譚仔三哥米線 太古

譚仔三哥米線 評價 相片

太古呢間譚仔最吸引係佢個價錢同埋唔算好多人同區黎講算係好平,因為康怡太古城嘅餐廳普遍都幾貴,係呢頭番工嘅朋友相信都有同感質素方面呢間個感覺算係少味精,冇其他譚仔咁咸例牌會叫雞肉韭菜10小辣,又快又方便

咁岩見譚仔三哥有個煳辣豬肚米線幾吸引就試下，除豬肚外我加左腩肉，食得米線要食梗係最少都叫五小辣啦😎，加杯西柚醋特飲中和下辣味🍸，整體上味道同口感都唔錯，加辣一蚊&西柚醋十蚊，埋單都係$50抵食！

我鍾意食譚仔三哥多過譚仔佢有蕃茄五少辣湯底揀我就急不及待放工就走去食有時肚餓起上嚟一個人可以食哂食個套餐今次淨係叫左炸醬加墨丸蕃茄湯之中有少少 spicy 原來都幾吸引不過我覺得唔夠香今次我叫咗五少辣平時已經覺得好夠可能多咗蕃茄嘅酸度搞到成碗湯淡味少少點知當我落咗炸醬令成件事勁豐富 好似食緊肉醬麵咁味道變到好濃食唔停好下次識叫都係番茄湯加炸醬係一絕好似食得太多麻辣湯底會覺得好悶試吓新味道唔錯喎！！！！！

今日午餐自己一條友，求其找D野食，見到有間譚仔三哥，好似開左不久。

咁就試下，這間譚仔三哥系鰂魚诵吉之島對面馬路。

整間鋪面向馬路，好開揚，又光猛，有幾張高枱，可以面向馬路，一路食米線，一路觀看外面環境😉⋯⋯首先餐牌教你先選擇食材，因配料實在太多啦⋯⋯眼花撩亂😂而且面有芽菜，九菜，可選擇走菜，浄米線加配料。

第二步驟，就是選擇湯底啦，有清湯，有蕃茄湯，有麻辣湯，仲有三哥酸辣湯底。

今天叫了個五小辣米線，另加腐皮和腩肉，必選，好鍾意佢腩肉做法，咸咸地好入味，而且系半肥廋，而且還有小小軟骨在肉裏面，更加有咬口，再加一碟士匪雞翼，三隻一個人食，份量剛剛好！另加$10就有個特飲西抽醋，或者茘枝特飲。

酸酸甜甜，好解渴，即刻開胃曬，在這炎熱天氣之下。

原來仲有好多新款小食，豬脷和豬耳等等......如果叫麵另加小食堂食，還有特價價錢。

原來叫小米線仲減一元添👍👍

十月一日估太古城中心可能會關閉，便打算帶媽媽去康怡某餐廳吃個早的午飯，誰知整個康怡廣場關了，AEON也關了，附近一眼看到便是這家譚仔三哥有開，當然帶媽媽老人家過去食。

幸好我們早到，上午十一點，剛開門，附近都無地方食，所以晏了會好多人。

最基本的是米線，$35包一個食材配料，湯底清湯免費，另有蕃茄湯 (+$2)、麻辣湯 (+$1)、煳辣湯 (+$1)等不同湯底選擇，辣度有十度可自由選擇，可選不辣。

有兩款特飲，原價$15，加配只需$10。

我見加下加下配料都成五十蚊，於是決定叫了過橋米線，樣樣齊，只需$57，我覺得乜都有會抵啲。

有豬肉、牛肉、雞肉、腩肉、火腿、豬膶、牛丸、墨丸、魚蛋、腐皮、豆卜、生菜、芽菜、韮菜、竹笙，還有酸菜及乍醬另上。

過橋米線 $57清湯麻辣湯另加$1，我要了5小辣。

另上的酸菜和乍醬乍醬好味，微辣，加在米線會增添味道，我平時喜歡麻辣，這裡的麻辣做得不錯，好處是辣度可自由選擇，我覺得湯略為過鹹。

這碗過橋米線比其他米線大碗好多，我叫兩碗時，侍應都問一句，是大碗的呀，善意提醒我們兩母女。

結果食到一半都已經好飽。

麻辣湯除了鹹少少外，味道還蠻不錯，料真無懈可擊，好多餸，我覺得好肉者又想抵的話，這個不錯，還好大碗，一般女生應該會太多。

對講求食物質素的朋友便可能覺得那些肉，如豬肉、牛肉、火腿等無乜味，始終這個價錢都應該是雪藏肉，不會有鮮味。

不期望過高的話還是中規中矩。

荔枝特飲 $10好香荔枝味，食完碗又辣又熱的米線，零舍覺得這杯荔枝特飲好味，不錯。

😊😊格離枱叫了土匪雞翼，我問她們好味嗎？她們說次次都叫，我下次都試下。

枱椅算頗密，有點迫，不會坐得耐，食完便走。

冷氣應是修理好了，之前好多人話好熱，今口好ok。

譚仔三哥米線餐單提供滇菜, 雲南, 粉麵, 米線, 咪嘥嘢食店等推介美食位於太古區，餐廳座位數未知人均消費約$50以下，結賬可以用Visa,Master,現金,八達通，Booking訂位可以電話致電 28278918 查詢。

您對於太古餐廳「譚仔三哥米線」有何 comment？

譚仔三哥米線餐廳詳細資料：

• 譚仔三哥米線地址:
  太古康安街2-8號康怡花園地下A1-A2號舖
  Tam Jai Sam Gor Mixian, Shop A1- A2, G/ F, Kornhill,2-8 Hong On Street, Tai Koo
• 譚仔三哥米線電話: 28278918
• 譚仔三哥米線價錢: $50以下
• 分類: 滇菜, 雲南, 粉麵, 米線, 咪嘥嘢食店
• 座位: 未知
• 付款: Visa,Master,現金,八達通
• FB專頁: 譚仔三哥米線 Facebook

更多譚仔三哥米線相關資料:

• 譚仔三哥米線分店
• Youtube
• Facebook
• Twitter
• Google