Da Filippo Trattoria 尖沙咀

Da Filippo Trattoria 評價 相片

喱日老婆大人話罷工要出去食晏我梗係要支持啦！佢想去海港城食排長龍日本麵包店OK梗係捨命陪老婆㗎！不過女人心海底針好鬼難捉摸嘅去到海港城佢見到喱間新開嘅Da Filippo Trattoria見唔使排隊即刻衝咗入去哈哈！喱間意大利餐廳用全開放式廚房計我話真係唔錯，起碼睇到廚房工作人員有帶口罩手套做嘢，好似啲女人話齋咁樣有安全感吖嘛！老婆大人喺道我梗係唔使煩叫菜啦講到知我心意非佢莫屬！喱日天氣有啲凍有個熱湯飲梗係正啦！我哋叫咗龍蝦濃湯橙紅色嘅湯色睇到都已經覺得暖晒，入面仲有脆卜卜嘅麵包粒飲完碗湯已經飽咗4成！老婆大人最鍾意食意粉可惜我晤like！不過喱碟經典卡邦尼意粉又幾有咬口仲好鬼香芝士同蛋味添連唔鍾意食意粉嘅我都食咗唔少，但係喱道啲菜又好鬼大碟最後成餐三樣嘢都要打包返屋企食多日呢！老婆大人知我唔like食意粉所以特登叫一個意大利海鮮燉飯比我，幾樣海産都好鮮味尤其係兩款青口都軟綿綿好鬼甜，燉飯睇落好濕但食落又好粒粒分明喎仲要入晒鮮味好正。

跟住仲有新鮮出爐嘅薄餅餅底係用老婆大人最鍾意嘅酸種麵包嚟整，喱個薄餅有個好抵死嘅名叫情人眼裏出肉肉Pizza，情人節嚟食應該好應景當然首先要好似我有個咁Fit老婆或者女友先好叫啦哈哈哈..............薄餅入面有好多肉肉好似巴馬火腿、莎樂美腸、茴香風乾臘腸etc，餅底仲有番茄醬加芝士食落去邊位脆脆中間軟熟，味道鹹鹹香香好鬼正就算隔咗一日翻熱食都一樣咁正先至勁。

甜品我揀咗Cappuccino嘅意式冰糕食落好綿好滑我鍾意呀！老婆大人就揀咗佢飛佛千層提拉米蘇杯，我中咗伏第一啖食落去比啲粉濁到呢！温馨提示大家食嘅時候要小心呀！嘆埋杯伯爵茶之後我又都夠鍾返工喇！下次再陪過老婆大人妳食好西啦！ Da Filippo Trattoria                                                                                                                                                                                                                                                                                         地址: 尖沙咀廣東道21號海港城港威商場3樓32033204A號舖                                                                                                                                                                                           電話號碼: 21171984  

今日看到海港城又有新餐廳，一於試試看。

餐廳的面積唔少，是現代休閑式的設計，或許裝修沒有soft material 吸音，所以聲音特別回彈，雖然沒有太侷促的感覺，但環境有少許嘈吵。

今日點左set lunch. Set lunch 有十二款選擇，價錢由$148$288，包主菜、餐湯、沙律和飲品。

沙律幾fresh, 就是簡單的生菜、車厘茄和橄欖。

沙律用上沙律汁，沒有太油膩，感覺清爽。

香烤野生鱈魚配煙燻斯卡莫扎芝士$228這主菜的份量比較少，照片是特寫。

鱈魚沒有特別的味道，淡淡然，魚肉也不太滑溜，煮得老了一點點，令人有少少失望。

配菜有沙律和一支蘆筍，感覺輕怡。

最後是餐咖啡。

我選cappuccino.咖啡的拉花很美，咖啡很甘香順滑，又有咖啡香，泡沫細密，不錯。

這一天我吃的鳕魚感覺一般，而朋友點的牛扒和龍蝦意粉的份量會比較正常，他們也滿意。

或許是新開幕，感覺上菜的時間有少少亂。

朋友點的午餐，一次過上哂沙律、主菜和飲品，另一朋友苦等三十分鐘，咖啡也提了兩次，也沒送到。

或許午餐時段，太忙了。

竟然這種品質都可以稱之為米芝蓮，實在侮辱智慧..食物完全沒有味道，完全靠自己落調味料。

意粉青口好似雪凍左一年咁，pesto醬勁水但係無任何調味。

octopus都係成碟無味道，好似一舊擦膠咁，連配菜薯茸都零味道搞咩啊。

30幾年人第一次知道西餐可以煮到咁難食..食完十分之沮喪。

仲有洋蔥湯就literally係錯既，好似洋蔥滲水加3粒麵包糠 ps 一開始坐入面不停有waitress抹刀叉吵到人都癲pps 服務都ok

尖沙咀海港城的Da Filippo Trattoria屬於Casual風的意大利餐廳，餐廳係半開放式廚房設計，其中一邊可以隔住玻璃睇到製造甜品同意粉的過程。

我地比米芝蓮星廚坐鎮的宣傳吸引咗，覺得overprice，性價比唔高，主菜失色，甜品可以一試無妨。

＃自費 ＃不是業配文 ＃SamsungNote20相機直出 情人眼裡出肉肉 Pizza Meat Lovers呢度出名薄餅，所以叫返個食下。

原本諗緊食4色芝士定肉肉Pizza，經經理介紹後就決定要呢個 。

Pizza 有幾款火腿鋪面，餅底夠香氣，肉肉夠咸香，但口感十分韌。

經典龍蝦扁意粉 Classic Lobster Tagliatelle意粉外型係扭麻花的樣子，根本就唔係正常扁平意粉的樣，有點…被騙的感覺。

話明經典應該會唔差…但原來唔係… 麵質唔彈牙、鞋口、又唔掛汁，龍蝦味更加完全欠奉，不規則又長的意粉形狀好難吮入口。

意式菲力豬柳伴無花果 Pork Fillet With Figs菲力豬柳理應軟冧口感，但我地食係肉質鞋口但冧身，而且酒味太重，醬汁個味完全被遮蓋，伴碟的蛋蛋都係酒味太重，變咗酒蛋。

秘醬酥炸墨魚圈 Fried Calamari小小圈的炸墨魚圈，配啤酒就一流，但唔好諗住好有咬感，份量適中，對得住個價錢。

秘醬有好少少少少少辣感，唔食辣的朋友都食到，放心。

抹茶鮮奶 Matcha Latte 呢個係全餐廳最好的飲品，推薦。

士多啤梨意式奶凍 Panna Cotta Strawberry Topping見到雲呢拿籽，但其實有溝到少少檸檬嘅士多啤梨意式奶凍，口感軟軟，好味道。

百利白朱古力意式冰糕 Semifreddo Cappuccino軟綿軟滑的口感，意式甜點好少令人失望，冰糕亦不過份地甜，仲有淡淡咖啡香味，不過多人分享就好D。

千層提拉米蘇杯 Tiramisu軟滑口感的Tiramisu，咖啡味香濃，奶味又唔會過重，而且特別在有栗子蓉係入面，層次豐富。

米芝蓮大廚主理，抱住一試的心態去都幾多人等位，等左15分鐘，因為想快啲有得食，就request坐bar枱位，服務都唔錯，上菜都快，但食物就一般，應該唔會再去煮到完全唔似Carbonara， 無carbonara味🤦🏻‍♀️，一般，但意粉個texture係ok的油鴨腿就唔錯，肉質嫩，汁入味，加埋個配菜都唔錯，酸酸地幾開胃，可以一試☺️我地覺得有少少overprice🤔By the way，杯咖啡唔錯！值得一讚👍🏻

Da Filippo Trattoria餐單提供意大利菜, 法國菜, 海鮮, 薄餅, 扒房, 酒吧等推介美食位於尖沙咀區，餐廳座位數150人均消費約$201-400，結賬可以用Visa,Master,現金，Booking訂位可以電話致電 21171984 查詢。

您對於尖沙咀餐廳「Da Filippo Trattoria」有何 comment？

Da Filippo Trattoria餐廳詳細資料：

• Da Filippo Trattoria地址:
  尖沙咀廣東道21號海港城港威商場3樓3203-3204A號舖
  Da Filippo Trattoria, Shop3203-3204 A,3/ F, Gateway Arcade, Harbour City,21 Canton Road, Tsim Sha Tsui
• Da Filippo Trattoria電話: 21171984
• Da Filippo Trattoria價錢: $201-400
• 分類: 意大利菜, 法國菜, 海鮮, 薄餅, 扒房, 酒吧
• 座位: 150
• 付款: Visa,Master,現金
• FB專頁: Da Filippo Trattoria Facebook

更多Da Filippo Trattoria相關資料:

• Da Filippo Trattoria分店
• Youtube
• Facebook
• Twitter
• Google