羽田日本料理 大圍

羽田日本料理 評價 相片

假期積福街間間鋪都滿座難得呢間日本菜有位就入去試吓啦午餐選擇唔多、簡單食材囉例如：牛油粟米烏冬、蟹柳烏冬⋯⋯學生優惠價減10對學生黎講係抵食嘅不過又唔叫好平叫做同食個2餸車仔麵差唔多價錢但如果唔係打算食福米福麵的質素似乎呢間就唔係太啱心水拉麵、烏冬嚟到真係有種返回大Can時代食頹飯的感覺水準的確太過差劣湯底好咸，好似即食快餐的湯麵湯底味道餸就真係好少牛肉拉麵得3塊肥牛加幾粒粟米 最冇誠意係杯熱綠茶🍵一個塑膠杯放個茶包就係餐茶早知飲汽水🥤都係個句：想懷念食頹飯的日子先好揀呢度

行過見個門口幾企理就入去試吓，諗住食飽去踩單車，點知原來咁伏。

一行六人分別叫咗湯烏冬、撈烏冬、湯拉麵同壽喜燒，無一樣野合格。

值得一提係佢個味精湯底，同出前一丁個豬骨湯味精粉一模一樣。

個烏冬係街市買$1包嗰隻，個餐成本max $5。

唔好食、店員態度差、價錢唔合理，一次過滿足曬你三個願望！！！從來無食過咁難食嘅日本菜，佢令我發現原來學校canteen都唔算好差。

如果你想入呢間餐廳，建議你入7仔淥個杯麵好過如果有得揀負分我會俾負100分

某閑日踏完單車後到大圍覓食，想食日本菜，就隨便選了這間餐廳。

晚市定食價錢以日本菜來說算是平易，兩個人各點了一份火焰三色魚生丼和一份牛肉壽喜鍋，小食配一隻芝麻雞翼及一塊花之戀壽司。

雖然價錢尚算平易，但份量很小碗，女仔吃剛好夠飽，但男仔吃的話份量略嫌不足。

火焰三色魚生丼賣相很吸引，三文魚和帶子都沒有腥味，很好吃。

牛肉壽喜鍋味道不錯，甜甜的，材料也很豐富，牛肉份量適中，配有一隻温泉蛋，挺好吃。

芝麻雞翼炸很很脆，有芝麻味。

花之戀壽司不腥，很大塊。

兩個人總共吃了$188，少貴，但味道不錯，幣在份量比較少。

為咗開解朋友，特登搵咗間比較安靜既日本餐廳，結果竟然有驚喜，估唔到大圍內街都有水準唔錯既日本嘢。

由於唔算晚餐繁忙時段，唔洗點等就入到去，惟一要留意既係，因為食物都係即叫即整，需要耐心等待美食。

老老實實，第一眼見到個價錢可能係覺得少少貴，留意番以前有食開元氣的話，其實大家差不多，水準味道服務拋開幾條街，自己決定啦。

食物方便，刺身同炸物好食三文魚腩：超肥美厚身海膽手卷：新鮮海膽，食到底都有大坂餃子：細細粒好易食，小心燙口串燒牛脷：軟焾焾到唔似食緊脷，好食芥辣8爪魚壽司：一般，芥辣味唔重特大生蠔：第一轉大大隻，飽滿多汁，但追加第二轉就比較細隻同好咸赤貝刺身：連殻上，視覺滿分🙉鮮味十足鹽燒沙甸魚（需要20分鐘），好好食，連唔食熟魚既朋友都食剩條骨鹽燒雞腎：燒到啱啱好，好嫩好香店內提供日本產既日本酒，朋友大愛

今日係第一次黎食呢間日本菜，係睇到佢哋個Menu有手打烏冬所以就揀左入去晚餐🤣我地兩個人總共叫左3樣野，分別係煎軟骨餃子、壽喜燒豚肉手打烏冬同埋軟殼蟹牛油果沙律🤤🤤個沙律比我想像大份，好夠兩個人食，身為牛油果愛好者好難抗拒👍🏻另外要講既就係佢地個鍋物手打烏冬好好味，夠熱個味又啱啱好，唔會太甜或者太鹹☺️個煎餃子係新鮮整，所以食落去既時候夠晒熱辣辣，點埋佢地個醋，正！兩個人叫左三樣野，好夠飽，埋單293，有點小貴😎

羽田日本料理餐單提供日本菜等推介美食位於大圍區，餐廳座位數未知人均消費約$101-200，結賬可以用AlipayHK,支付寶，Booking訂位可以電話致電 26020528 查詢。

您對於大圍餐廳「羽田日本料理」有何 comment？

羽田日本料理餐廳詳細資料：

• 羽田日本料理地址:
  大圍積福街78號地舖
  Haneda Nihon Ryori, 78 Chik Fuk Street, Tai Wai, Tai Wai
• 羽田日本料理電話: 26020528
• 羽田日本料理價錢: $101-200
• 分類: 日本菜
• 座位: 未知
• 付款: AlipayHK,支付寶
• FB專頁: 羽田日本料理 Facebook

更多羽田日本料理相關資料:

• 羽田日本料理分店
• Youtube
• Facebook
• Twitter
• Google