利口福快餐店 太子
最後更新:
利口福快餐店推介
香港好多人都鍾意食漢堡，呢家不乏過江龍、本地既餐廳有漢堡食，西式既漢堡一般由幾十蚊至百幾蚊不等，不過其實食好食既漢堡包，港式漢堡都一樣唔會輸，好多都係真材實料即叫即整，而且價格親民。呢間利口福快餐店係一間唔起眼既小店、快餐店，係太子屹立已經有四十年，好有港式感覺，有一啲坐後巷，有啲坐店鋪內，外賣既人都唔小，夠哂地道，主打快餐，特色就係西多士可以自己揀餡料，其中最出名係流心芝士豬扒包、沙嗲牛肉包同沙嗲牛肉西多士，高峰期間沙嗲牛肉包每日可以買100個，如果夜晚去漢堡包可能會賣晒，得返多士。每個包都係新鮮即叫即做，所以外賣或者堂食攞上手都係熱辣辣，絕對係太子既名物。雖然佢係太子界限街，地理上好方便就去到，不過因為坐位小，有時黎到都要等下，甚或要同其他食客搭枱。店舖唔算大，連洗碗嘅地方都幾乎冇，可能因為咁，佢哋嘅嘢飲都係用紙杯裝，而漢堡同埋包上碟時會有一張隔油紙，省卻洗碗碟既工夫。裝潢欠奉，不過夠地道，裝修保留左懷舊香港味道，即使餐牌翻新過，歷史味都無被洗乾淨，歷久常新，廚房係半開放，所以可以睇到老細即叫即做食物。店入邊嘅座位其實得兩張枱四張凳，之後就喺後巷嘅枱櫈，都係兩張枱四張凳。餐廳嘅人手就得兩個，一個係老細，而另一個就係上咗年紀嘅婆婆，婆婆主要負責樓面工作，而老細就負責煮嘢食。餐牌上有好多套餐同嘢食，套餐有小食套餐、常餐、三文治餐、漢堡包餐、多士餐、全日早餐、粉麵餐、小食、下午茶、超值套餐同埋是日精選，正常快餐店嘅炒粉麵都有，當然比較熱門嘅係三文治餐同多士餐，定價廿幾蚊到三十幾蚊，仲有茶咖啡，非常親民。1️⃣ 沙嗲牛肉西多士 💰40（👅: 8/10）西多絕對係港人下午茶既熱門選擇，平時見既西多士都係花生醬餡，而呢個西多士算係新式Fusion嘅西多士，西多士係即叫即整，外觀係炸到金黃色，切開個西多士個時會聞到好香嘅沙嗲味，入邊嘅餡料係極多，牛肉係一塊塊，而唔係樂園嗰種牛肉碎，份量非常之多，係真正既手切牛肉，覆蓋晒成個西多士，非常足料，牛肉嘅份量比起樂園仲要再多，或者話樂園嗰個係比較少啲，牛肉食落軟稔，無筋唔韌，而唔係好有嚼勁個種，牛味唔算重，而沙嗲牛肉經過洋蔥同沙爹醬炒熱，所以會見到一絲絲嘅洋蔥，成個西多士充滿牛肉既原汁原味，香味撲鼻，每一啖都係牛肉既天然味道。西多士唔算係好厚嗰種，同樂園一樣，西多士上都係煉奶，不過呢個上面滿晒煉奶同埋牛油，非常之邪惡， 咬落外層超脆，尤其係啲邊邊位，不過入口唔算好軟綿，可能落咗太多醬料嘅關係，但又唔會好實好韌，係有食到麵包嘅感覺，而且蛋香味都幾重，食落唔算好油好膩。成個西多士出邊係甜，入邊係鹹，有甜有鹹兩個味道，但反而出奇地夾，煉奶同鹹味沙嗲牛肉幾夾，甜鹹交錯，唔會過甜，略嫌入邊嘅沙嗲牛肉鹹味比較重，有少少搶過其他味道，如果味道可以淡一啲會更好，而且沙嗲牛肉冇辣味，多士因為醬汁令到冇咁脆身，總結來講係個幾好食嘅西多士。2️⃣ 流心芝士豬扒包 💰30（👅: 7.5/10）豬扒包係即叫即整，等左十分鐘就有，上枱嗰時熱辣辣，豬扒係即炸既吉列豬扒，非常大塊厚身，咬落外脆內腍，炸衣唔厚，非常香口，唔會炸到過火，唔會過燶刮口，食落冇乜多餘嘅肥肉，肉質鮮嫩唔韌，有肉汁，唔算好油膩。而芝士份量非常多，湧出嚟嘅感覺，非常流心，但質地唔算係好稠身嘅芝士，呢個包一定要趁熱食，凍咗就會冇咗流心效果，但略嫌芝士嘅味道可以再重啲。漢堡包唔乾，咬落幾鬆軟，入面流心芝士加上沙律醬，味道非常清新，同牛油麵包好夾，食落好惹味，沙律醬稍微蓋過左芝士嘅味道，酸酸甜甜嘅味會重啲，整體係一個好食、充滿港式風味既豬扒包。3️⃣ 凍奶茶 +💰5（👅: 8/10）係平時係茶餐廳飲到既奶茶質數，奶茶飲落夠甜，奶味茶味夠。🌟老闆店員服務都好好，雖然人手唔係好多，不過見到我黎就即刻比位我坐，落單個方面可能會主動啲行去近廚房，因為佢哋比較忙，好少會特登行出嚟，轉位都無問題。環境可能唔太理想，甚至坐既位都好小，可能要坐後巷，夏天來講可能會比較熱，人多個時可能要搭枱，不過有啲人就係鍾意呢一種風味，好有特色嘅後巷摺檯膠櫈，再加上一份人情味，令到食客絡繹不絕，想食高質漢堡包唔一定要比貴價，好似呢間平民小店一樣可以食到。話說我叫咗店舖招牌嘅流心芝士豬扒包，隔離枱有新食客坐低左，見到就問我係乜嘢，之後佢又叫咗同一樣嘅豬扒包，同佢嘅婆婆一齊食，有時就係呢一啲嘅地方，先可以拉近人同人之間嘅距離。👅味道: 8/10🍴環境: 6.5/10💰消費: $80 (服務費: NA)
太子利口福快餐店
| 餐廳分店 | 利口福快餐店 |
|---|---|
| 地區 | 太子 |
| 電話訂位 | 27779006 |
| 餐單 Menu | 港式, 漢堡包, 快餐店 |
| 人氣指數 | 926 |
| 價錢幾錢 | $50以下 |
利口福快餐店訂位位於太子區，詳細地址是太子大埔道14-16號華都大廈地下1號舖，餐廳寬敞座位數目共有未知幾多個。利口福快餐店幾錢？價錢優惠後人均消費大約$50以下埋單，早餐午餐晚餐利口福快餐店餐單包括有港式, 漢堡包, 快餐店等美食，付款方式有現金付款，Booking網上訂位可以電話致電 27779006 查詢訂座。
利口福快餐店優惠
利口福快餐店 評價 相片
香港好多人都鍾意食漢堡，呢家不乏過江龍、本地既餐廳有漢堡食，西式既漢堡一般由幾十蚊至百幾蚊不等，不過其實食好食既漢堡包，港式漢堡都一樣唔會輸，好多都係真材實料即叫即整，而且價格親民。
呢間利口福快餐店係一間唔起眼既小店、快餐店，係太子屹立已經有四十年，好有港式感覺，有一啲坐後巷，有啲坐店鋪內，外賣既人都唔小，夠哂地道，主打快餐，特色就係西多士可以自己揀餡料，其中最出名係流心芝士豬扒包、沙嗲牛肉包同沙嗲牛肉西多士，高峰期間沙嗲牛肉包每日可以買100個，如果夜晚去漢堡包可能會賣晒，得返多士。
每個包都係新鮮即叫即做，所以外賣或者堂食攞上手都係熱辣辣，絕對係太子既名物。
雖然佢係太子界限街，地理上好方便就去到，不過因為坐位小，有時黎到都要等下，甚或要同其他食客搭枱。
店舖唔算大，連洗碗嘅地方都幾乎冇，可能因為咁，佢哋嘅嘢飲都係用紙杯裝，而漢堡同埋包上碟時會有一張隔油紙，省卻洗碗碟既工夫。
裝潢欠奉，不過夠地道，裝修保留左懷舊香港味道，即使餐牌翻新過，歷史味都無被洗乾淨，歷久常新，廚房係半開放，所以可以睇到老細即叫即做食物。
店入邊嘅座位其實得兩張枱四張凳，之後就喺後巷嘅枱櫈，都係兩張枱四張凳。
餐廳嘅人手就得兩個，一個係老細，而另一個就係上咗年紀嘅婆婆，婆婆主要負責樓面工作，而老細就負責煮嘢食。
餐牌上有好多套餐同嘢食，套餐有小食套餐、常餐、三文治餐、漢堡包餐、多士餐、全日早餐、粉麵餐、小食、下午茶、超值套餐同埋是日精選，正常快餐店嘅炒粉麵都有，當然比較熱門嘅係三文治餐同多士餐，定價廿幾蚊到三十幾蚊，仲有茶咖啡，非常親民。
1️⃣ 沙嗲牛肉西多士 💰40（👅: 8/10）西多絕對係港人下午茶既熱門選擇，平時見既西多士都係花生醬餡，而呢個西多士算係新式Fusion嘅西多士，西多士係即叫即整，外觀係炸到金黃色，切開個西多士個時會聞到好香嘅沙嗲味，入邊嘅餡料係極多，牛肉係一塊塊，而唔係樂園嗰種牛肉碎，份量非常之多，係真正既手切牛肉，覆蓋晒成個西多士，非常足料，牛肉嘅份量比起樂園仲要再多，或者話樂園嗰個係比較少啲，牛肉食落軟稔，無筋唔韌，而唔係好有嚼勁個種，牛味唔算重，而沙嗲牛肉經過洋蔥同沙爹醬炒熱，所以會見到一絲絲嘅洋蔥，成個西多士充滿牛肉既原汁原味，香味撲鼻，每一啖都係牛肉既天然味道。
西多士唔算係好厚嗰種，同樂園一樣，西多士上都係煉奶，不過呢個上面滿晒煉奶同埋牛油，非常之邪惡， 咬落外層超脆，尤其係啲邊邊位，不過入口唔算好軟綿，可能落咗太多醬料嘅關係，但又唔會好實好韌，係有食到麵包嘅感覺，而且蛋香味都幾重，食落唔算好油好膩。
成個西多士出邊係甜，入邊係鹹，有甜有鹹兩個味道，但反而出奇地夾，煉奶同鹹味沙嗲牛肉幾夾，甜鹹交錯，唔會過甜，略嫌入邊嘅沙嗲牛肉鹹味比較重，有少少搶過其他味道，如果味道可以淡一啲會更好，而且沙嗲牛肉冇辣味，多士因為醬汁令到冇咁脆身，總結來講係個幾好食嘅西多士。
2️⃣ 流心芝士豬扒包 💰30（👅: 7.5/10）豬扒包係即叫即整，等左十分鐘就有，上枱嗰時熱辣辣，豬扒係即炸既吉列豬扒，非常大塊厚身，咬落外脆內腍，炸衣唔厚，非常香口，唔會炸到過火，唔會過燶刮口，食落冇乜多餘嘅肥肉，肉質鮮嫩唔韌，有肉汁，唔算好油膩。
而芝士份量非常多，湧出嚟嘅感覺，非常流心，但質地唔算係好稠身嘅芝士，呢個包一定要趁熱食，凍咗就會冇咗流心效果，但略嫌芝士嘅味道可以再重啲。
漢堡包唔乾，咬落幾鬆軟，入面流心芝士加上沙律醬，味道非常清新，同牛油麵包好夾，食落好惹味，沙律醬稍微蓋過左芝士嘅味道，酸酸甜甜嘅味會重啲，整體係一個好食、充滿港式風味既豬扒包。
3️⃣ 凍奶茶 +💰5（👅: 8/10）係平時係茶餐廳飲到既奶茶質數，奶茶飲落夠甜，奶味茶味夠。
🌟老闆店員服務都好好，雖然人手唔係好多，不過見到我黎就即刻比位我坐，落單個方面可能會主動啲行去近廚房，因為佢哋比較忙，好少會特登行出嚟，轉位都無問題。
環境可能唔太理想，甚至坐既位都好小，可能要坐後巷，夏天來講可能會比較熱，人多個時可能要搭枱，不過有啲人就係鍾意呢一種風味，好有特色嘅後巷摺檯膠櫈，再加上一份人情味，令到食客絡繹不絕，想食高質漢堡包唔一定要比貴價，好似呢間平民小店一樣可以食到。
話說我叫咗店舖招牌嘅流心芝士豬扒包，隔離枱有新食客坐低左，見到就問我係乜嘢，之後佢又叫咗同一樣嘅豬扒包，同佢嘅婆婆一齊食，有時就係呢一啲嘅地方，先可以拉近人同人之間嘅距離。
👅味道: 8/10🍴環境: 6.5/10💰消費: $80 (服務費: NA)
無意中睇到小肥介紹「利口福」呢間舊式小食店，聽個名就知係7/80年代啦😅，同我以前讀書買嗰啲螢光橙汁飯同出一轍嘅快餐店，小肥推介小店嘅主打除咗沙嗲牛肉西多士同流心芝士豬扒漢堡包之外就係我今日食嘅沙嗲滑蛋厚多士。
三樣之中抽籤揀到佢，命中注定我今日要試呢一樣野。
坐咗喺店入面高頓嘅位置隱約傳來陣陣嘅街邊牛雜味道唔知係唔係隔離鋪傳過嚟嘅呢嘢食加嘢飲$48好似有啲貴，平時我去開嘅大排檔都係30幾蚊，不過算啦試一試佢。
上枱嘅賣相滑蛋真係好嫩滑，完全掩蓋晒下層嘅沙嗲牛肉，只係露咗少少洋蔥出嚟。
細心地奉上刀叉方便食用，不過我一邊用刀叉切開，下面墊住果張油紙就因為有沙嗲汁順理成章咁一齊切開埋，仲唔小心一齊放埋入口😅真係唔知係我味覺變咗定係點呢？我真係食唔番以前沙嗲牛肉嘅味道。
呢度嘅沙嗲牛肉係偏甜嘅，所以夾埋炒蛋同多士我本人覺得好似有少少唔係好夾咁。
可能呢啲舊式快餐店應該真係要食返佢最傳統嘅漢堡包先至得下次俾多次機會佢試吓個留心芝士豬扒漢堡扒先。
奶茶就一般啦，真係同大排檔沖嗰啲冇得比。
以前打拳🥊成日係隔離間小食店醫肚，但哩一間又真係未試過。
見到咁多人推介哩間良心食店，我就一於黎試下。
店舖充滿舊式風味，雖然店面細細，但選擇非常多，完全係一間茶記既餐牌。
我就點左佢其中一款好出名既招牌。
流心芝士雞扒漢堡 $30拎上手完全係熱辣辣🔥，連個包皮都係辣手，而且聞落好香好吸引。
攤涼左一陣，忍唔住要即刻放入口。
雞扒🐤外層扑上薄薄一層粉去炸，外表微微香脆，咬開入面既芝士🧀即刻流哂出黎，非常之濃郁。
而且雞扒都好Juicy，肉汁隨住芝士相繼不斷流出，而且醃左既雞扒好入味🤤。
哩個價錢食到咁高質既包真係值回票價。
除左雞扒包，其實仲有好多野想試，下次一定再黎😋！
利口福快餐店的鎮店之寶，除了流心芝士豬扒包，今日打算先試另一名物—珍寶沙嗲牛肉包。
必需要提的就是其靈魂—沙嗲汁，個人認為汁太甜，也只吃到大量甜味，當中只帶有 少少極微的辣味，沒有花生醬味，沙嗲汁也過於流質而欠缺口感，可能沒有下花生醬？另外，如可提高一點鹹度，應該可以平衡到其甜味。
牛肉方面，份量還好，面的牛肉大多嫰滑，沒有根，但底部的就大多多根。
洋蔥也過生，不能帶出洋蔥甜味。
而麫包更沒有可取之處，它只有底部烤得有少少香脆， 可以勉強入口，但整體包的質地一點也不軟熟，再加上大量的沙嗲汁，令其麪包變得太濕太笠。
小店位置不算太好，位於小巷旁，店內不多，枱大多放在小巷。
當天天氣不算太熱，所以環境還可接受。
但是服務態度則有大大改進空間，不要只催促收錢，當客人還在下單時
午餐時間又到啦～～諗來諗去都諗唔到食咩好，走下走下見到呢間舊式快餐店的餐廳～ 睇到有我最鍾意食的野，馬上去食下😍其實平時都有去食開，但成日都係叫流心芝士豬扒包，所以今次叫個特別啲既食物🐮今次叫左份「沙嗲牛肉炒滑蛋厚多士」沙嗲牛肉香濃偏甜，仲有爽口洋蔥🧅炒滑蛋方面蛋味濃郁又夠滑，同重口味嘅沙嗲牛肉夾係嚟食，有中和左嘅感覺最後食埋吸收晒沙嗲牛肉汁的厚多士，爽😊 叫埋杯凍檸茶 不錯不錯👍🏻味道：5/5環境：3/5服務：3.5/5衛生：3/5抵食：4/5
利口福快餐店餐單提供港式, 漢堡包, 快餐店等推介美食位於太子區，餐廳座位數未知人均消費約$50以下，結賬可以用現金，Booking訂位可以電話致電 27779006 查詢。
您對於太子餐廳「利口福快餐店」有何 comment？
利口福快餐店餐廳詳細資料：
- 利口福快餐店地址: 太子大埔道14-16號華都大廈地下1號舖 Lee Hou Fuk Fast Food Shop, Shop1, G/ F, Wah Tao Building,14-16 Tai Po Road, Prince Edward
- 利口福快餐店電話: 27779006
- 利口福快餐店價錢: $50以下
- 分類: 港式, 漢堡包, 快餐店
- 座位: 未知
- 付款: 現金
- FB專頁: 利口福快餐店 Facebook
更多利口福快餐店相關資料:
香港餐廳2026推介8月