煊記 半山

煊記 評價 相片

去聖約翰總部上急救班，響正呢個山旮旯嘅地方，晏晝食飯確是一個問題。

幸好有同學指點，可以行返落去堅尼地道買飯盒，已經唔在意好唔好食，姑且一試。

小店極唔起眼，好容易行過咗都唔知。

店舖雖小，但飯盒種類都唔少，都有大約10個飯畀客人揀。

買咗個「咖喱牛腩飯」 ，唔係快餐店啲啲稠撻撻黃琴琴嘅汁，而係用印尼咖喱，有種清香味道。

牛腩炆得夠焾，連薯仔都入味，因為佢哋唔會好似出面啲餐廳切得好大件，於是啲味就入哂牛腩同薯仔度。

再望隔離兩個同學仔個飯，賣相都唔錯，佢哋都話好好食。

最值得一讚嘅係，食咗個飯盒之後，去到下晝都唔口渴，無話要成日飲水。

下次再嚟恐怕都係三年後，但絕對推介畀所有要去聖約翰總部上堂而要晏晝搵食嘅同學仔。

P.S.：收錢嘅婆婆都好好。

無聊的中午, 捉左個同事陪我行上堅尼地道, 買飯盒. 他亦笑我, 行鬼死咁遠為個飯盒....OR對你的改變又真係幾大. 行上堅尼地道, 其實比起行去灣仔仲近, 只不過因為要上山, 令人錯覺路遠而已. 到達後, 今次不用揀, 直指煊記, 因為未食過. 午市, 供應兩餸飯, 有扒類, 中式餸菜, 及 一些快餐店既漢堡扒等等. 我叫了一個梅菜肉餅, 不兩溝了, 一味餸夠我食, 換來, 是兩份肉餅. 同事的豬柳漢堡扒加上雞扒. 盒大大個, 同事笑說, 同我以前的中學既學生餐一模一樣. 想真, 這三間外賣店, 最主要都係班學生客.只說我的梅菜肉餅吧, 非常家庭式, 雖是一大盤蒸起, 但沒有味精不多鹽, 十足十屋企食飯既梅菜豬肉一樣. 我要求多加豉油汁, 加了之後老婆婆叫道, 夠啦, 太咸架啦, 可見得老人家的細心.行返落山, 用少於半小時, 飯盒依然是熱的. 這三間老字號, 真的值得金鐘人行上黎買飯盒走. 如在Citybank, ICBC, BOC 上班的, 更加要. 仲有一間成景, 最快下星期, 再上多一次堅尼地道.

煊記餐單提供港式, 外賣店等推介美食位於半山區，餐廳座位數未知人均消費約$50以下，結賬可以用現金。

您對於半山餐廳「煊記」有何 comment？

煊記餐廳詳細資料：

• 煊記地址:
  半山堅尼地道4號
  煊記, 4 Kennedy Road, Mid- Levels
• 煊記電話:  
• 煊記價錢: $50以下
• 分類: 港式, 外賣店
• 座位: 未知
• 付款: 現金
• FB專頁: 煊記 Facebook

更多煊記相關資料:

• 煊記分店
• Youtube
• Facebook
• Twitter
• Google