茶墨 尖沙咀

茶墨 評價 相片

黃店 💛 #茶墨 #尖沙咀🟡 老闆表明自己同員工都係黃🟡 曾派發飯券、憑捐星火收據可換產品🟡 製作香港加油飲品🟡 店面有文宣咁快就到咗我又愛又恨嘅夏天嚕～ 今日行街行到熱，就入咗The One嘅呢間茶墨買雪糕同嘢飲。

🍹麻糬芝麻烏龍奶茶（$39）外表十級靚嘅水墨風奶茶，想試好耐～飲落都幾特別，好香芝麻味，同奶茶配搭幾特別～杯入面嘅麻糬份量好多，咬落煙煙韌韌，好味😋🍦玫瑰花茶gelato配窩夫脆筒（+$39）玫瑰花茶味gelato係藕粉色嘅，加埋上面嘅蝴蝶酥同脆棒，外表已經好吸引。

聞落好香，但食落就唔係好有玫瑰味，不過茶味就好香濃，甜度適中唔會太甜，而且綵用嘅係低脂配方，女仔都可以方心食🤪

雖然有啲商場係唔應該去消費，但商場入面始終仲有啲黃店係到，要齊上齊落，就點都要撐落去。

呢間茶墨陪伴左大半年，點都要支持下。

這間茶飲店不只可外賣，還可以堂食。

而且環境也不錯，有枱椅坐，自成一角。

係到你一定會揾到三寶😊不用介紹，真。

香港人都識得佢地💛莫明地多了份親切感😊呢到除左出名黃，其實仲係以水墨畫為主題既茶飲店，有睇得又好味既茶飲，仲有茶味甜品和雪糕。

每杯茶都好似藝術品，紋理清晰，除黑白外，仲有唔同顏色。

紫薯鐵觀音沙冰$39紫白相間既紋理，有種浪漫既感覺，女孩子最愛。

味道先苦而後甜。

初入口會先嚐到苦澀既鐵觀音味，滑入喉嚨一刻則嚐到甜甜既紫薯味。

希望我地香港也可以好似呢杯沙冰咁苦盡甘來。

芝麻烏龍麻糬鮮奶$39真係好似一幅山水畫，要多看幾眼，欣賞完就要搞匀佢。

台灣烏龍茶配芝麻醬加奶味既麻糬粒，入口先嚐甘香既烏龍茶味，然後就慢慢感覺到芝麻既香味。

還有粒粒既煙韌麻糬，細嚼下會帶出淡淡的糯米香。

三種味道出奇地perfect match，但又不失其獨有既味道買飲品可以加錢食埋甜品或者雪糕，好抵食呀。

我就睇中左蛋糕櫃入面既迷你蛋糕喇富士蘋果芝士蛋糕，追加價$28芝士蛋糕入面有大量粒粒蘋果餡，蘋果味非常清新，清甜得黎帶微酸，剛好中和了濃郁既芝士味。

雖然好細件，但勝在高質，淺嚐已經很幸福。

下次可以試下佢地既雪糕，仲要係低脂

看過網上節目介紹茶墨，好欣賞在大時代有勇氣發聲的店舖，故特意走到The One四樓帶個外賣回家。

主要提供飲品，亦有供應甜點。

這是主餐牌。

點了飲品之後，可以追加甜點。

也有養生之選的飲品，在這抗疫時段，更要注重身體健康。

甜品凍櫃擺放了各款蛋糕，好吸引呢。

也有售賣這個時代獨有小吃，同路人定當支持。

帶走回家品嚐的是富士蘋果芝士蛋糕。

若果堂食的話，會用雲石紋小碟擺放，更見精緻。

外帶的話，侍應會用小紙盒盛載，並會附上餐具，方便食客。

不過反正回家吃，所以請侍應不用提供餐具，盡量環保一點。

蛋糕以清爽富士蘋果，配搭濃郁芝士蛋糕，是個有趣的對比，不論是味道，或是口感，層次鮮明，也很清澈，很有新鮮感的組合，難怪據侍應表示，這是其中一款最受歡迎的蛋糕呢。

飲品是水墨風系列的黑糖珍珠芒果鮮奶，一杯有600ml，份量十足。

水墨風的外型，打卡一流；而味道也是坊間少見的組合：清甜芒果香味和鮮奶混為一體，黑糖香甜提升了整杯飲品層次，配搭煙韌珍珠，多了一份嚼勁。

睇完戲同朋友搵個舒服既地方傾下計，朋友又唔鐘意coffee shop，話想試下新野，所以就搵左呢間野飲好似做得幾靚既餐廳。

一黎到睇menu就馬上比佢啲水墨風飲品吸引左，本身睇中麻糬芋泥茉莉鮮奶綠，但係又對芝麻好有興趣，最後都係揀左麻糬芝麻烏龍鮮奶茶。

朋友話想飲清啲既野，就叫左鮮奶伯爵茶。

店員有提醒水墨風飲品類係飲之前要搞勻佢先，但係我覺得可以先飲幾啖，再搞勻佢飲。

因為佢既鮮奶茶底其實係比較清新，而我揀既芝麻係勁香勁濃味。

雖然佢唔會好甜，反而仲甜度適中，但係搞勻左既話，烏龍茶味相對就會弱左好多，所以我覺得可以先品嚐下佢鮮奶茶既味道，先再同芝麻一齊飲。

因為我就係咁飲啦哈哈。

底下勁多麻糬粒，同芝麻好夾～朋友既鮮奶伯爵茶無叫少甜，我試左一啖，甜度都幾適中。

雖然如果比我揀，我都會叫少甜，但我飲落去，覺得呢到既正常最多只係出面台茶店既少甜程度，比較清新舒服～另外我地仲加左件八女抹茶蒙布朗送下茶。

佢外層既質感幾好，唔會好實好乾，而且都唔係勁甜。

入面有cream，栗子粒，同埋海綿蛋糕。

蛋糕唔會好乾，不過我其實麻麻地鐘意食呢種有cream既蛋糕，但鐘意食cream既朋友就話好食！另外既就係，佢既環境佈置得都幾靚幾舒服，不過人流都比較多，可能要好彩先有位坐呢！

講個神秘給大家知，在小學時我曾經獲得書法比賽冠軍，當時我都很意外...但其實我對寫書法興趣不大，亦一直沒有好好練習。

講起興趣，我現在的興趣就是....食，但書法和食有什麼關係呢？為何混為一談？因為我發現到這間命名「茶墨」的店子，書法字體店名吸引了我。

店子環境光猛，以白色為主調，牆身鑲上大型的產品海報和電子螢幕，簡約舒適亦吸引。

設有開放式的泡茶區和意大利雪糕區，下單處旁還有一個小小的餅櫃。

可堂食或外賣，堂食分兩邊，座位唔多，只有數張二至四人枱。

************************看看餐牌，七大飲品系列，分別有水墨風、雪糕奶昔、焦糖芝士、精選純茶、乳香茗茶、經典奶茶和冰搖茶。

四款水墨風是主打，當然不能錯過。

冷飲雖然賣相會很美，但我身子差，還是熱飲較適合，揀了麻糬芋泥茉莉鮮奶綠 Mochi Mached Taro Jasmine Milk Tea($39)，而最高興是鮮奶可轉豆乳，岩晒我。

店員好細心，叮囑飲前必須拌勻，拌一拌，原來內有大量芋泥茸，果然真材實料，還有不少麻糬粒，用料十足。

啜一口，入口微暖，啖啖香滑的芋茸和柔韌的麻糬粒，甜度亦適中，又好喝又飽肚，喜歡！************************凡購買正價飲品便可以優惠價追加甜品，食埋就滿足！追加甜品可揀蛋糕、蒙布朗或雪糕，身為抹茶控當然揀個八女抹茶蒙布朗 Yame Matcha Tea Mont Blanc (+$32）。

色澤翠綠，把其切開，內裏是香滑的忌廉，混入了幾粒甜美的栗子粒，而餅底就是鬆軟的海棉蛋糕。

抹茶蓉好幼滑，但茶味不濃郁，味道略甜，若然內藏的忌廉改埋用抹茶忌廉，而海棉蛋糕改埋抹茶蛋糕以此提升抹茶味道，相信便可滿足我這個抹茶控，哈！望着餐牌上四款水墨風飲品，又看看書法字體的店名，不禁勾起我寫書法的引，就提筆練習個「福」字，準備寫揮春賀新年。

茶墨餐單提供日本菜, 茶館等推介美食位於尖沙咀區，餐廳座位數未知人均消費約$50以下，結賬可以用Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付。

您對於尖沙咀餐廳「茶墨」有何 comment？

茶墨餐廳詳細資料：

• 茶墨地址:
  尖沙咀彌敦道100號TheONE4樓L411號舖
  Tea Brush, Shop L411,4/ F, The O N E,100 Nathan Road, Tsim Sha Tsui
• 茶墨電話:  
• 茶墨價錢: $50以下
• 分類: 日本菜, 茶館
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付
• FB專頁: 茶墨 Facebook

更多茶墨相關資料:

• 茶墨分店
• Youtube
• Facebook
• Twitter
• Google