鴻發香港仔粉麵茶餐廳 大埔

鴻發香港仔粉麵茶餐廳 評價 相片

Call 的士居然等左廿分鐘先黎接我！趕時間出席飛標比賽，一落車衝入香港仔倒碗麵落肚先！依間新開香港仔第一次試，大埔突然開左兩間香港仔囉，不過唔同名，潮州粉麵競爭比以前更激烈。

嘩！坐低望望環境同 menu，直頭係茶餐廳啦，同華立差不多！小插曲，器哭笑不得！鴻發趣劇！我：腩什河走蔥走肺，唔該。

大陸長髮瘦阿姐：蝦？冷渣喎雅叉麻？我：牛腩牛什河粉走肺走蔥、牛腩牛什河粉走肺走蔥大陸長髮瘦阿姐：哦，油能油擲我唔要蔥，港清錯麻。

我 ( 滴汗中 )：走肺唔該。

大陸長髮瘦阿姐：走肺？揀就唔械揀寫喇，你 kind 張單揀寫。

雙併要渣錢喎！我：我知，無緊要。

大陸阿姐：喎都要同您講麻。

我 ( 冒煙中 )：無言。

。

幾分鐘後，後面剛坐低既四眼哥哥叫蠔仔粥及其他野，跟我同一遭遇，我不其然望望，嗰位哥仔一臉無奈，陰功。

腩什河走蔥走肺，揀錯地方，想快得慢！居然碗河粉要等成十分鐘，通菜仲要食完碗麵都未到！洗唔洗咁耐呀？全場只不過得幾枱食客，好忙咩？如果咁好采滿座點搞呢？見幾枱男人都等到呆晒，定晒格，依個畫面勁搞笑！雖然等得耐，但腩什河難得幾好食噃，比預期中還好，真係慢工出細貨。

湯底濃郁香甜，滷水清香，河粉烚得剛好棉滑，再烚多幾秒就會散晒喇！依個質地索湯能力最強，每啖都掛上滔滔湯汁，好正。

最怕只係灼一灼啲河粉，鬼死咁硬。

牛腩十分入味，咬落鬆化軟棉，完全無渣，滿意。

牛腸外彈內滑、毛肚棉花一樣、牛膀鮮嫩富彈性，全部都好好味！辣椒油完全無油既，雖然我一向都只食渣，但都要少少油架，依家乾晒喇！辣椒油樽蓋都無個，欠衛生！味道十足桂林辣椒油，唔係應該自家製架咩？依隻完全係樽裝桂林辣椒油啦。

腐乳通菜，居然係我最愛既水貢呀！翠綠既莖與葉，清甜又充滿水份，鮮爽到索索聲。

撈埋調好既腐乳醬，香甜酸辣有齊，好味道！

鴻發香港仔粉麵茶餐廳餐單提供潮州菜, 港式, 粉麵, 米線, 雲吞, 餃子, 茶餐廳, 冰室等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「鴻發香港仔粉麵茶餐廳」有何 comment？

鴻發香港仔粉麵茶餐廳餐廳詳細資料：

• 鴻發香港仔粉麵茶餐廳地址:
  大埔翠怡花園地下2號舖
  鴻發香港仔粉麵茶餐廳, Shop2, G/ F, Greenfield Garden, Tai Po
• 鴻發香港仔粉麵茶餐廳電話:  
• 鴻發香港仔粉麵茶餐廳價錢: $50以下
• 分類: 潮州菜, 港式, 粉麵, 米線, 雲吞, 餃子, 茶餐廳, 冰室
• 座位: 未知
• 付款: 現金
• FB專頁: 鴻發香港仔粉麵茶餐廳 Facebook

更多鴻發香港仔粉麵茶餐廳相關資料:

• 鴻發香港仔粉麵茶餐廳分店
• Youtube
• Facebook
• Twitter
• Google