Purple Cafe 太子

Purple Cafe 評價 相片

餐廳：Purple Cafe (太子)地址：太子通菜街254號地舖呢間8月8號正式營業嘅網紅打卡風Cafe——Purple Cafe，顧名思義以全紫色做佢哋Cafe嘅主題💜，紫色除咗帶比人夢幻、高貴嘅感覺💟，老闆更加希望去食嘢嘅人可以喺呢個滿有壓力嘅社會當中得到relax嘅感覺同短暫嘅釋放🥰一入到Cafe真喺嘩咗聲😍，超夢幻嘅紫色環境⚛️，配以紫色乾花💐、紫色卡位🛋、紫色氣球🎈、紫色地毯、紫色搖搖櫈、紫色餐牌，諗得出嘅都喺紫色😈，真喺好有童話feel好啱打卡📸，我都唔執輸影返張相扮吓嘢先，原來我都咁啱著咗紫色衫Lol🤣牆上仲有玩味濃嘅壁畫🖼，見到愛因斯坦、蒙娜麗莎、梵高等名人飲緊杯珍珠奶茶🧋，搞到我都想飲埋一份🤪✝️蟹柳明太子意粉 $88新開張期間叫午餐有湯送，個湯喺紫薯紅菜頭忌廉湯，同樣以紫色為主，飲落都食到紫薯同紅菜頭嘅碎粒，幾特別😎，加咗忌廉有啲creamy texture，不過個人就覺得鹹咗少少🤏；意粉充滿驚喜🎉，先唔講落嘅蟹柳、明太子同紫菜份量好多，食落仲唔會好膩或者好濃味，入口舒服😌，啲料撈得好勻，食到底都唔會好油或者有一啲意粉無嚟味道，真喺唔錯👍✝️檸檬蝶豆花 $38蝶豆花本身無咩味道，用於調色就一流，紫藍色嘅飲品，加上幾塊檸檬調味同裝飾襯托🍋，飲落甜甜哋加上清新檸檬香，影相就緊喺無得輸啦🕺🏼✝️特濃朱古力蛋糕 $48最後食埋件特濃朱古力蛋糕作結，有朱古力蛋糕層、朱古力cream、朱古力慕絲同朱古力啫喱面四層，最後仲加咗朱古力粉🍫，食落唔滯，甜度適中，算喺幾好，好滿足啊👻聽老闆講遲吓應該會更改餐牌，希望客人用一個更平嘅價錢就可以試到晒佢哋嘅湯、主菜、甜品同飲品🍰，遲吓一於帶啲港女朋友嚟呢度打卡影相先💟

最近見ig好多人打卡的一間店，剛巧經過又有時間，走入去坐下飲番杯嘢。

整間主調是紫色，門前擺放了一張吊椅，週圍有花花，難怪咁多女孩子打卡啦。

客人主要是女性為主。

紅棗桂圓茶選擇錯誤，完全不是那回事，味道非常牽強。

我自家製還好呢！嚟到呢啲地方應該叫沙冰，梳打之類吖嘛，失販。

黃金熱情果甜品尚算ok，味道酸酸的幾開胃，賣相也不錯。

不過原來有最底消費的，坐我隔離的一對男女問店員先知，搞到好尷尬。

其實客人入去時應該先講清楚或寫在菜單上，避免有爭拗。

好彩我夠數😅

之前同朋友行經太子，見到又開咗間新Cafe，而呢間小店主題非常鮮明，同店舖名稱「Purple Cafe」一樣，大放「紫」彩💜。

餐廳雖然係新開，但已經成功吸引到一眾Purple Lady嚟打卡🤳📸，仲要近乎每位到訪者嘅衣着打扮都帶有紫色嘅元素，成個氣氛變得好有少女味。

近入口處有一大個打卡位，當中有張吊櫈，坐喺度影相真係超靚😍。

同時，Cafe仲係一間寵物友善餐廳，美女們可以帶埋狗狗一齊嚟朝聖🐶。

卡邦尼意粉($88)，呢碟卡邦尼唔錯，醬汁方面唔會太膩同黏口，而且仲夠晒足料，有好多煙肉🥓、蘑菇🍄同洋蔥絲等，不失傳統風味。

意粉份量多，所以陪女友嚟嘅男友唔使擔心唔夠食。

蟹柳明太子意粉($88)，明太子呢款更為出色🍝，因為每條意粉都掛滿明太子粒粒，鹹香十足。

佢配埋蟹柳絲、紫菜同木魚一齊食，成個組合勁搭調，扁意粉則煮得彈牙、有嚼勁，好食！紫薯波波鮮奶($42)，本身嗌紫薯飲品都係為咗襯返主題，但其實我自己唔鍾意紫薯味🍠。

不過呢杯出奇地令我改觀，紫薯味好自然清香，同鮮奶好夾，而且入面仲加入咗爽爽Q彈嘅波波粒。

芝芝抹茶($48)，飲品杯帶點反光嘅Unicorn顏色🦄，好靚靚。

芝士奶蓋鹹甜味適中，口感順滑。

抹茶味醇香，甘味得宜，唔會過甜🍵，但整體無紫薯嗰杯咁令人難忘。

總括嚟講，呢間Cafe除咗迷人紫醉之外，食物質素仲要有返咁上下，意粉同飲品嘅味道及造型均令人滿意😋。

下次嚟我會食埋佢個甜品，我見隔離枱嗌好似好正咁。

食食吓飯隔離枱大叫，牆上面有小動物行走，廁所環境惡劣過公廁，地上全是用過的廁紙，隔離枱碟餸未煮熟，食物味道一般，飮品不錯，職員態度亦很親切友善，但仍有非常多的進步空間⋯⋯不能只靠門面功夫，實力才是最重要

正門係沉著的紫色，簡潔屋風，光是店門已夠打卡。

進店一整幅花牆同鞦韆，有如小花園 ❀ 我最喜歡靠窗的一角，兩邊偌大玻璃窗放眼開揚街景，窗框配以純白碎花喱士窗紗，加上牆身紫色嘅花葉，夢幻到不得之了💜🍹芝芝提子 ($48)初上枱時沙冰顆粒較大，可等多十分鐘先飲，漸層效果更靚。

芝士同提子味道好夾，唔會太甜。

🍝 蟹柳明太子意粉 ($88)明太子醬汁濃稠，配上木魚同紫菜，每口都有鹹香鮮味。

蟹柳份量也不少，夾住意粉吃好滿足。

伴碟紫色一片紫薯，烘乾製成有嚼勁，仲有香甜味道，記得食埋啊。

舖頭平日嘅下午茶時間仍然忙碌，來影靚相的人不少，五點後稍為客少可影更多美照啦✨𝑷𝒆𝒕 𝒇𝒓𝒊𝒆𝒏𝒅𝒍𝒚 🐶

Purple Cafe餐單提供西式, 咖啡店等推介美食位於太子區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付，Booking訂位可以電話致電 69925996 查詢。

您對於太子餐廳「Purple Cafe」有何 comment？

Purple Cafe餐廳詳細資料：

• Purple Cafe地址:
  太子通菜街254號地舖
  Purple Cafe, G/ F,254 Tung Choi Street, Prince Edward
• Purple Cafe電話: 69925996
• Purple Cafe價錢: $51-100
• 分類: 西式, 咖啡店
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,Google,Pay,微信支付
• FB專頁: Purple Cafe Facebook

更多Purple Cafe相關資料:

• Purple Cafe分店
• Youtube
• Facebook
• Twitter
• Google