靠得住粥麵小館 將軍澳

靠得住粥麵小館 評價 相片

嚟過呢間食午餐，可能因為米芝蓮食店，所以名氣大，一個人閑閑哋都要$60$70 ，老實講，粥品嘅味道一般，可能當時冇食到佢最貴嘅嗰種海鮮粥，所以其實食唔出有咩特別，平時中午都好多人，反而早餐同下午茶價錢比較抵啲，聽過朋友講，豬手麵都唔錯，但係我覺得好油膩所以冇試過，反而食佢牛肉粥、皮蛋瘦肉粥比較多，早餐嘅話$40就有一碗粥，同埋可以揀一個小食，不過選擇唔算太多，下午茶都係$40左右，都幾抵食，有啲食品中午午餐都有，算係比較抵食，有興趣可以揀呢段時間試吓。

之前午餐時間去左食，唔洗等位就有得入。

一坐低佢就俾一壺蘋果紅茶，每位$3。

我就叫左一個秘製牛腩菜飯，牛腩好夠軟身，而且個汁好入味，用黎撈飯食真係一流，但係如果牛腩有多幾舊會更好。

另外更餐仲有豆漿，都幾抵食。

今日放工返到樓下都已經九點想食野但都已經無咩選擇 見到靠得住仲有開就走去試下開左幾年我都係第一次去食不過一入去比我嘅第一印象就認真差一入到去見到呢個餸好似幾抵就即刻叫侍應落左先點知十分鐘之後再落其他野嘅時間 發現侍應竟然冇落到單咁唯有叫其他宵夜餐牌上面嘅選擇都幾多我地兩個叫左兩個主食第一個主食 和味豬手撈麵賣相都唔錯 味道唔會太鹹 而且豬手炆得相當唔錯軟而不膩 美中不足嘅係有一舊淨骨上 另一舊毛相當多第二個主食 狀元及第粥粥相當綿滑 裡面嘅腎、肝、粉腸都相當新鮮整體黎講都唔錯 美中不足嘅係姜絲重手左 同埋個粥可以再熱多少少 比我有個感覺個粥放左陣先拎岀黎~~~~~~~~~~~~~~~~~~~~~~~~~~~~~~今次係我第一次黎靠得住食 整體食物質素環境都唔錯 係服務扣左少少分 不過都值得再去幫襯下次再試下其他野食

今天來到靠得住食了一個下午茶套餐，豬軟骨湯麵加油菜！豬軟骨夠晒淋，多肉，軟骨煲到質地有點像牛媽根般，利害 ！芥蘭菜，把菜莖的衣批掉，食起來沒有渣，夠晒細心，抵讚 ！比個貼士大家，如果要食粥或者食麵，有時間的話，一定要早餐或下午茶來吃，會比正價平很多😄

天氣咁熱都懶得煮飯， 不如就近近哋去樓下， 食番餐家常便飯 。

靠得住 ，一向都同個名一樣 唔會差 係價錢比較貴少少 啫今日就叫咗 原條鮮魚浸時蔬， 木桶豬軟骨 菠蘿咕嚕肉， 我覺得最值得一讚嘅係 個菠蘿咕嚕肉拎到上枱嘅時候， 眼前一亮唔只顏色靚，擺得仲靚好似成個菠蘿擺番喺你面前咁， 當然個味道都係好好味呀 啲肉仲好軟身好滑 條魚都唔差 ，白菜仔都好夠冧。

個木桶豬軟骨，送飯 真係一流 冇得輸 呢個係我今日嘅推介必點 肉質鬆軟 味道有層次 唔會死鹹 略嫌食完罪究感重啲

靠得住粥麵小館餐單提供港式, 粉麵, 米線, 粥品, 茶餐廳, 冰室, 咪嘥嘢食店等推介美食位於將軍澳區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯，Booking訂位可以電話致電 25289068 查詢。

您對於將軍澳餐廳「靠得住粥麵小館」有何 comment？

靠得住粥麵小館餐廳詳細資料：

• 靠得住粥麵小館地址:
  將軍澳貿業路8號新都城中心1期地下G25號鋪
  Trusty Congee King, Shop G25, G/ F, M C Pl,8 Mau Yip Road, Tseung Kwan O
• 靠得住粥麵小館電話: 25289068
• 靠得住粥麵小館價錢: $51-100
• 分類: 港式, 粉麵, 米線, 粥品, 茶餐廳, 冰室, 咪嘥嘢食店
• 座位: 未知
• 付款: Visa,Master,AlipayHK,支付寶,現金,八達通,銀聯
• FB專頁: 靠得住粥麵小館 Facebook

更多靠得住粥麵小館相關資料:

• 靠得住粥麵小館分店
• Youtube
• Facebook
• Twitter
• Google