樂湯雞麵館 太子

樂湯雞麵館 評價 相片

自從開始了home office，慢慢我就開始習慣吃「住家飯」的生活，不過，媽媽的菜式總是千篇一律，日子久了，難免令人感到乏味。

而在疫情影響下，大部分餐廳都會推出外賣自取優惠，知道媽媽為食，我就online搜羅一下，看看附近有沒有什麼吸引的菜式，買回家加餸。

「樂湯雞麵館」位於太子白楊街，地點非常就腳，離我家不到20分鐘路程，即使由太子站步出，步行也不到5分鐘。

「樂湯雞」顧名思義，就是以「湯」及「雞」作主打，全都是真材實料，絕不添加味精。

而店內更推出期間限定鮑魚花膠2雞湯翅2(粉麵餐)每日限售30碗，還可以以試食價加配小食。

砂鍋花膠雞湯翅 (半隻)店員很貼心，將雞與花膠湯翅分開，避免雞肉浸泡在湯內，肉質會因此變鞋。

而雞湯翅份量十足，雞肉超嫩滑，肥瘦適中，脂肪量不重，入口帶有濃郁雞味，而雞湯翅味道鮮甜中帶點鹹香，湯質濃稠適中，內裏放了花膠、魚翅、魚唇及金華火腿，花膠入口帶點黏性，花膠軟淋入味，魚翅份量一般，但口感彈牙，魚唇滑捊捊，每一口都令人濃濃雞香~小食方面，我點了4款，分別是花雕醉雞、醉豬手、鹽水雞腎及藥膳酒浸雞子。

花雕醉雞花雕醉雞的味道討好，酒香撲鼻，雞肉亦非常嫩滑，相比雞湯翅，醉雞的脂肪量較多，所以味道會甘香點，入口既有酒香，亦有雞肉甜香。

醉豬手相比其他上海食店，這裏的醉豬手酒香味並不濃烈，而豬手雖然以冰鎮形式泡製，但外皮爽口不失軟腍，絕不肥膩，而且內裏還放了杞子及蟲草花，感覺真材實料。

鹽水雞腎雞腎份量非常多，絕對是抵食之選，入口時口感超爽脆，雖以鹽水浸泡烹調，但味道不會過鹹，我和媽媽都十分推介~藥膳酒浸雞子店員表示藥膳酒浸雞子是這裏的熱賣小食，我亦「唔執輸」點了一客試試，雞子入口帶有點點藥膳味道及淡酒香，味道不會過濃，雞子口感細滑，份量足，非常抵食~

復活節假期前夕超級Holiday mode連飯都唔想煮，但喺疫情下個個都話要Stay Home後，諗諗下不如叫外賣。

差不多收工同同事傾開知道佢屋企附近嘅樂湯雞而家做緊外賣有85折覺得好抵，仲要早兩日先食完，好好味。

而且平時揸車經過時都已經想試吓，喺咁大嘅著數下就順便車埋我同事返屋企後就去幫襯啦。

未夠7點見到門外都有兩三個人企喺門口等緊外賣，而我一入到店內職員都第一時間幫我量體溫，又示意酒精搓手液位置要消毒雙手，防疫工功夫都做到足，令到食客可以安心。

睇咗一陣餐版後落Order，再計埋等拎埋食物時間都唔做10分鐘，效率果然快。

返到屋企急不及待即刻開哂蓋先，一打開蓋已經聞到好香雞湯味。

Total叫咗4樣野食，包括砂鍋雲吞雞米線再加5份花膠魚翅餃、醉豬手、醉鴨舌同埋滷水雞翼尖。

先講醉豬手同醉鴨舌，其實兩個味道都一樣，豬手夠哂淋，而且豬皮中含有大量的膠原蛋白質，在烹調過程中可轉化成明膠有效防止皮膚過早褶皺，延緩皮膚的衰老，想靚嘅女士你地識叫咩餸啦~雖然我唔食鴨舌，但屋企人話鴨舌夠入味，鍾意食冷盤嘅人可以試吓呢兩個小食。

然後到滷水雞翼尖，雞翼尖對於我來講真係又愛又恨，入面幾乎沒有肉(或者有一兩個%)，但又有滿滿膠原蛋白的雞皮，最緊要係配埋我鍾意嘅滷水，味道一流。

到主角出場，砂鍋雲吞雞米線再加花膠魚翅餃，先講一吓個湯底，淡淡雞味之餘係飲完個口有粘口嘅感覺，咁即係證明個湯底係老火湯，最緊要係飲完一D口渴嘅感覺都無，果然真材實料!而雞肉就好滑，好好味。

食完呢一餐之後，覺得已經補充哂全日嘅膠原蛋白，再加上外賣而家做緊85折，真係抵到爆!

看到朋友L先生嘅Facebook page，食完外賣後大讚樂湯雞麵館。

連小店都做埋外賣，推出咗飯類套餐，$40$50一位，抗疫價，大約係九折左右，當然你都可以外賣雞湯回家品嚐。

本身都想外賣，但姐姐話你不如喺度食啦，又唔多人。

正因為佢話:如果你食花膠雞湯，呢度會用砂鍋，好食啲㗎。

我諗諗好似有啲道理，就係呢個原因，我決定快手堂食。

一直都對呢間小店好有興趣，記得之前朋友J先生話呢間直頭係米芝蓮必比登推薦，講到咁正，直頭唔試唔得。

上次喺嗰頭吃午飯，本來差啲就入咗去，結果都係去咗黃店告急潮州人食花膠，支持下。

好多人嚟呢頭食飯都會講飛龍咖啡或者潮州人，反而就好少人講呢間樂湯雞麵館。

潮州人本身食完都想寫，但係就一路擺咗喺度，太懶，反而食完樂湯雞麵館，箇中感動即刻要同大家分享吓，潮州人大把人識，洗鬼我寫咩，哈哈。

店員推介這個鮑魚花膠雞湯翅，期間限定，一天只係30碗，呢個係最精彩嘅推介。

用了十足，鮑魚炆咗長時間，加上大塊嘅花膠，斤兩十足的翅，飲一口湯，看到雞油，鮑魚同翅嘅精華揮發晒係個湯入面，飲一口已經愛上。

我們選這個送上掛湯嘅刀削麵，非常適合。

同樣試了花膠雞湯翅，呢個相對清新一點，冇咗炆鮑魚嗰個汁，湯底會淡少少，不過更加品嘗到雞湯嘅鮮味。

呢碗我哋用新台灣嘅新竹米粉，又係掛湯一流，我發現其實呢間野同隔離潮州人嘅出品有異曲同工之妙。

另外我呢叫了一個小食，滷水鵝翼，勁入味，而且價錢好抵食，如果幾個麻甩佬黎食飯，送酒真係一流。

由於呢度嘅雞好似幾出名，叫了半隻花雕雞，呢個又係另一個正推薦，雞肉滑，雞肉嫩就唔再講，最重要係那個花雕酒，好味到成碗入哂，而且好入味，呢個係必點之作。

太太和媽咪就喜歡吃豬手，各叫了花雕豬手和口水豬手，豬手切到細細件，好user friendly，花雕味同口水辣味各有千秋，不過口水豬手嗰個辣味送飯就真係好適合，不知不覺你會食多左。

聽呢度個店員，講呢度嘅口水醬汁仲可以外賣，好此道真係唔可以錯過。

食左咁多嘢，一人都係差不多使左$100，但有鮑魚有花膠有翅有一隻雞有好多豬手，你一刻我都幾認同不過可惜舊年嘅米芝蓮依然未有必比登推介。

也好，如果出咗名，對你幾情迷呢度嘅雞湯嘅利益會有衝突，可能到時又會大排長龍，又或者加租加到執笠。

香港生態，就是這樣。

樂湯雞麵館 太子白楊街9號基隆樓地舖

駕車時經過呢間「樂湯雞」名字幾有趣，原來係吃雞湯湯麵，還有些特色小食，於是泊好車之間入去買了些外賣帶走。

藥膳醉雞湯米粉，藥材與花雕酒的香味好濃郁，但又不掩蓋雞湯的醇味，雞件分量都算多，嫩滑厚肉，米粉索了雞湯很入味，感覺吃完會很滋補。

口水雞湯米粉，吃得辣的話好值得一試，麻辣度剛好，配爽口米粉好夾。

還有些小食，泡椒雞腳、醉雞翼、醉鴨舌，雞腳好爽口，隨著時間會變得再辣一些；醉鴨舌的酒香四溢，分量亦算頗多。

足見餐廳真材實料，值得推薦。

今次下午黎，唔洗等位正👍🏻餐牌有好多種配搭，撈麵，淨食主菜，湯麵，淨食湯粉麵或者淨係飲碗湯都得👍🏻仲有多款小食我就叫左個砂鍋雞湯翅米線同埋藥膳醉雞米線先講個砂鍋雞湯翅米線，砂鍋上熱辣辣好正，啖湯好清，飲完無口渴（應該無味精），不過d雞就無咩味但唔算太鞋到藥膳醉雞，因為真係好濃味，所以飲完呢個再飲返砂鍋雞就會覺得唔夠味。

建議由清既湯開始飲起！ 醉雞方面非常入味，肉質嫩滑👍🏻兩個米線都夠飽，無空間再試小食😭要番返下次

樂湯雞麵館餐單提供港式, 粉麵, 米線等推介美食位於太子區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 23286200 查詢。

您對於太子餐廳「樂湯雞麵館」有何 comment？

樂湯雞麵館餐廳詳細資料：

• 樂湯雞麵館地址:
  太子白楊街9號基隆樓地舖
  樂湯雞麵館, G/ F, Ki Lung House,9 Poplar Street, Prince Edward
• 樂湯雞麵館電話: 23286200
• 樂湯雞麵館價錢: $50以下
• 分類: 港式, 粉麵, 米線
• 座位: 未知
• 付款: AlipayHK,支付寶,現金
• FB專頁: 樂湯雞麵館 Facebook

更多樂湯雞麵館相關資料:

• 樂湯雞麵館分店
• Youtube
• Facebook
• Twitter
• Google