不忘 尖沙咀

不忘 評價 相片

舖面比較細，堂食得68個位左右，所以就叫左外賣番去慢慢食。

嗌左套餐有腸粉(揀左雞蛋+肥牛)同煎餃*4(揀左粟米豬肉)，外賣有9折，total $52。

先講腸粉，望住佢即整，好用心，一大條切開有4小條左右，加左甜豉油，提升左個鮮味，未至於話咩上等佳餚，始終係平民菜式，我覺得都幾有家既味道。

然後個餃，外脆內軟，入面都好足料，粟米好鮮甜，平淡是福既感覺。

整體幾好，如果有時想食清少少可以過尼，價錢都好經濟。

今次第二次幫趁啦。

第一次去食過佢嘅椰菜豬肉水餃令我一試難忘，因為今晚一個人食飯，所以去咗醫肚。

環境：地方細細，枱上有消毒搓手液，好細心。

服務：有禮貌，我想飲茶類飲品，佢話賣晒又知我唔飲汽水，於是乎佢入廚房問完，發覺賣晒凍嘅茶類飲品，問我介唔介意唔凍嘅，我不嗜凍飲當然更好。

呢方面佢哋應該要醒目啲問多兩句，始終小店，賺得一蚊得一蚊。

食物：今次試吓佢個煎餃，OMG! 佢隻餃係半煎炸，一邊脆卜卜（錦鹵雲吞嘅脆），一邊係軟，軟果邊可以吸醋👍🏻，佢嘅餡料當然同水餃一樣，有爽口椰菜、木耳、豬肉，加上調味不濃，原汁原味，咬落有肉汁，好驚喜！總結，尖嘴有呢啲平民小店，加上食飯質素穩定，係我要單獨醫肚首選。

不忘位於又名韓國街嘅尖沙咀金巴利街，聽朋友講呢間小店主打雲浮石磨腸粉同自家手工餃子，即叫即製熱辣辣好好食。

我同男朋友今晚各自叫左佢腸粉配餃子果個 set。

佢地嘅腸粉有九款配料想點配搭都得。

我就揀左薑蓉豬潤芫荽腸粉同埋韭菜豬肉湯水餃，而我男朋友就叫左香蔥肥牛雞蛋腸粉同埋生煎韭菜豬肉餃。

聽人地講過，其中一位店主去過雲浮跟師傅學過點整當地嘅正宗石磨腸粉，難怪d腸粉皮蒸出黎厚薄剛好，d腸粉透薄到可以清楚睇到配料，而且又好滑我果個薑蓉豬潤加埋芫荽嘅調味同配撘真係無得輸嘅。

而肥牛雞蛋腸粉，雞蛋包住腸粉皮，我覺得食落個口感都好過癮，仲更加滑，不過我個人比較鐘意我揀果個多d，因為感覺先係食緊傳統嘅腸粉。

另外，最值得一讃嘅係佢地嘅甜豉油同辣椒醬都係佢地自己整架，調配過嘅豉油甜甜地又有鮮味，手炒辣椒醬又香又辣，好岩鐘意食辣嘅朋友。

最後要講下佢地嘅煎餃，餃子個皮脆卜卜，而且餃子皮厚薄適中，唔會一夾就爛又唔會厚到好似食緊粉咁。

裡面嘅豬肉亦仲有少少肉汁，調味又岩岩好，加埋我最愛嘅韭菜，真係冇得輸

味道不過不失 座位有限不過好難得係tst有餃子店 價錢唔貴 所以要支持下我食左韮菜豬肉餃 6隻 32$算好平 野飲就+6蚊 不過選擇唔多 都係紙包野飲/罐裝佢仲有腸粉食 不過今日冇咩胃口就冇試到

我係腸粉同餃嘅狂熱fans，可惜係香港一直都搵到啲又薄又好味嘅腸粉。

加上見到不忘有賣水餃，兩樣都係我好鍾意食，又係年輕人喺疫症時期新開嘅，就一心要去捧場試下。

有腸粉加水餃套餐，只係$55。

腸粉可以揀2種配料。

今次我揀咗牛肉蛋腸粉配雲耳椰菜豬肉餃。

不忘嘅腸粉係石磨腸粉，即叫即整，一整好就上枱，腸粉要好食就一定要夠熱腸粉皮做得好薄，加埋蛋好滑好有咬口，配搭埋牛肉好好食。

腸粉份量都幾多架，抵食跟餐嘅餃子有六隻，我叫嘅係雲耳椰菜豬肉餃，皮薄得黎餡料好足夠，啖啖肉，好夠味腸粉同水餃嘅味道暫時係我覺得最好食同最鍾意食，大廚年紀輕輕有咁嘅手藝我會多d黎幫襯架~🤣

不忘餐單提供港式, 小食店等推介美食位於尖沙咀區，餐廳座位數未知人均消費約$50以下，結賬可以用現金，Booking訂位可以電話致電 67959671 查詢。

您對於尖沙咀餐廳「不忘」有何 comment？

不忘餐廳詳細資料：

• 不忘地址:
  尖沙咀金巴利街1E號地舖
  Bat Mong, G/ F,1 E Kimberley Street, Tsim Sha Tsui
• 不忘電話: 67959671
• 不忘價錢: $50以下
• 分類: 港式, 小食店
• 座位: 未知
• 付款: 現金
• FB專頁: 不忘 Facebook

更多不忘相關資料:

• 不忘分店
• Youtube
• Facebook
• Twitter
• Google