築地GINDACO 太古

築地GINDACO 評價 相片

口痕想食章魚燒，係太古睇Fast & furious 前就食左呢間的章魚燒set.真心好味過係MK KF的好多，起碼唔係一堆粉團起碼每粒都有1 or 2 舊章魚起碼咬起黎做到外脆的口感。

係香港食到呢個quality 我算係收貨架啦。

杯綠茶都唔錯，唔會好稀，可以一試。

今日食完個lunch之後唔夠飽所以就嚟咗呢度食下午茶，依家間係我極度推介嘅章魚小丸子。

今次就叫咗四粒嘅原味章魚小丸子，因為係下午四五點既時候，唔係好多人食，我見我個底好似已經擺左一排，但食落去都仲係外脆內軟。

其實佢仲有另一款章魚小丸子係有得加沙律蛋嘅，個個都好好味。

黎到既話，真係要試試，我私心覺得佢既章魚小丸子係我食過最好味既~ 當然都係我主觀意見。

自從無得去旅行之後就一直都掛住日本啲美食🥺 今日嚟到太古城，記起呢度以前有間築地Gindaco，突然就好想食章魚燒😩 落到地庫先發現原來搬咗舖位，搬咗去美食廣場！疫情關係入去美食廣場要排隊，我等咗大概十分鐘就入到去！因為控制咗美食廣場範圍嘅人數，點餐嘅人就相對較少，唔洗點排隊。

❤️ 銀套餐 $48呢個餐有包括築地銀炒麵&原味章魚燒&飲品，想揀其他款嘅炒麵或章魚燒就要額外加錢！🔸 築地銀炒麵每條麵都索哂啲醬汁，不過我個人會鍾意再濃味啲！另外少咗蛋黃醬&鰹魚碎，食落好似差咁啲嘢😕 麵條相當有彈性，唔會有太腍太爛嘅問題。

肉片數量都多，可惜有啲豬膻味，扣分！好食度：⭐️⭐️⭐️ (3/5)🔸 原味章魚燒築地Gindaco係日本專賣章魚燒嘅店，章魚燒味道都唔會差得去邊。

等拎餐嘅時候，見到佢哋係用全自動機器去燒章魚燒，所以火候控制都好平均👀 而口味方面都接近我之前喺日本食到嘅味道，只係入口口感無咁紮實，但做到外酥內軟嘅效果！章魚燒入面嘅章魚都算幾大粒，好慷慨🙊 配搭埋日本醬汁、蛋黃醬、紫菜粉&鰹魚碎，呢個配搭真係無得輸！四粒完全唔夠喉😂好食度：⭐️⭐️⭐️⭐️ (4/5)餐廳推薦度：⭐️⭐️⭐️✨(3.5/5)總括嚟講都幾貼近日本嘅味道，難怪可以喺太古屹立多年！應該係香港好食嘅章魚燒之一🕺🏻 炒麵就一般般，當過下口癮啦😛

我好鍾意食呢一間嘅小丸子，佢係擺咗好耐都會係脆卜卜嘅。

入面嘅料都好正，同埋粒粒小丸子都好大粒，脹卜卜咁樣，一次過買八粒仲可以當lunch咁食，好飽肚㗎。

啲醬都好高質，連埋小丸子一齊食，食到舔舔脷。

本來已經叫咗四粒原味八爪魚燒($22)。

點知叫完先見到有得揀明太子醬喎 (檯面餐牌先有，剛好有嘢擋住睇唔到)😛!!店員好好服務，佢話可以改單，我即刻加碼嗌左八粒明太子味八爪魚燒($48)八爪魚燒水準仍然高。

明太子醬唔會覺得好鹹，加埋燒汁一齊食好正，配搭恰當～ 當然，如果可以再落多啲明太子醬就更好啦期望將來有更多新鮮嘅配搭。

而衛生方面，小編覺得點餐位置可以乾淨企理一啲。

至少啲餐牌唔應該有物件阻擋着啊～

築地GINDACO餐單提供日本菜, 小食店等推介美食位於太古區，餐廳座位數未知人均消費約$51-100，結賬可以用現金，Booking訂位可以電話致電 25607155 查詢。

您對於太古餐廳「築地GINDACO」有何 comment？

築地GINDACO餐廳詳細資料：

• 築地GINDACO地址:
  太古太古城道18號太古城中心地庫ApitaFoodPlaza
  築地GINDACO, Food Plaza, Apita, B/ F, Cityplaza,18 Taikoo Shing Road, Tai Koo
• 築地GINDACO電話: 25607155
• 築地GINDACO價錢: $51-100
• 分類: 日本菜, 小食店
• 座位: 未知
• 付款: 現金
• FB專頁: 築地GINDACO Facebook

更多築地GINDACO相關資料:

• 築地GINDACO分店
• Youtube
• Facebook
• Twitter
• Google