泰鄉村茶座 大埔

泰鄉村茶座 評價 相片

呢間泰國餐廳我上年去左幾次都覺得有幾個菜做得好好食 (燒豬頸肉, 菠蘿炒飯, 咖哩), 所以琴日我同朋友係大埔滑完水黎 (4人), 到逹時大概7:40, 有幾枱岩岩走剩一半滿, 5分鐘點晒菜 (燒豬頸肉, 菠蘿炒飯, 沙律, 飲品) 之後個椰青同啤酒好快就到左, 好個part到此為止.一路吹水吹到8:30連沙律都未有, 隔離枱有個人同waitress投訴最後碟飯等左好耐都未到, 6點已經好似食, 我地仲諗講笑呀, 最後諗返我覺得係真的...轉頭見佢地有碟菠蘿炒飯佢地搵唔到人認頭, 咁我地咪話我地個碟未到, 佢地比左我地, 3野食晒, 睇睇周圍, 45張枱同我地差唔多時間到的人張枱都係空的, 睇一睇個厨房入便有3個人, 但係坐左成個鐘睇唔到佢地上超過10碟菜... 我問waitress點解咁耐,佢話改左枱, D單亂左, 但個問題根本無人轉過枱... 之後的20分鐘佢地有上個2個菜, 都問係唔係我地既, 個answer當然係No... 係忍無可忍之下, 我地咪話埋單, 個老闆娘即刻計數啦, 但係睇住佢一路計計計計左成十成鐘, 都未計好, 我走埋去幫下手有咩計咁耐, 之後我話我幫佢計, 一手比左$120佢 (啤酒, 椰青, 菠蘿炒飯) 轉身就走... 9:10也... 有時間燒又想平平地30蚊埋單就黎啦.

實在太離譜~撞正係父親節，大尾篤間間都比人訂哂位，見到lee間"泰鄉村"冇人都驚驚地瀨野，不過諗住醫肚食完就走就無所謂啦!六點半鐘入去真係一個人都冇，見d waitress響度抹緊枱，就同佢講話要四位啦，點知個waitress好似未訓醒錦，隨便就叫我地坐底，擺底menu就水都冇杯飲吓!叫左以下菜式，逐樣講吓啦~泰式拼盤 佢叫大o既收$128，就得蝦餅4件、魚餅4件、春卷2條、香葉包雞2件，蝦餅例牌野叫ok啦，春卷都係普普通通，香枼包雞就幾好味，不過d魚餅就酸o既，我懷疑都係唔係壞左，好彩未仲未肚痛。

串燒 牛豬雞都有叫，牛冇牛味好似攞湯渣都燒錦又"鞋"又"韌"，豬同雞我都係差d分唔出邊樣打邊樣，總之都係又"鞋"又"韌"，棚牙真受罪。

豬頸肉沙律 完全係搵笨，根本係豬扒唔係豬頸肉，仲要"鞋"口，伴埋一齊d蔬菜就只有芫茜，頂真係搵笨!!! 冬蔭公 個味道叫做似樣，d蝦都叫彈牙，不過就唔係好熱，最搞笑係攞湯黎又唔比碗我地，叫佢比碗黎又唔記得比spoon我地，真係吹漲!燒羊脾 響個menu度張相好好樣嫁，點知一上菜又係一碟燒湯渣，同樣又"鞋"又"韌"又唔夠香口。

本來仲叫左個炒飯同咖喱雞，但係遲遲都未黎，仲要越食越多蚊滋仔，心諗d錦o既水準食落去都係棧受罪，快快手話取消埋單算數。

總括黎講，waitress似發夢，係所有都係發緊夢，攞d熱野好似攞住炸彈禁驚，一d都唔professional。

食物素質係我食禁多間泰菜之中最差，所有肉類都似湯渣，簡直一場惡夢!!七點九走人佢個場仲未滿，但係隔離兩間門口有成幾十人等緊，心諗真係有道理嫁~

10/4/09那天我同他一起踏單車, 踩了一個圈之後, 停下來歇一歇, 大約在中午時段, 可能是公眾假期, 每間餐廳都好多人, 後來經過泰鄉村茶座, 都有78成客, 門口貼著中午and下午茶的menu,見到價錢不是太貴, so同男友一起入了去食個lunch當入了去時, 見到好多table 都未tidy, 後來都坐下來, waiter都好快help 我們tidy 了table , 不過問他有冇出面 tea set menu,他話今天是公眾假期所以冇, 有d失望, 點解要放個tea set menu 出面?好像給人欺騙的感覺, 不過最後不想再行來行去因此stay here食個lunch最後我們choose了個2人套餐, 頭盤點了沙爹串燒有(2豬2雞2牛), curry 點了青咖喱雞,小菜點了蒜茸炒雜菜,個套餐是included例湯, 白飯, drink&dessert..., 飲品叫了椰青&lime soda...那時客人都不算太多, 大約7成客人, 可能只得3個waiter, 一個是印度男人, 一個是香港男人&一個是女人,因此我們的drink 都來到好遲, wait了1520mins, 不過都算, 食物來得更加慢, wait 了起碼有30mins,先來了沙爹串燒&雜菜...沙爹串燒d肉都好夠熱, 不會好"實", 不過d沙爹sauce不是好spicy, 燒得都好美蒜蓉炒雜菜炒得都好香, 不過d菜不是好fresh , 好多菜是"黃"&好多菜頭菜尾特別是"菜心的花"好多之後我們邊食邊等, 我們已經追單, 想來個白飯先, 曾經叫了2個waiter, 都話好快就到, 最後都是冇來個白飯先,唉.......不過想起今天都是想踩單車開心下到郊外, 都是算了, 最後差不多食完才來個curry&白飯, 又wait多了15mins了.....青咖哩雞都好夠spicy, 都不是太差, 不過d 雞肉好像冇咩雞皮!!之後我們食完都冇人理會, 好像冇人tidy 我們的碟, 之後叫了印藉的waiter bring 個set dessert 給我們, 起初可能他不知我們是食 "2人set menu ", 都好好禮貌told我們有什麼甜品, 後來我們告訴他我們是食set dessert , 不過他都好nice告訴我們是會來碟"泰式千層糕", 值得一讚是印藉的waiter ...最好笑是剩餘的兩waiter&waitress , 不知是否聽不到我們叫他們? 當我們想找人幫助都是好快做了他們的遞菜&take order 就低頭走了去?來了個泰式千層糕,是熱食的, 不過見到d可怕的東西, 有昆蟲腳??不知是否我看錯, 請大家食家可否指點告訴我?不過我們最後都冇換, 因為換了都是一樣都是有昆蟲污染了!最後我們想起, 為何不見了個soup??之後問個waitress, 她告訴我們是:"今天是public 假期所以冇湯!"我心想:"但是你們又價錢收足我們, 如果冇又不落單前告訢我們, 我們如果不同他們說, 他們都好像不會told 我們知,好像入了黑店般!!最後我們去了cashier 埋單, 個waitress 話椰青另外正價收費, 不會有half price(特飲是半價收費如果叫set menu), waitress 說因為冇湯給我們, 他們給半價$12 for 椰青給我們!我們心想為何不told 我們椰青是冇半價when 一落單時, 現在好像令到我們是屈他們般, 真是令我們都好失望的一餐....service 方面都是不知所謂, 如果public 假期真是不夠人手, 那麼busy , 為何不加多d人手?, 現在他們這般service, 叫我們會再來咩?food &drink 又來得遲, 我們坐下來食飯時, 都見有d客人不斷舉手都要等了好耐才有人理會, 這間餐廳又誤導成份, menu 上冇話公眾假期是冇soup, 門口又放便宜的下午茶套餐牌, 各位食家你們如果真是去<泰鄉村茶座>, 真是問清楚&好有耐性才可去, 否則你們都會好失望

服務︰離晒大譜。

我們30幾人，等了整整三小時，才能食完餐飯？！話說我們騎兩小時的單車到達大美督，已飢腸轆轆。

因人多，而且其他餐廳已滿坐，所以便選擇入坐這間黑店。

13:10落單，我的奶茶13:45先到，我的青咖哩牛飯15:00先出現！到了15:45仍有朋友仔的炒烏冬未到！吹佢快D，佢答「廚房整緊」。

問幾時有飯食，竟然非常不負責任地講「廚房冇單」﹖！卸膊！原來港版陳水扁夫婦係大美督！各位小心。

小心。

我們連加一比足錢&冇講粗口回贈，是我們有家教，唔似佢地唔道歉仲要黑面。

黑店慎入！食物︰把 鬼！一個要等兩個鍾的青咖哩牛飯，仲以為佢要會整成九大簋出來。

原來只不過是想我們一碗咖哩汁配白飯，應該係想D客食飽就算。

碗中那4﹑5片牛肉，食落肚你可以話係豬都得！我朋友的紅咖哩牛更厲害，完全唔知係咩！雞又得，魚又得…仲要唔平﹗連加一﹗想問一句「憑咩收錢？﹗」總之，蠢人當道。

唉。

13人同行.叫野食野飲後等足十分鐘先黎得兩杯野飲.吹多幾吹先肯上幾個食品落單後半小時計.只黎齊全枱一半的食品.幾支可樂(就咁由雪櫃拎出黎就有果d)要等足半個鐘先肯拎黎我個公司三文治足足等左45分鐘先拎到黎~全枱前後追單追左十次以上waiter全是目無表情魂不附體咁~間野仲要勁貴~我果個就咁已經要成$42(出面一般咁樣食法$30一定有找添)一定唔會再幫襯!!!

泰鄉村茶座餐單提供泰國菜等推介美食位於大埔區，餐廳座位數80人均消費約$101-200，結賬可以用Visa,Master,現金。

您對於大埔餐廳「泰鄉村茶座」有何 comment？

泰鄉村茶座餐廳詳細資料：

• 泰鄉村茶座地址:
  大埔汀角路龍尾村27號A舖
  Mali-bu Thai, G/ F,27 A Lung Mei Chuen, Ting Kok Road, Tai Po
• 泰鄉村茶座電話:  
• 泰鄉村茶座價錢: $101-200
• 分類: 泰國菜
• 座位: 80
• 付款: Visa,Master,現金
• FB專頁: 泰鄉村茶座 Facebook

更多泰鄉村茶座相關資料:

• 泰鄉村茶座分店
• Youtube
• Facebook
• Twitter
• Google