海底撈火鍋 尖沙咀

海底撈火鍋 評價 相片

海底撈雖然係香港開左好多間分店都一段時間,但一次都未去潮聖過,見今日經開尖沙咀見到附近就有間海底撈就即興去食個lunch.lunch time原來有lunch set食而且仲好全部都係$88$125內包一款肉類主菜,5款配料同一款主食,都算幾抵食.不過湯底就要自己額外揀,店員好細心咁介紹每款湯之餘仲教我點叫先比較抵,好細心.lunch set附送前菜,小食,水果.小食係bbq味脆片,入口好香脆,好快就清晒成包.水果有西瓜,芭樂同橘子.四宮格內我就點左牛油麻辣火鍋同菌鍋湯底,內裏仲可以揀濃度,麻度同辣度.麻辣湯底入口先辣後麻而且麻勁越食黎越麻,內裏滿滿辣椒碎好足料.菌鍋湯底顏色清澈入口十分濃菌香味,飲完都唔會好口渴.魚籽蝦滑好彈牙,內裏滿滿蝦肉同蝦籽粒,蝦滑蝦味好香鮮蝦味,內裏帶一粒粒蟹籽卜卜脆.精品肥牛顏色好鮮,解凍時間足夠唔會一層雪面係牛肉片上,牛肉肥瘦肉一層一層,牛脂味既牛味都幾濃,滾完唔會一夾就碎,入口唔會簿到無晒咬勁.自選拼盤望落以為好細份但食落十分足夠,食完好滿足.拼盤以蔬菜為主會部都好新鮮,厚切冬瓜同蘿蔔都好鮮甜.主食揀左手拉麵,食到一半可以叫起手拉麵.等一陣就會有位拉麵師傳到你枱前即場幫你拉麵.手拉麵入口好煙韌彈牙,而且吸晒湯底既精華.柑桔蜜茶$15/位任飲,入口清爽帶點微酸,先酸後帶蜜既香甜味.食緊火鍋中途熱辣辣飲返啖即刻降溫.最後餐廳送左袋前菜既小食比每一位食客,好貼心又驚喜.

海底撈出名啲乜？相信無人不知，就係佢200分嘅服務💯。

之前去大陸Exchange時試過，但就尚未到訪香港分店。

呢日喺朋友嘅邀約下去咗尖沙嘴分店食Lunch打邊爐🍲。

海底撈有提供午市火鍋套餐，價錢由$66$128不等，包一款肉類🥩／海鮮🦑、一個拼盤同一樣主食；水果同小菜就自助免費。

不過另外仲有唔少收費，包括調料($18/人)、飲料($15/人)，湯底費同加一服務費👀，加加埋埋都唔算平。

湯底我哋揀咗四宮格，因為估計午市都唔會滾太耐，所以只係嗌咗其中兩款，🍄菌湯火鍋($32)同🍅蕃茄火鍋(明星湯底)($34)。

除咗服務外，我最鍾意就係海底撈嘅湯底，款款都好濃好正🤤。

店員小哥仲襯我哋未淥餸時，整咗個蕃茄湯俾我哋飲。

佢加咗五香牛肉粒同芹菜粒落蕃茄湯到，真係不得了🥫。

講返食材，我哋要咗手切牛小排套餐($128/125g)同魚籽蝦滑套餐($108/75g)。

齋講呢兩碟嘅份量就正正常常啦，唔多唔少。

但一開始店員上錯咗巴沙魚($66/150g)俾我哋，同佢講返之後，本身諗住換返啱就ok。

點知佢哋話餐廳出咗嘅菜就唔會收返，但會補返啱嗰款俾我哋。

服務真係超級好，又講求衞生👍。

🐂牛小排有六片，真係有食緊牛扒嘅感覺，牛肉夠厚身，牛味濃郁，而且脂肪分佈都幾靚。

🦐魚籽蝦滑非常彈牙，食到爽爽的蝦肉，店員仲會幫我哋刮埋落湯底淥熟佢。

🐟巴沙魚肉勁滑，又無骨，估唔到都幾好食、幾鮮味。

拼盤我哋揀咗D款同E款，兩款嘅配料各有不同。

D拼盤有蟹味棒、白蘿卜、笋片、金針菇同油墨菜；E拼盤就有葛根粉、長生菜、海帶、芝士脆皮腸同豆腐皮。

餸料夾夾埋埋有成十款咁多！我最鍾意油墨菜、脆皮腸同豆腐皮🥬；但笋片就麻麻。

主食有三款可以揀，包括白飯、出前一丁同撈面一條。

我哋都梗係揀呢到嘅名物－撈面啦！因為係有師傅喺你面前表演，拉麵條，舞嚟舞去，好厲害💃。

撈面食落口感似刀削麵，都幾彈牙，幾好咬口，索蕃茄湯，一流😋。

飲品方面，本身我朋友想飲豆漿，但店員話煲壞咗，所以今日無😅，最終大家都要咗柑桔檸檬。

食到尾聲，有個哥仔話親手沖咗啲菊花茶🌼，問我哋試唔試下，都幾好飲，解膩。

最後，仲有雪耳糖水同雪米糍做飯後糖水同甜品😚。

調味區Area都幾大，有超多醬汁同配料任你Mix&Match，而且仲有教學！最搞笑係周不時會見到店員喺度調醬料或者拎嘢食比客人，好貼心💕。

總括嚟講，海底撈咁受歡迎係有原因，服務真係好得太誇張，每一位店員都好熱情，又好貼心，喺香港真係唔習慣，有受竉若驚嘅感覺🙈。

服務以外，食物都好好味同新鮮，湯底超正！午市食會抵過晚市，因為可以叫套餐，但我發現香港價格真係貴過大陸唔少，租金因素吧。

一直大胃都好想試海底撈，無奈上年6月之後，無意返大6，直到最近，諗住應該唔會有大6人嚟香港食，先夠膽去食，總算了咗件心願一入嚟樓面就幫我地用酒精消毒雙手，又遞膠袋俾我地裝口罩，仲奉上雞湯話抗疫，貼心同清潔分爆燈等胃民期間有前菜打吓牙骹，飯前食生果，食完任添，啱晒好多醬料呀，可以一展大胃科學精神，任撈湯水同雪耳都係任添，而且味道冇花假樓面推介四宮格，一個湯底都係卅幾蚊咋樓面提大胃豬腦會好腥，奉上調味料除腥，不過我堅持原汁原味，就咁食都好好味，一啲都唔腥用蝦做出嚟嘅腸仔，嫩口又極富蝦香咁大份響鈴廿蚊都唔使，抵到呢內有乾坤嘅牛丸，芝爆我鍾意羊肉羶味唔濃，易入口鍋後甜品炸年糕，外脆內軟牛板腱雪花分布均勻，自然係好嫩口

之前經過海底撈的時候，看見它的午市套餐價錢並不太貴，而且食物選擇亦很吸引，所以今天我和男友便來到這裡吃午餐了午市套餐總共有六款選擇，我們分別選了羊肉和牛小排套餐當我們進來的時候，服務員便立即派發開胃小菜，零食和水果給我們，服務真的是相當細心No.1【羊肉套餐】 $78雖然羊肉卷的份量都算多，而且肉質亦算嫩滑可口，可惜卻嚴重缺乏羶味，我一點羊肉味嘗不到，感覺上和吃豬肉並沒有任何分別!No.2【 牛小排套餐】 $128牛小排的質素比起羊肉便出色得多了，牛肉除了充滿著濃濃的牛肉氣息，肉質更柔滑嫩滑，鮮美多汁，讓人口舌生香，回味無窮No.3【 大骨湯火鍋】 $32即使濃度方面我們已經選擇了特濃，可惜豬骨味仍然不太濃郁，味道都是有點清淡，不過勝在可以嚐到新鮮食材的鮮甜味No.4【 菌湯火鍋】 $32大家如果選擇這款湯底的話，千萬不要點特濃，因為什麼菇菌的鮮味我們便嚐不到了，我們只嚐到濃濃的鹹味，簡直是鹹得嗆喉，讓人難以下嚥，囓蘗吞針！No.5【 肉碎牛肉粥】 男友每次來到海底撈，必定會點一份清水湯底，因為他可以將白飯泡在清水中，慢慢熬製成白粥之後店員再為我們加上肉碎牛肉粒，一碗美味的牛肉粥便製作完成了白粥口感綿綿的，一放進口中立即便溶化了，滿口都充滿著濃郁的牛肉味，鹹鹹的，香香的，其味無窮，珍饈美味最後其他配料方面，大部分食物都算味道不錯的，吃飽飽之後店員更為我們送上飯後水果和雪米滋，為這頓午飯畫上完美的句號價錢方面，羊肉套餐$78， 牛小排套餐$128，大骨湯火鍋$32，菇菌火鍋$32，自選醬料$18，餐廳另設加一服務費，兩人總共$316總結來說，即使是海底撈的午市套餐，價錢卻依然一點也不便宜，人均都需要$158，而且食物質素亦只是中上而已，它的賣點只不過是其出色的服務和舒適的用餐環境而已所以，雖然我覺得它是值得一試，但只是一次起兩次止，大家下次不妨可以嘗試旁邊的雲長小龍坎老火鍋，午市套餐連加一都只是需要$75而已，性價比真的是相當高呢！

香港人到內地吃得多海底撈了現在已經擴展到香港平日的晚上都滿座，要事先訂座一步出電梯，已受四五名員工熱情的招待因以前已經吃過，知道最美味的是蕃茄湯底，而且這次只有兩人吃，節省成本下，這是最建議的叫法四宮格 – 清水火鍋，蕃茄火鍋(明星鍋) $34味道選了最濃的「特濃」，特殊要求加了蕃茄期間會不斷主動加湯，而且是蕃茄湯，不會愈來愈淡味可免費取肉碎和蔥花去品嚐湯底，極之濃郁等待上火鍋時，可到「自選小料」任取食物店員已主動取了烏雞湯、雪耳糖水、一些生果和冷盤撈派滑牛肉(半份) $49必點之一—用澳洲牛肉去筋醃製，口感軟嫩精品肥牛(一份) $124肥牛的雪花分佈得很平均口感不油膩，入口鬆軟，濃郁牛味多粒多蝦腸(半份) $34芝士腸般的大小，入面有些蝦籽蝦肉，十分特別響鈴卷(半份) $16撈面 $18絕對必點，師傅會現場表演花式拉麵另外，有中國變面表演欣賞，人生第一次看到，非常有趣最後，「自選小料」收取每位$18，以及「自選飲料」每位$15，再加一服務費這些小費用十分值得，因「自選小料」有水果、湯品及甜品任取。

而「自選飲料」可任飲無糖熱豆漿、凍檸茶及柑桔蜜，無糖熱豆漿更極多黃豆渣，材料十足，天然又健康。

加上，海底撈另一主打就是服務，侍應專門服侍幾張餐桌非常好服務，比在內地還好服務阿。

新年禮物，一人三包海底撈小脆片，還祝賀一番～

海底撈火鍋餐單提供川菜,(四川),火鍋等推介美食位於尖沙咀區，餐廳座位數未知人均消費約$201-400，結賬可以用Visa,Master,AlipayHK,支付寶,現金,AE,銀聯,Apple,Pay,微信支付，Booking訂位可以電話致電36130888查詢。

您對於尖沙咀餐廳「海底撈火鍋」有何comment？

海底撈火鍋餐廳詳細資料：

• 海底撈火鍋地址:
  尖沙咀金巴利道26號2樓
  Haidilao Hot Pot, 2/ F,26 Kimberley Road, Tsim Sha Tsui
• 海底撈火鍋電話: 36130888
• 海底撈火鍋價錢: $201-400
• 分類: 川菜,四川,火鍋,
• 座位: 未知
• 付款: Visa,Master,AlipayHK,支付寶,現金,AE,銀聯,Apple,Pay,微信支付
• FB專頁: 海底撈火鍋 Facebook

更多海底撈火鍋相關資料:

• 海底撈火鍋分店
• Youtube
• Facebook
• Twitter
• Google

香港餐廳2023推介04月