明愛餐廳 半山

明愛餐廳 評價 相片

聖誕節快到，其實發現個個人的生活都與教堂有些連結，好多人可能沒有受洗，但小時後可能去參加過主日學或是曾經使用過教會學校內的教育設施。

今日與朋友在聖誕節前夕，來感受主的愛與喜悅，尤其在2020這個奇特的年份裡，如今可以日常、健康的與朋友相約見面，都得份外感恩知足。

今日點了一份主廚推介套餐為冬菇雞肉燴飯，冬菇香氣濃郁且多多汁雞肉滑嫩、海底椰排骨燉湯，清爽不膩，煲湯鮮甜，亦使用紫砂鍋將鮮甜鎖住，另外還有一杯熱飲鐵觀音，超值推薦，只要55元，好味超值，推推

聖誕節🎄中環晏晝周圍嘅餐廳好多人排隊，明愛餐廳就冇乜人，可能冇乜人知依間餐廳，半山堅道，隔離香港天主教聖母無原罪主教座堂，食完可以參觀下⋯⋯我叫左聖誕燒釀火雞set lunch($129.8)，我個frd叫左西冷牛扒配黑椒汁set lunch($129.8)，另一個frd叫左紐西蘭雪魚柳配白酒甜椒忌廉汁set lunch($118.8)，價錢已加一，三個都係配意粉。

未講食物之前，依度環境幾好，半山區，恬靜，加上無乜人，靜靜地享受個聖誕節lunch⋯⋯聖誕燒釀火雞set lunch($129.8)價錢係中環半山黎講唔算貴，比起其他餐廳類似食物算平💸，加上仲要係聖誕節前夕🎄。

點餐後好快有頭盤包同叫咗田園沙律🥗，係薯仔菠蘿沙律，我覺得普通，其他frd話好食。

跟住到主菜，我個火雞有三塊，唔算薄，火雞正常都會有啲”鞋”，但依個食落去唔係好覺，意粉一夾就斷同埋有啲凍，本身煮耐左少少，配菜都好食，整體來講唔差，色香味俱全。

我試咗少少西冷同魚柳，西冷唔”銀”，但嫌汁太少，大概78成熟左右，我個frd落單無講幾成熟，食落去西冷有啲似平價野，但味道唔差。

魚柳有煎過，幾香，不過食落去有少少”鞋”，整體來講唔差。

最後仲有個甜品同咖啡或茶，甜品係花生糯米糍，皮薄餡靚，我配左熱奶茶，吹下水，享受下聖誕節前夕set lunch⋯⋯三個黎講我會推薦火雞，一來味道比其他兩個好，二來聖誕節梗係食火雞啦。

留意番依間明愛餐廳唔做晚市，每日都係15:00收鋪。

唔熟中環半山依度可能有啲難搵，不過勝在環境幾好，同埋最緊要唔使排長龍都食到個好食嘅lunch，仲可以食完去埋隔離座教堂⋯⋯

係附近上班，lunch time周圍搵野食，搵到咗呢間比較隱蔽的餐廳，人唔多就係呢度食了，點咗羅宋湯和西冷牛扒配黑椒汁，羅宋湯酸酸甜甜的挺開胃，牛扒食落口感一般般，五成熟的肉質好嫩但是筋位比較多，好影響口感，個黑椒汁小辣搭配一齊食唔錯。

最後仲有個甜品。

打工仔搵「食」艱難，尤其是中環嘅打工仔，閒閒哋食個lunch都要成百蚊😿但勝在選擇夠多，中菜西餐應有盡有。

但如果好似我呢啲喺半山嘅朋友，真係揀都無得你揀😂 有一日，同事好似發現新大陸咁同我講，原來堅道明愛大廈入面，有間隱世嘅明愛餐廳！我諗好多人都同我一樣，只知道明愛係一間NGO，而唔知道明愛係有餐廳嘅！就係咁，我哋兩個就一齊嚟到明愛餐廳探秘👀餐廳喺大廈3樓，唔係地舖，所以食客唔算多，唔會好嘈冤巴閉，方便同同事食飯、午餐會、朋友聚腳談心😍我揀咗限量供應嘅西冷牛扒配黑椒汁（$118加一），首先上餐湯同餐包，餐湯係曼哈頓海鮮周打湯，味道唔錯，而且真係好多料，所以飲完餐湯加食埋個包，已經飽飽哋喇😂之後上主菜，個牛扒賣相ok，不過黑椒汁都幾辣，有啲後悔落order嗰陣無轉汁...肉質方面，對得住價錢，係有啲位比較多筋，但整體嚟講都算唔錯了👍同事就叫咗意式海鮮寬條麵（$98加一），佢俾咗啲我試，我覺得好食過我嗰個😂 佢啲汁好高質，唔似一般餐廳嗰啲得個酸字，所以都幾開胃，而且仲有大大隻青口、大大隻蝦😋 真心覺得好抵食👍 同事都話味道唔錯，但啲蝦嘅質感略嫌太爽，呢點有啲扣分~食完個主菜，我哋兩個都飽到上心口，原來仲有個跟餐甜品－－咖啡味Mousse，雖然已經好飽，但食落唔會好膩，三兩啖又食咗落肚😂整體而言，明愛餐廳係值得推介嘅，如果大家都喺半山打工，不妨一試👍

筆者和太座 , 在 香港島半山堅道 的 明愛大廈 參加完 "生態靈修" 的宗教活動後，便決定舊地重遊，在此 明愛餐廳 吃午膳 ~ Menu ~四旬期的期間，餐廳把餐包改為 “Hot Cross Bun”, 這種包是世界各地多數 天主教徒 在四旬期和復活期 都會吃的包 (可惜在香港很難找得到) 味道甜甜的 , 很好吃 ~羅宋湯依然美味，酸甜味道平均，湯內雜菜亦多 ~主菜點了 紅酒燴雞，飯餸各分兩碟，沒有想過竟然會是燴雞比白飯還要多 , 紅酒燴雞的質感濃稠 , 味道其實就比較像薯仔炆雞 , 只是多了一點紅酒味 , 雞肉和薯仔都入味 ~餐茶 : 筆者點了 凍檸茶 , 味道一般般不過不失 ~最後送上甜品 咖啡奶凍 ~全份午餐4個 course 在加上加一服務費前都是 $98 , 可謂價廉味美 , 超值 ~PS : 明愛餐廳 分為兩個部分 , 一部分是 "快餐部" , 另一部分是 "餐廳" ; 兩邊的運作模式 , 食物種類以及服務都有所分別的 , 當日筆者和太座用餐的地方是 "餐廳部 ~本篇完 ~

明愛餐廳餐單提供西式, 點心, 中菜館, 酒樓等推介美食位於半山區，餐廳座位數60人均消費約$51-100，結賬可以用Visa,Master,現金，Booking訂位可以電話致電 35892254 查詢。

您對於半山餐廳「明愛餐廳」有何 comment？

明愛餐廳餐廳詳細資料：

• 明愛餐廳地址:
  半山堅道2號明愛大廈3樓
  Caritas Restaurant, 3/ F, Caritas House,2 Caine Road, Mid- Levels
• 明愛餐廳電話: 35892254
• 明愛餐廳價錢: $51-100
• 分類: 西式, 點心, 中菜館, 酒樓
• 座位: 60
• 付款: Visa,Master,現金
• FB專頁: 明愛餐廳 Facebook

更多明愛餐廳相關資料:

• 明愛餐廳分店
• Youtube
• Facebook
• Twitter
• Google