車品品小食 大角咀

車品品小食 評價 相片

去開奧海城行街，醒起搬左既車品品係附近，行十分鐘都要去支持一下🙂車品品已經由地舖搬左上工廈，地方都算寬躺企理！食物款式無以前咁多，主要以賣小食為主喔！碗仔魚肚翅大大碗，超足料，料仲多過湯，似食緊碗粉多d🤭黑木耳絲好爽口，咬落口感超好👍🏻 內有唔少魚肚同大大片冬菇👏🏻👏🏻👏🏻攬炒糯米飯好香好夠味，不過始終唔係生炒，飯會比較林同痴口！加入自家制辣菜鋪食會更香，味道更豐富🤤芝麻糊一向係我既最愛，自家制，炒香黑白芝麻再磨，芝麻味好香，係略嚴質感唔夠滑喔！良心小店好值得支持🥳🥳

碗仔翅🍲($30)份量頗多而且好足料食到每一啖都係豐富既料, 而且調味啱啱好唔會過濃,重點係質感超厚實, 對於我呢個碗仔翅愛好者絕對係讚😍四季攬炒糯米飯🍚($30)呢d咁涼爽既天氣食返碗糯米飯絕對係會暖笠笠而且又滿足到個胃🤰🏾 呢個糯米飯都好足料嫁, 雖然細細碗但係睇得出老闆絕對係落足料同埋用心去煮超麻不辣米線仔🍜($25)呢碗米線既份量偏少, 味道方面冇咩特別, 食落麻麻地少少辣, 但係份量多返啲既話會合理啲冷葷茅台花膠紅燒鮑魚🍴($50)聽佢個名好似好勁咁而且我見好似都幾多人叫所以就膽粗粗叫一隻試下👍🏽 鮑魚係好細隻, 汁係濃郁但係食唔到茅台味🤔 口感方面適中唔會過份煙韌, 我覺得可以唔洗試溏心皮蛋🥚($20)其實基本上皮蛋係冇得輸而且再加埋沙糖一齊食簡直係一絕灰棗杞子平安茶🍎($25)好開心佢係熱嫁, 因為而家唔知係咪年紀大左鐘意飲熱野多d😂 飲落我覺得甜左少少不過都有少少杞子同埋蘋果肉, 整體黎講係普通

我不是大角嘴街坊，今日第一次幫襯。

有驚喜！碗仔翅好足料、皮蛋夠溏心、羅漢果桂圓茶好濃好好味！老闆娘好好人！雖然得佢同另一個工作人員做野，服務係有少少慢，但係大家都願意耐心等待！食物食得出冇味精，真正係自家製！好有家庭feel! 一定會再去幫襯！下次想試吓鮑魚、英式奶茶。

係一間值得推介嘅小食店！

對於「車品品」既味道，係可以保留一世既記憶😘係大角咀街舖上年結束營業後，今日變身工廈樓上私房菜，趁住未見人龍先來拜會。

位置由大角咀食肆核心，移到另一邊既工業區。

穿過笨重既工廈電梯，見到大鐵閘門口有圖畫陪襯，小小既招牌再次見番車品品三字，未似以前高掛門外既木招牌，但仍保持熟悉既痕跡👟 入內燈火通明，射燈搭上白光，係溫暖既家庭感😊簡單既木紋枱櫈，放咗廿個位左右，啱啱重開都擺放得比較隨意。

要一提既係，呢個新家係可以帶寵物上黎🐶🐱因為本身已經有店長「濤濤」🐕（唔知有無叫錯🤭）坐陣。

上咗樓既私房菜，餐牌變簡潔😉主食碗仔翅，四季攬炒你x味糯米飯，冷葷紅燒鮑魚，溏心皮蛋加上一眾飲品🥤 糯米飯一小碗上枱（一人份量黎架😂）黑色欖菜一小撮係頂上點綴🖤糯米飯面少許油光閃耀。

一啖啖爬落去飯粒分明，無平時糯米飯既黏性✔️葱花同臘味既分佈亦好平均😍 仲要有欖菜既吊味💖 呢搶攬炒體會到世界微妙平衡✔️碗仔翅同以前一樣味道，重拾昔日回憶📽️ 溫馨提示係記得呷下醋😂 雖然料足味厚，但多加點酸，個味道先完整✔️鮑魚韌性不減，仍然充滿年青活力💪要用利刀先可以切開，花雕醬汁一樣濃厚，無見一排老朋友感覺依然✔️ 下次一定要外賣幾隻走，學佢用黎煮公仔麵😁溏心皮蛋貨靚就真屈機，少許糖醋吊味就已經夠做✔️兩杯嘢飲冬瓜茶妬灰棗杞子蘋果茶照舊係甜淡中間既調和✔️埋單兩個人210蚊，呢份美味不減當年💞車品品就算模式改變，菜單改變，都依然係至愛名單number 1️⃣

車品品小食餐單提供港式, 小食店等推介美食位於大角咀區，餐廳座位數未知人均消費約$50以下，結賬可以用現金。

您對於大角咀餐廳「車品品小食」有何 comment？

車品品小食餐廳詳細資料：

• 車品品小食地址:
  大角咀櫸樹街43-45號其士工業大廈9樓B室
  車品品小食, Room B,9/ F, Chevalier Industrial Building,43-45 Beech Street, Tai Kok Tsui
• 車品品小食電話:  
• 車品品小食價錢: $50以下
• 分類: 港式, 小食店
• 座位: 未知
• 付款: 現金
• FB專頁: 車品品小食 Facebook

更多車品品小食相關資料:

• 車品品小食分店
• Youtube
• Facebook
• Twitter
• Google