和庭 將軍澳

和庭 評價 相片

我是住附近的, 有一日放工媽媽話依間野開左咁耐未食過, 不如試下啦~~所以我, 妹妹同媽媽三個人去食......入到去第一個感覺是好似好多服務生, 但我們坐了10分鐘都無人理過, 水都無杯.......算吧......對我來說也沒甚麼大不了..........到落order時舉手舉了很久都無人應....睇到扮睇唔到囉.......真係嬲嬲地呀.......都算啦........我地叫左份三文魚壽司, 味道可以話算係好過百佳同惠康個d既~~跟住食左個小丸子......我唔記得幾錢了,但就一定貴過百佳同惠康......得個四粒, 其實少都唔係問題, 最重要都係好味同品質姐, 可惜佢地d小丸子無沙拉醬又無燒汁, 最慘係凍的........大家都一定有食過日本野, 小丸子凍冰冰的, 想都知道有幾難食..........都算啦最多下次想食去百佳個d買好過......再食個咖哩豬扒飯........又一經典傑作啊~兩個字"難食" 咖哩汁極少, 菜極多, 飯極少, 豬扒極少極簿........而且都係凍的.........你話佢多客多單, 所以遲左dd拎出黎?! 無咁既可能, 間野都係得少許人, 就算真係要等都唔會等到凍哂掛.......而依個order落左之後半個鐘都未黎我就問下個服務生: "噫? 我叫左個咖哩豬扒飯好耐都未黎喎, 唔該幫我跟跟呀~ " 點知個服務生態度奇差:" 小姐, 我地d野係即叫即整喎!!! 你唔介意凍食既, 我即刻去廚房攞俾你都得!!" 哇咧哩......個刻幾想串佢: 你有無睇劉德華架?" 算......即管等下........超!!! d野黎到咪又係凍既.......總共等左45分鐘囉.......離譜嗎?? 未算.......最最最離譜係個海膽魷魚手卷.....d海膽既顏色係灰黃色的, 已經覺得唔新鮮, 拎起聞一聞........有臭味!!! 食左一啖....係苦既囉...頂唔順吐哂出黎, 最終忍唔住我就同個似係經理的人講, 跟住佢即刻換了碟新的給我, 但都是一樣, 但這次我就同另一個類似經理的人(戴眼鏡的)講都係一樣臭, 點知佢話: " 唔係喎, 小姐無臭喎! 海膽既味係咁架啦, 有d人係食唔慣姐~" 跟住我咪同佢講囉:" 唔係呢~真係臭味黎架, 唔信你食下呀!" 點知佢仲要死話: " 小姐海膽係有少少腥味架啦, 你地接受唔到, 唔識食姐~" 哇~真係火都黎呀!!!我咪大聲咁罵囉: " 你無野呀?你地d海膽擺度明係唔新鮮啦, 就算有腥味都唔會係臭掛? 仲有呀你頭先咁講咩意思呀? 咩我地接受唔到, 咩唔識食呀?? 我食過多咁多次海膽都未試過食咁難食既~板前, 外野手, 正式既日本料理店個d海膽不知幾好味, 你地d海膽連百佳既海膽壽司都不如啊!! 而且我都係同你講你地d野唔新鮮, 你地唔檢討下, 反而仲要話我唔識食?! 過唔過份呀?"個似經理的人就黑面咁話咁我地唔計你依碟錢囉!!!" 就發脾氣走左.......到埋單個時, 梗係要check下單啦, 結果又係無扣起返個碟臭海膽魷魚手卷.......又搞左一大輪, 浪費我d時間...........依間咁既野算吧啦!!!

叫左個香芒沙律卷, 同埋另一樣唔記得叫咩的.竟然係一模一樣樣的, 太可惡了.同埋d野食麻麻地, 壽司飯硬又冇味. 價錢貴得來食物唔係咁的質素.

超差！以後都唔會再去食！首先我地3個人入到去，每人叫左個set lunch, 餐牌上寫明每個餐有3塊魚生，但到上菜時每個餐都只得2塊。

杯熱奶茶又唔熱，只係暖暖地，而且又濃又苦，十足齋啡! 咁都算啦，我地都無投訴。

但更離譜既係間餐廳既服務態度! 有個男經理幫我地埋單，咁我就想check單啦，但睇左都唔夠3秒，個男經理就已經好唔耐煩咁搶走左張單! 之後發現佢埋單時收多左加一(因為佢地餐牌上寫明有學生證就唔收加一，而我地係有學生證，而且落order時已經講過比佢地聽)，於是我地問番個男經理，點知個男經理又再次由我手中一手搶左張單(今次張單都比佢搶到皺哂)，好無禮貌咁話：「咁咪減番$8 囉! 你地比左錢先啦! 我唔想行多轉!」我地當然好不滿啦，但都照比左錢。

我地食左$117, 比左$120, 原本諗住$3當貼士，但因為佢態度太差，所以我地決定$3都要拎番。

點知埋完單行出間鋪頭既時候，見到個男經理係counter大大聲咁同個男收銀員一路笑一路話我地「3蚊都拎番」，個收銀員聽完之後就話：「人地行緊出黎喇，唔好講喇。

」真係超差!!!!! 野又唔係好好味，服務態度仲極之惡劣! 以後唔會再幫襯!

我住在附近，間中都會幫襯這店。

我覺得食物方面就ok ge，不過分量就小d，以這個價錢唔算好抵吃。

我最喜歡吃日式牛肉鍋，幾乎每次去都會食，另外d壽司都唔錯。

不過服務方面就真的麻麻了，醬油壺經常係冇醬油的，order了的食物間中會漏單，廚房員工會在廚房「fung」機，外面d食客都聽到。

這店給我的印象是很快會摺埋，因為經常只得很少客人，員工工作又比較散慢，但我都唔希望佢摺埋，因為佢d日式牛肉鍋真係幾好味。

成日都諗住打番d comment，但係次次都唔記得左，今次終於的起心肝，用d時間打番....話說之前同d fd去食lunch個陣，見到和庭無乜人喎，咁咪入去食囉，d野食唔係話好食囉，但係要等好耐囉，仲要爭d野飲爭左勁耐，催佢都等左兩個字，只不過係兩杯汽水je，都要催4次!!!係足足4次呀，之後我地唔等啦，去埋單個陣見到兩罐汽水擺左係度囉，我地問佢係咪我地架啦，點知入面個人話係我地ge，不過好多野做，唔得閒倒出黎俾我地囉，仲要舉起一大疊單話好多野整呀，唔好催囉!!!呢d算係咩態度呀!!d野食勁貴!吉列豬扒飯d豬扒勁薄囉，又炸得唔好味，d飯又少，連正常ge一碗飯都唔知有無囉!!真係唔好再去!!不過間野好誠實，佢係你未入去之前佢就話俾你知佢係一間黑店XDDD

和庭餐單提供日本菜, 壽司, 刺身, 日式西餐等推介美食位於將軍澳區，餐廳座位數165人均消費約$51-100，結賬可以用Visa,Master,現金。

您對於將軍澳餐廳「和庭」有何 comment？

和庭餐廳詳細資料：

• 和庭地址:
  將軍澳貿業路8號新都城中心2期1樓
  Masaka Japanese Restaurant, 1/ F, M C P Central,8 Mau Yip Road, Tseung Kwan O
• 和庭電話:  
• 和庭價錢: $51-100
• 分類: 日本菜, 壽司, 刺身, 日式西餐
• 座位: 165
• 付款: Visa,Master,現金
• FB專頁: 和庭 Facebook

更多和庭相關資料:

• 和庭分店
• Youtube
• Facebook
• Twitter
• Google