金鼎軒海鮮酒家 尖沙咀

金鼎軒海鮮酒家 評價 相片

次次行過都唔敢上去試，於是上黎OPENRICE睇下，見有人話OK咁就試下啦。

我地O個日叫咗5樣野食，SO FAR都OK既，有：叉燒米線、生煎包、菜苗餃、蘿蔔絲酥仲有炸韮菜餃。

埋單每人平均50元到啦，個部長話下次打電話BOOK位`仲可以免茶WOR。

(妖﹗早知就打電話BOOK啦﹗)由於我地太少人，好多野都未試，尤其係D甜品，講到好似好好味咁，下次等人多D一定要試下先。

同同事食lunch,去左一間好近我地做公司既酒樓金鼎軒食飯,其實我大大話話都去過數10次啦,因為夠近同埋多數都有位,所以都會選擇去呢間而家去飲茶, 但凡有book位,就會免茶錢,並且我地有張88折咭,所以都好抵食,而點心方面就冇咩特別類型既點心,唔算太多選擇,不過食物都算ok,我最鐘意食既係佢地既鴛鴦飯,好好味同埋有自助甜品送,一冷一熱可以選擇,你鐘意食多一碗都冇所謂

同同事食lunch，去左隔離既酒樓飲茶，上到去完全不用等位，擔心好難食/好貴，睇下價錢，小點11個幾，都真係唔平，好在佢有d特價既點心，10元，叫左：1.芝麻蝦卷；我覺得ok，同事覺得好油，不過呢d野係油ga la2.蘿蔔糕：唔得，冇蘿蔔味，好粉...3.流沙奶皇包：雖然唔係好流沙(唔係鴻星個隻)，不過算係全日最好食既點心5.牛根：ok6.上湯腐皮卷：我冇食7.桂花糕；唔係太ok，一夾就散哂8.珍珠機，3件，但個size好似一件壽司咁，似公仔牌迷你板9.叉燒腸粉：這個都不錯，幾滑...整體食物質素一般，不過唔使等位又坐得幾舒服，都ok啦...

上次一家人係尖沙咀周圍搵食, 度度都好多人, 點知俾我搵到呢度唔駛等位, 所以即刻上去食晚飯.叫左好多野食, 都唔係好記得食過咩, 不過個黃金xx粥(唔記得全名), 瀨尿蝦有少少唔知咩味, 加埋魚片, 本來我都好鐘意食魚片, 但加埋好似怪怪地, 食過金銀蛋莧菜, 又好似冇咩味, 個燒味拼盤我都覺得有少少肥. 食埋個蒜茸開邊蝦, 霉既...唔好食>.< 個甜品桂花糕都算唔錯, 埋單一睇, 真係貴左少少. 每個人要成200 蚊有多, 唔太抵食...

中學課外活動所認識的朋友搞聚餐，選了來金鼎軒，延開兩席，每位$180元，食物水準整體不俗，份量大，味道和賣相都滲有傳统大酒樓的影子。

先來燒味併盤，水準一般，偏肥膩。

接着是鵝肝蝦丸和炸豆腐，蝦丸超大粒，略帶鮮味，中間包着一小粒無味的鵝肝，純粹卓頭之作。

炸豆腐卻異常皮脆內軟，必食推介。

圖示的炸石斑賣相麻麻，食味卻不俗，皮炸到好脆，魚肉都頗滑，可以一試。

避風塘炒蟹我沒吃，朋友們都說OK，但非常熱氣云云。

脆皮雞一般大路水準，皮不是頂級脆，肉不是頂級滑。

最後的炒伊麵太肥膩，我沒吃，炒飯就OK，夠乾身。

這裡我一定不會自己來吃，金鼎軒還是適合一大班朋友作經濟聚餐用途。

環境一般，尚算寬濶舒服，但油煙味勁，廁所也欠缺整潔。

金鼎軒海鮮酒家餐單提供粵菜, 廣東, 海鮮, 粉麵, 米線, 湯品, 點心, 中菜館, 酒樓等推介美食位於尖沙咀區，餐廳座位數400人均消費約$50以下，結賬可以用Visa,Master,現金,AE。

您對於尖沙咀餐廳「金鼎軒海鮮酒家」有何 comment？

金鼎軒海鮮酒家餐廳詳細資料：

• 金鼎軒海鮮酒家地址:
  尖沙咀北京道71-77號誠信大廈2樓
  金鼎軒海鮮酒家, 2/ F,71-77 Peking Road, Tsim Sha Tsui
• 金鼎軒海鮮酒家電話:  
• 金鼎軒海鮮酒家價錢: $50以下
• 分類: 粵菜, 廣東, 海鮮, 粉麵, 米線, 湯品, 點心, 中菜館, 酒樓
• 座位: 400
• 付款: Visa,Master,現金,AE
• FB專頁: 金鼎軒海鮮酒家 Facebook

更多金鼎軒海鮮酒家相關資料:

• 金鼎軒海鮮酒家分店
• Youtube
• Facebook
• Twitter
• Google