Milano Caffe 尖沙咀

Milano Caffe 評價 相片

已是個幾月前的事了。

託水貨王買左部相機，但佢又立即要飛，唯有返緊工都要蛇出來交收。

叫佢揀間隱蔽一點的樓上咖啡店坐住等，佢來了這裡。

咁呢度又係幾安全的，事關部電梯又舊又細，如果同人在這裡幽會的話，一時間多幾個人上來找晦氣都唔得，因為入唔到電梯。

無可否認，呢度無論傢私及佈置，都給人舊的感覺。

還好落地大玻璃窗引進不少的陽光，加上輕音樂，我們坐在角落的疏化椅位置，幾輕鬆。

而擺放在那裡的超大隻啤啤熊，正好給我用來試機。

叫了杏仁及榛子凍咖啡，及芝士火腿飛碟。

兩杯凍咖啡，高高的玻璃杯身加粒粒冰，賣相是相當之地道~即港式茶餐廳的感覺。

我的榛子咖啡是差不多沒有榛子味，味道同個賣相一般，又係港式。

另外一杯杏仁咖啡又係無咩杏仁味，總括而言，兩杯都唔掂。

飛碟還可以，當然25蚊兩件，都唔好話唔貴。

坐左一輪至走，埋單81蚊，想不到有任何理由再來~除左下次又有水貨要交收。

下午茶真的好抵,$20包一個菠蘿火腿飛碟(不俗)+一杯凍咖啡(都好大杯但普通), 坐足一個下午仲差唔多睇晒佢全間店的雜誌,勁抵! 不過d音樂頗大聲,有d煩, 服務亦普通,但係咁平,如果想消磨吓時間都去得過~!

呢間野係有一次我睇飲食男女見到ge~環境都ok啦~但如果係平日lunch可以會多人左少少~下午茶唔算好貴丁1有好多magazine~算係咁啦~d野唔難食lor~但係建議叫焗ge野食會好過叫燴ge野食lor~

小弟對於樓上食肆，向來興趣不大。

（「黃色門廚房」則是例外。

）某天，女友要求來此店；我唯有眉頭深鎖地跟她來。

地方淺窄、侷促、兩人位過分迫。

洗手間門不關上，對正進餐區，感覺欠缺清潔。

老實講：小弟至怕進餐時，見到洗手間，一定會坐不安，吃—下。

於是，整頓飯，我別過面，盡量把洗手間離開我的視線範圍，以及盡量不呼吸。

女友點了兩份晚餐。

有湯、意粉、飲品。

湯（磨菇湯、廉粟米湯）、意粉（白菌忌廉辣肉腸意粉、蕃茄意粉配蒜香芝士多士）、飲品（熱杏仁咖啡、玫瑰雪碧）。

罐頭湯質素，相當稀淡無味。

意粉少料、少汁、少味。

飲品淡如開水。

熱杏仁咖啡唔香唔熱。

玫瑰雪碧有相當多玫瑰花，但唔香，加上冰塊過多，變得淡而無味。

食物唔好、佈置唔掂、小熊唔算多，加上那「洗手間」的位置…。

絕對無下次！

都有一排冇去樓上咖啡，因為總覺得每一間的食物都是麻麻，若非想搵個地方坐得舒服d傾下偈，還是有其他選擇。

上星期就約左爐兄同honey在尖咀食Lunch，就上左去這裡試試。

地方不算大，牆上放了一些小熊公仔，但都不至於將自己叫做小熊做主題的咖啡室吧！餐只得兩款選擇，分別是牛柳長通粉和豬扒飯，再另外加多個雜錦小食，有春卷、腸。

豬扒飯太硬了，亦不要期望有好好味；而牛柳又稍韌，不是每件都容易咬下。

都冇乜期望，所以不算失望。

反而想講下個waitress，由於樓面只得佢一個人serve 咁多客，態度欠佳是理解到的。

另外，這裡出奇地在午市爆滿，要侍應趕人走，真有點摸不著頭腦。

Milano Caffe餐單提供西式等推介美食位於尖沙咀區，餐廳座位數未知人均消費約$50以下，結賬可以用現金。

您對於尖沙咀餐廳「Milano Caffe」有何 comment？

Milano Caffe餐廳詳細資料：

• Milano Caffe地址:
  尖沙咀樂道1號2樓D室
  Milano Caffe, Flat D,2/ F Wing Lok Building,1 Lock Road, Tsim Sha Tsui
• Milano Caffe電話:  
• Milano Caffe價錢: $50以下
• 分類: 西式
• 座位: 未知
• 付款: 現金
• FB專頁: Milano Caffe Facebook

更多Milano Caffe相關資料:

• Milano Caffe分店
• Youtube
• Facebook
• Twitter
• Google