味來車仔麵 土瓜灣

味來車仔麵 評價 相片

用心煮的車仔餸，款食多，服務有善，首推豬軟骨非常入味，瑞士雞冀⋯⋯好味的東西很多！我每次去也必食銀針粉，不是家家車仔麵檔也會提供，很有懷舊味道而且環境不擠迫，擺位有系統，給人井井有條的感覺。

以車仔麵這種平民化的速食歺來説，這家店的食物質素尚算不錯，值得推薦。

價錢方面豐儉由人，加飲品價錢也尚合理，不過不矢。

店內衞生程度達標。

😀☺️😍

小妺鍾意食車仔麵特意黎幫襯，鋪頭整齊乾淨，伙記有heart又nice...我叫咗三餸(豬頸肉丶墨魚春卷丶蘿蔔)+油麵，d餸好好味😋可惜湯d味精令我大半日都口渴😣😖希望佢地可以改善避免 用/減少 味精‼️我期待下次再去會有驚喜😉

自從多了來高山劇場看節目，到附近搵食已經成為看節目前的指定樂趣！昨晚比較特別，一晚連續去 2 間食肆：味來車仔麵、北京水餃 ！！經過這家車仔麵店，之前無試過，再 search Open Rice, 見食評好好哦 ！我說服老公入去試下啦 ！地方不大但裝修簡潔，座位不多，幾位年輕人主理！印象不錯！車仔麵來講，餸菜選擇都好多，我點了 3 餸 (魚腐、豬紅、墨魚春卷) + 蘿蔔，青湯底， $33，按其中一個食評好介紹，再點了 炸燒賣 6 粒 $12 = $45；老公點了粗麵 3 餸， 牛腩汁 $35。

我碗很快就到, 唔係清湯，湯底係白色既，味精味太濃 、太濃！3 塊蘿蔔不錯，唔老，幾嫩！豬紅 4 粒，都 OK 既。

但 2 件所謂魚腐，完全無魚味、無豆腐味，只有味精；2 件墨魚春卷同魚腐一樣，都係味精！！更搞笑，食 2 口，發現中間唔熱，炸唔透，吐咗出來 ！實在忍唔住喇！禮貌跟那位侍應小姐講，急凍食品，要炸透先好俾客人，咁樣唔衛生 ！她都禮貌回應：唔好意思！然後跟廚房話：炸唔透呀 ！那 6 粒炸燒賣，味道和口感跟那魚腐及“墨魚” 春卷無分別 ？我勉強食了一粒，叫老公都挨義氣試一粒，結果唔大家都無再食，剩低 4 粒 ！！！講真，價錢一 D 都唔貴，除了蘿蔔，豬紅食得落，魚腐、春卷、燒賣全都是急凍工場食品！ 除了味精, 還是味精！未食完，我跟老公，你眼望我眼，15 分鐘都唔夠，草草就埋單走人 ！講真，$80 一點都唔貴, 但急凍工場食品，加上味精湯，完全搵唔到再惠顧既理由 ！滿口味精，馬上再去附近之前食過既北京水餃店，再分別食一碗牛肉麵及一碗菜肉餛飩！一比之下，差不多的價錢，手工做既食品跟急凍工場食品，質量真係高下立見 ！來高山劇場幾次，試過壹點甜既點心、北京水餃店既牛肉麵和水餃都非常滿意！難怪 2 家店食客絡繹不絕！成功非偶然！被這家食店既食評欺騙咗！失望 ！！唔好意思，試一次就唔想再來惠顧 😅唔忍心俾 POOR！俾 OK 只因為支持年輕人 ！就算工場食品，都可以選購一些優質一些，這些太 junk food !

第一次寫食評，價錢平，味道好，唔hea做，你食過都會忍唔住讚。

招牌豬頸肉，比出面泰式食店整得更出色，食到我懷疑呢餐係咪有隱藏收費，唔係點會咁平。

墨魚春卷，有墨魚味，你仲想點。

32蚊有3餸。

。

香港人穩食艱難呀。

首次來食車仔麵，好食湯很好味，濃而不膩冬菇煮的時間夠，很入味推薦！菜式多，上菜快，地方衛生整潔特式路邊的景色，很有小店風味！試了越式春卷，即叫即整，熱「辣」「辣」，配上泰式酸辣醬值得一試

味來車仔麵餐單提供港式, 車仔麵等推介美食位於土瓜灣區，餐廳座位數未知人均消費約$50以下，結賬可以用AlipayHK,支付寶,現金,微信支付，Booking訂位可以電話致電 51124655 查詢。

您對於土瓜灣餐廳「味來車仔麵」有何 comment？

味來車仔麵餐廳詳細資料：

• 味來車仔麵地址:
  土瓜灣馬頭圍道292號華安閣地下A號舖
  味來車仔麵, Shop A, G/ F, Wah On Court,292 Ma Tau Wai Road, To Kwa Wan
• 味來車仔麵電話: 51124655
• 味來車仔麵價錢: $50以下
• 分類: 港式, 車仔麵
• 座位: 未知
• 付款: AlipayHK,支付寶,現金,微信支付
• FB專頁: 味來車仔麵 Facebook

更多味來車仔麵相關資料:

• 味來車仔麵分店
• Youtube
• Facebook
• Twitter
• Google