豚勝 尖沙咀

豚勝 評價 相片

「吉列」喺其中一類甚討歡心嘅菜式，相信亦有好多人都鍾意，而日本嘅吉列又真喺做得確有一手，最近，就知一間日本過江龍餐廳「豚勝」落戶香港，故此，就同朋友今晚嚟到「圓方」會一會佢，試試佢哋吉列豬嘅魅力。

餐廳鋪面好大，門口左邊，設咗啲等候位，如遇正人多，都可以坐住嚟等，尤其有老人家或小朋友，唔使被罰企。

此外，晌呢個位仲做咗啲豬仔裝飾，都幾可愛，算喺個打卡位。

餐廳嘅裝修明顯就喺走簡約木系和風，一室簡潔明亮，燈光柔和。

而近門口有一排吧位，最啱得一個人嚟自己食。

再走入嘅，就喺主用餐區，都喺啲2、4人枱，始終打着過江龍嘅名氣，所以，斷斷續續咁，全場近乎滿座。

我哋剛好被安排坐晌一角，方便傾偈。

此外，其實鋪面正對面仲有一個用餐區，話大唔大，話細唔細，環境同事都幾雅致。

順帶一提，招呼好唔錯，侍應態度殷勤，不時主動添茶。

雖然話主打喺吉列，其實，都有非常多選擇，以分類計，包括：炸物、丼物、咖喱、麵食、和食、小食，仲有埋兒童餐。

既然店名以「豚」字起首，其里肌豬同豬柳自不然咪錯過啦！而飲品方面，有多款清酒、燒酎、果酒、啤酒及果味梳打……等等。

正所謂「工欲善其事，必先利其器」，食吉列豚都要有個好配搭，先嚟碗白芝麻俾你手動研磨，再加上自家製嘅醬汁，食出獨特風味。

仲有另外兩款醬：紫蘇沙律汁同柚子醬，等你配以其他菜式。

靜岡綠茶可樂、完熟水蜜桃汽水 $48諗住食吉列豬扒，點都要搵啲汽水飲品爽一爽吓嘅，老友就要咗個綠茶可樂，小弟試咗一小啖，又真喺幾有可樂味，又有啲綠茶香，幾個癮。

我就揀咗個水蜜桃汽水，蜜桃味清香，感覺非常之清爽，襯熱焫焫嘅吉列豬扒就啱晒。

吉列大海老配豬柳定食 $258我哋所揀嘅兩款定食都思考過嚟，一次過就可以試到里肌豬、豬柳、大海老同佢哋嘅咖喱。

先分享呢一款大海老拼豬柳，配以大量爽脆嘅椰菜絲，非常有睇頭，而椰菜絲同白飯都可以無限量添加。

先講隻吉列大海老，唔使多講，堅大隻，蝦肉鮮味十足，口感彈牙，蝦頭仲有少少蝦膏；豬柳亦都非常正，肉質好軟腍，又夠晒肉味，沾上酸香嘅豬扒醬，「脂」味更上一層樓。

咖喱吉列厚切里肌豬扒定食 $228每道定食都會配上麵豉湯、蘿蔔漬，前者做香濃，麵豉味甚突出，而後者酸香爽脆，甚有清清味蕾之效。

講到件吉列厚切里肌豬扒，炸得色澤金黃，一口咬落去，咔嚓脆口到不得了，又唔油膩，而肉質鬆化，富肉汁，卻帶點脆口感，沾上咖喱就更正；而咖喱有別一貫日式咖喱帶甜嘅印象，反而辛味幾強勁，但辣得嚟點到即止，唔會太嗆喉。

另外，還伴有一隻「炸蛋」，很有流心效果，真喺幾得！不愧過江龍，有一定質素，事後先慢慢睇番個餐牌，原來啲豚肉喺以日藉主廚嘅法式做法，先用低溫慢煮處理，然後再炸至9成熟，讚呀！

又有一間日本過江龍餐廳登陸香港🎌，鍾意食炸豬扒就要留意啦，由米芝蓮星級主廚大橋先生創立，由東京開到今次香港「圓方」商場入面，餐廳主打正宗風味十足嘅炸豬排，當中最人氣就喺招牌吉列厚切豚肉定食🐖，另外仲有吉列帶子、吉列豬柳、燒鰻魚等等定食選擇。

.每款定食都會配白飯&味噌湯&漬物，當中白飯及椰菜絲都可以免費加添，保證食得飽～.🔸特選吉列厚切里肌豬扒定食 $208當然要試吓呢度嘅招牌名物🥹，豬扒厚度十足吉列外皮亦都炸得金黃酥脆，最重要唔會甩皮甩骨～而每件豬扒都用上法式慢燉技術加上低溫慢煮嘅方法烹調，保持肉質軟腍同時有鬆脆口感🐖✨，加埋芝麻同豬扒醬更惹味啊！.🔸滑蛋吉列大海老定食 $238除咗炸豬扒吸引，呢款吉列大海老亦都好高質🍤～首先賣相已經夠震撼，吉列大蝦長過隻碗！吉列外皮同樣酥脆，蝦肉厚身爽彈，底部喺充滿蛋香嘅滑蛋洋蔥飯，滑蛋仲好鮮嫩添！.🔸吉列里肌豬扒三文治（三件） $168輕食類代表叫呢款三文治就啱晒啦🥪，入面同樣有招牌吉列里肌豬扒，加上椰菜絲同獨有日式醬汁，整體唔太油膩🫶🏻唔想食飯可以一試啊～.🔸完熟水蜜桃汽水 $48用上長野縣桃汁製成嘅梳打，桃味香濃好突出🍑，爽呀！

尖沙嘴｜豚勝Tsukanto .東京Tsukanto豚攻陷香港，進駐圓元，炸豬迷當然第一時間去食過夠本啦🤣 香港更加係東京以外第二間分店，咪話唔巴閉😎.豚勝合作夥伴為米芝蓮星級主廚大橋先生，日本由大師研製出嚟嘅炸豬排，係咪好期待😍.食材更加由日本或海外嚴格挑選再送到店，務求客人食入口嘅全新都係優質食物😘店內走簡約木系風，明亮舒適，坐位空間感不錯👍🏻.🔺特選吉列厚切里肌豬扒定食 $208來到當然一定要食吉列豬排，吉列豬上枱色澤金黃，炸醬望落好鬆化，炸豬顏色唔會好深，入口同預期一樣鬆化，豚肉唔會太肥，無酥味👍🏻 有肉汁，再點點少少醬汁又另一翻風味，點豬扒醬同手磨芝麻就最適合不過，隨餐附有椰菜絲，加啲紫蘇醬味道好好味😋.🔺滑蛋吉列大蝦定食 $238吉列蝦🍤非常大隻，大過隻碗😂 表皮非常酥脆，蝦肉鮮味彈牙，炸得火喉剛剛好，肉質保持鮮嫩，蝦頭仲有蝦膏😍😍 滑蛋非常之滑👍🏻✅.🌟隨餐有薯仔沙律、豆腐麵豉湯👍🏻👍🏻.🔺 吉列里肌豬扒三文治 $168嚟到當然要叫埋呢個啦，厚切吉列豬，配上椰菜絲、豬扒醬汁，再夾埋多士，外脆入腍，肉味好夠，建議咬大啖啲😂 入口好滿足😂.服務態度好殷勤，不時斟茶，而且好有禮貌，下次再嚟食過先😍😍😍

上次一家人去M+同香港故宮之後，都習慣了係圓方醫肚。

今次同囝囝及朋友試下新店。

豚勝位於圓方溜冰場對上一層，都幾易搵，除了店內幾張4人檯同吧檯位之外，門口對出仲有兩三張卡位，感覺毫不逼狹，而且光潔明亮，感覺討好。

味噌雜煮（$88）基本上得豬脷及豬腸兩種材料，但處理得出乎意料地好，軟稔而不失肉味，佐酒一流。

吉列里肌豬扒三文治（$168）豬扒比麵包厚兩倍，而且肉質軟熟，加入椰菜絲令口感多了一份清爽。

吉列北海道帶子配豬柳定食（$268）定食本身包白飯、味噌湯及漬物，而且白飯及椰菜絲係可以任添，包保你食得飽。

帶子同豬柳炸得色澤金黃，脆漿處理得好好，帶子咬開熱燙，肉質嫩；而豬柳亦鬆軟有嚼口。

食之前可以把芝麻輾開，加入醬油，方便蘸點豬柳，美味倍增。

熊本特等吉列厚切豚肉定食（$328）厚切下啖啖肉當然吸引，單論肉味，的確贏一條街，但可能今次筋位較多，沒有豬柳的鬆軟口感，感覺比較結實。

滑蛋吉列大海老定食（$238）兩隻偌大虎蝦，炸得幾乾身，連蝦殼都食到，但略嫌滑蛋水份稍多，令飯粒好濕身，影響口感。

香草雲呢拿雪糕配京都宇治抹茶（$58）壓軸的甜品係香草雲呢拿雪糕，再即場淋上京都宇治抹茶，甘甜可口，囝囝一個掃晒。

至於飲品，分別點了靜岡綠茶可樂（$48）、完熟水蜜桃汽水（$48）及信州蘋果汽水（$48）。

今天來試試日本過江龍的日式吉列炸豬怕專門店，雖然定價稍高，不過絕不馬虎，一定值回票價！鑑於店家對於美食的熱情匯聚了廚藝精湛的廚師團隊，其中還包括了技術高超的米芝蓮星級日本主廚！實在是一款難以忘懷的美味炸豬排🐷(店員會提供炒香過的芝麻讓你盅爛調製醬汁)——— ✤ 滑蛋吉列宮崎雞扒丼定食豚勝｜$𝟐𝟏𝟖雖然知道豬排才是𝐬𝐢𝐠𝐧𝐚𝐭𝐮𝐫𝐞🤪不過沒想到雞扒也同樣做得做得出色！酥脆無比的炸皮包裹住超級嫩滑的雞肉，𝐣𝐮𝐢𝐜𝐲度爆登！雞扒下飽滿的珍珠米飯滲透了滑溜的雞蛋、洋蔥🧅以及醬汁。

✤ 吉列里肌豬扒三文治｜$𝟏𝟔𝟖⭕️推薦推薦⭕️烘烤的麵包多士酥脆，內裏軟綿綿，包裹住𝐫𝐞𝐟𝐫𝐞𝐬𝐡𝐢𝐧𝐠的椰菜絲、特調燒汁以及沙拉醬，吉列里肌豬扒厚實多汁，外酥內嫩！味道有驚喜，瞬間可以𝐤𝐨整個😆✤ 吉列豬柳配冷烏冬｜$𝟏𝟖𝟖豬柳相對肉質較為結實，肥肉比例相對較少，滿口都是肉感。

外層同樣酥脆🔥冷烏冬拌入鵪鶉蛋蛋液、𝐰𝐚𝐬𝐚𝐛𝐢以及冷麵汁，最適合夏天炎炎消暑解膩。

✤ 煙肉薯仔沙律｜$𝟕𝟖綿密𝐜𝐫𝐞𝐚𝐦𝐲的薯仔沙拉拌入沙拉醬，細嚼下可吃到薯仔顆粒感的口感🥔

豚勝餐單提供日本菜等推介美食位於尖沙咀區，餐廳座位數未知人均消費約$101-200，結賬可以用AlipayHK,支付寶,現金,八達通,銀聯,Apple,Pay,Google,Pay,微信支付,OpenRice,Pay，Booking訂位可以電話致電 23313822 查詢。

您對於尖沙咀餐廳「豚勝」有何 comment？

豚勝餐廳詳細資料：

• 豚勝地址:
  尖沙咀柯士甸道西1號ELEMENTS圓方火區1樓1002號舖
  Tsukanto, Shop1002,1/ F, Fire Zone, E L E M E N T S,1 Austin Road West, Tsim Sha Tsui
• 豚勝電話: 23313822
• 豚勝價錢: $101-200
• 分類: 日本菜
• 座位: 未知
• 付款: AlipayHK,支付寶,現金,八達通,銀聯,Apple,Pay,Google,Pay,微信支付,OpenRice,Pay
• FB專頁: 豚勝 Facebook

更多豚勝相關資料:

• 豚勝分店
• Youtube
• Facebook
• Twitter
• Google