皇冠餐廳 天水圍

皇冠餐廳 評價 相片

我好鍾意食呢間嘅麵包因為你買嘅時候一定係暖既而且佢有我鍾意食嘅麵包食包就食得多今日就試吓坐低食佢嘅嘢睇吓好唔好食先叫咗個沙嗲牛肉麵+厚烘奶油多沙嗲牛肉麵係呢啲地方先可以食到所以要特登坐低食你最令我吸引都係奶油多😍😍好多奶油肥仔多士，但真係好正

同朋友都係住呢頭附近，呢個商場有太多餐廳，一齊出來食飯好多時候都唔知去邊吃。

最後都係揀左呢間，食物選擇都唔算少，有鐵板，咖哩，小菜，常餐，炒粉麵等等。

我見外面都有唔少包可以買，平時經過都見到唔少人買。

有機會可以再試試。

朋友揀左咖哩雞排，我揀左晚餐A, XO醬薯仔炆雞。

其實都唔便宜，單點好似都要50幾60蚊起，晚餐66蚊包湯同飲品。

朋友既咖哩都幾好食既，算唔錯。

我叫既炆雞味道都唔錯，但係雞好少呢，而且比較硬，薯仔就夠軟同入味。

整體印象唔算差，不過未必係我落街食飯既首選。

今放假，一心諗住去皇冠餐廳嘆番個豐富早餐，點知.....到左餐廳門口，望入餐廳內有兩三張兩人檯未有客人入坐，而且亦冇其他食客在等檯，於是問下收銀兼安排座位果位服務員可以坐邊張檯？點知那服務員只顧與街坊吹水&街坊既BB玩，叫我入去有檯就坐就可以，我行到入其中一張兩人檯正想坐低時，侍應姐姐就話依張檯唔坐等，留左比客，咁等咪問侍應姐姐我一人可以坐邊張檯，佢竟然話依家未有檯，叫我出門口等位，然後繼續同另一位侍應談天說地。

有冇搞錯呀！！入面有檯都唔比客坐？仲要出番門口等位？門口收銀&餐廳入面侍應一人講一樣，淨係掛住吹浪&玩，最後我選擇唔食離開走人。

麵包控又出動啦😚呢款墨西哥奶皇包系我幾鐘意既一款面頭香脆 麵身又軟熟重點入面有滿滿既奶皇餡料🤩加上佢會放保暖櫃入面所以唔系岩岩出爐都好 都仲可以暖粒粒咁去食❤️

同媽媽同男友三人晚餐，諗住隨便入茶餐廳嗌送食飯，就黎左皇冠。

夜晚人客都幾多，我地都等左幾分鐘先有位。

我地叫左三個小菜，再加十蚊轉左套餐，包飯、湯同熱飲，小菜分別係薯仔蜜椒牛柳粒、鮮蝦魚柳西蘭花同京蔥蒜子滑雞煲。

三個菜份量都正正常常。

薯仔密招牛柳粒蜜糖味比較重，黑椒味反而比較弱，牛柳都幾好食。

但好油。

但最油既都係個雞煲，油得黎又有點過咸， 掩蓋左其他味道。

個鮮蝦魚樓西蘭花，西蘭花好硬但係都算入味，鮮蝦同魚柳都係冷凍貨，正正常常咁，唔係話特別好食。

總括黎講，普普通通，多油同咸真係罪。

皇冠餐廳餐單提供港式, 茶餐廳, 冰室等推介美食位於天水圍區，餐廳座位數未知人均消費約$51-100，結賬可以用現金，Booking訂位可以電話致電 21944600 查詢。

您對於天水圍餐廳「皇冠餐廳」有何 comment？

皇冠餐廳餐廳詳細資料：

• 皇冠餐廳地址:
  天水圍天華路33號TTownNorth地下NG03-04號舖
  Crown Restaurant, Shop N G03-04, G/ F, T Town North,33 Tin Wah Road, Tin Shui Wai
• 皇冠餐廳電話: 21944600
• 皇冠餐廳價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 皇冠餐廳 Facebook

更多皇冠餐廳相關資料:

• 皇冠餐廳分店
• Youtube
• Facebook
• Twitter
• Google