉麵地址:
  尖沙咀河內道18號K11購物藝術館B226-B227舖
  Xia Fei Shanghainese Restaurant, Shop B226- B227, K11,18 Hanoi Road, Tsim Sha Tsui
• 霞飛點心拉麵電話:  
• 霞飛點心拉麵價錢: $51-100
• 分類: 滬菜, 上海, 拉麵, 粉麵, 米線, 點心
• 座位: 未知
• 付款: Visa,Master,現金,AE,JCB
• FB專頁: 霞飛點心拉麵 Facebook

更多霞飛點心拉麵相關資料:

• 霞飛點心拉麵分店
• Youtube
• Facebook
• Twitter
• Google