喜滿樓菜館 土瓜灣

喜滿樓菜館 評價 相片

好耐冇同屋企人食飯，梗係要整返場海鮮大餐啦一早book左位就唔洗驚要等，呵呵。

椒鹽南非鮑魚 一上枱，大家都忍唔住嘩左聲D鮑魚都係大大隻，而且食落去仲脆卜卜 ，雖然有d熱氣，不過冇所謂啦花雕蛋白蒸花蟹望到就知幾抵食D蟹嘅鮮味入左蛋白度，好似啖啖都食整蟹咁。

豉汁蒸鱔啖啖肉嘅鱔，見到我屋企人食到好滋味，不過我就麻麻地魚嘅，就不多評論喇蒜蓉粉絲蒸扇貝大愛e個餸本身就好鐘意食蒜蓉同扇貝，雖然冇影到，但粒粒扇貝都好肥美飽滿，好新鮮嘅感覺！欖菜肉鬆炒涼瓜哈哈，叫左咁多肉，梗係整返d菜中和返，涼瓜仲可以清熱氣~最尾再整個冰糖燉雪耳潤一潤正！

常常說，舊區有驚喜，這間小炒絕對是一個大驚喜。

一行六人，點了幾個小菜，食得岀廚師的功夫。

芝麻雞，皮脆到好似薯片咁，而肉質滑溜。

另一驚喜是黃金涼瓜，一咸一苦，炸得脆卜卜，咸蛋王正好balance 苦溺味，佐酒一流。

砵酒焗蠔大大隻，外面夠脆身，入面juicy。

䌫角骨惹味，東升班鮮嫩可口，點了其他小菜如小炒王丶椒鹽豆腐也夠鑊氣。

地方乾淨，服務態度殷勤，大眾化價錢，難怪坐無虛席。

家庭小店，食物有heart，值得推薦。

上星期五忍不住清茶淡飯，去了土瓜灣搵食，要泊得車又方便都是去喜滿樓，最緊要是衞生企理，食物有保證。

叫了芝麻雞，椒鹽鮮魷吊片雙拼，鳯尾鮮蝦球，芥末沙拉骨，黃金桶蠔及翠塘豆腐。

椒鹽鮮魷加吊片新口味食法，食齊兩種魷魚。

首選是黃金桶蠔，鹹蛋黃味唔錯，桶蠔炸過。

其次是芝麻雞，做得招牌菜唔會衰，今次食更多了一個自家製辣麻醬，令到芝麻雞生色不少。

翠塘豆腐就太水，食唔慣，比花甲蒸滑蛋差。

鳯尾鮮蝦球用自家手打蝦膠，又新鮮又彈牙，包住隻鮮蝦，是今餐的最驚喜。

今年訂了土瓜灣高山道附近喜滿樓食提早食團年飯，上星期三全家12人去到這間新星食店。

我們點了9送1燉湯。

有黃金桶蠔、扇貝超大隻好好味及鮮味、上湯大蝦伊面、清蒸老虎斑、唔少得仲有招牌芝麻雞。

食物和服務質素很好，有水準和風味，我最愛是芝麻雞，獨特而花功夫製作，雖然我唔知道如何將芝麻蓋滿雞皮，只知道這才是皮脆肉鮮滑，非常好味。

黃金蠔好美味，外脆內多汁而且好大隻炸蠔。

今年團年飯家人都好滿意，下次買隻外賣芝麻雞返屋企加餸。

本人是蟹痴，什麽蟹都鍾意食，尤其是長腳蟹，來過喜滿樓三次都是為了食長腳蟹,，第一次是朋友生日，專登帶我地嚟食餐好嘅,雖然呢度環境係普通啲，但絕對唔好睇小呢度嘅的食物，雖然這𥚃長腳蟹要二百多元一斤，但這𥚃的蟹品種大隻，蟹肉更鮮甜，老板話長脚蟹來自阿拉斯加白令海峽，是最佳品種。

第一次凍食最鮮甜美味，最佳味覺享受。

第二次是花雕疍白蒸，蟹羔勁多，混在疍白一起食更是好味。

蟹水滲入了蛋白加上花雕味，味覺多重享受。

昨天再去喜滿樓食，今次是上湯長腳蟹伊面底，雖然有點浪費隻蟹，至少比龍蝦更便宜，下次都係凍食最好味。

另外還有好多唔錯嘅菜式，芝麻雞、咕噜肉、蜜椒鱔柳、椒鹽軟殼蟹等。

喜滿樓菜館餐單提供粵菜, 廣東, 火鍋, 海鮮, 雞煲, 中菜館, 咪嘥嘢食店等推介美食位於土瓜灣區，餐廳座位數100人均消費約$51-100，結賬可以用AlipayHK,支付寶,現金,微信支付,其他，Booking訂位可以電話致電 23331448 查詢。

您對於土瓜灣餐廳「喜滿樓菜館」有何 comment？

喜滿樓菜館餐廳詳細資料：

• 喜滿樓菜館地址:
  土瓜灣安徽街2號地舖
  喜滿樓菜館, G/ F,2 Anhui Street, To Kwa Wan
• 喜滿樓菜館電話: 23331448
• 喜滿樓菜館價錢: $51-100
• 分類: 粵菜, 廣東, 火鍋, 海鮮, 雞煲, 中菜館, 咪嘥嘢食店
• 座位: 100
• 付款: AlipayHK,支付寶,現金,微信支付,其他
• FB專頁: 喜滿樓菜館 Facebook

更多喜滿樓菜館相關資料:

• 喜滿樓菜館分店
• Youtube
• Facebook
• Twitter
• Google