齊柏林熱狗店 (宏暉大廈) 北角

齊柏林熱狗店 (宏暉大廈) 評價 相片

聽到齊柏林第一下就會諗到熱狗，冇諗過佢嘅炸雞條同埋nugget都好好味😍呢間齊柏林好近炮台山地鐵站，行幾分鐘就到好方便👍🏻全條街上邊都有好多其他食肆，可以每間都買少少外賣，跟住拎去東岸公園食，一大享受。

😆

應該唔係我要求太高，但係真係一般。

叫咗一個套餐，澳式風情熱狗（菠蘿、煙肉、千島醬、紐綸腸）+薯餅+可樂薯餅無得頂，絕對好食過牡丹樓。

係個熱狗：包烘得唔夠熱，點熱狗法🥲成個包係正餐，但唔熱，正如你食湯麵擺凍咗先上枱咁。

（真係好怕嘢食係暖嘅唔係熱辣辣）腸比想像中細，不過都ok嘅，唔會話同包嘅比例好唔夾。

面頭芝士有炙燒過，但燒唔溶嘅，芝士味唔出，唔香濃。

煙肉：無味，好似烚熟咁😂份量少，食到中段先出現菠蘿：罐頭菠蘿唔係問題，但係好濕。

又係淡矛矛，整個個包索哂又濕又淋。

千島醬：其實個味同配料好夾嘅，可惜加埋啱啱上面所講嘅所有因素，成個包都變得唔係好可取😮‍💨其實之前都係食佢哋炸嘅小食居多，熱狗係第一次試，估唔到都幾失望。

因為我食過另一間連鎖，真係好好食，我本身唔鍾意食包都俾佢驚艷到。

希望今次只係失手一次。

因為我覺得齊柏林其實好有心嘅一間食店，有好多定期Promotion、新產品，同聯乘合作，好滿足到市場需要。

或者有機會我會試吓其他分店其他款式，希望可以滿足到我嘅味蕾。

路經北角附近食完個唔太滿足既afternoon tea想再搵野zip 下牙la於是經過齊柏林就食個開心熱狗喇.嗌左個辣肉醬熱狗整緊時係出面等亦有三兩位外賣人等緊.一拎到即刻去隔離食下一打開個芝士真係好吸引一大pat 係度 絕不手軟加上一咬開啖啖肉醬麵包鬆軟熱狗腸又夠cover 成條包唔會食到一半係左d餡perfect.眼見佢一路都開唔同分店真係心感安慰即係有大眾認可佢既味道同模式.對於平曷鐘意食熱狗腸既我又多一個地方買喇

冇諗到一間熱狗鋪賣薯條咁好味喎我鍾意佢冇出面街咁係咁落鹽但炸皮又夠薄脆薯條又夠粗 食到裡面薯仔嘅軟軟糯糯香同啲醬好鬼死夾而且好大份一個細薯裝滿M記板燒雞包size嘅盒係咩料🤤😂😂最後食到勁飽 12蚊加配小食認真抵跟住隻狗不功不過有芝士有煙肉份量合理條腸jucy💦不過係即製嘅保證新鮮，都唔錯粟米就正正常常咁咪一個外賣紙杯，裝滿粟米，跟住有少少湯係底浸住有啲牛油香咁同埋佢間鋪播嘅歌幾啱聽等整嘅時候唔會悶❤️❤️

灣仔分店在幾個月前結業了，之前灣仔工作時，午餐都以用openrice訂餐，不過都要等3045分鐘，所以吃這間必需要學懂計好時間。

由於太多人幫襯，所以真的要自己管理好時間。

炮台山店正好在AIA後面，而只有外賣，這家店目前沒有openrice預訂，但有whatsapp提供落單服務。

所以當日選擇了晚餐試試炮台山新店的水準。

味道仍然是十分有水準，而份量也是很足夠。

其中一直令我愛上這家的熱狗一定是他們的薯條！！！價錢上比起附近的熱狗（Bxxxdog）、漢堡（☺☺☺☺☺）性價比都高很多很多！這次我叫的是士林原味熱狗，而之前在灣仔店食過的芝士熱狗都十分值得一試。

齊柏林熱狗店 (宏暉大廈)餐單提供西式, 外賣店, 小食店等推介美食位於北角區，餐廳座位數未知人均消費約$50以下，結賬可以用現金,八達通，Booking訂位可以電話致電 60156042 查詢。

您對於北角餐廳「齊柏林熱狗店 (宏暉大廈)」有何 comment？

齊柏林熱狗店 (宏暉大廈)餐廳詳細資料：

• 齊柏林熱狗店 (宏暉大廈)地址:
  北角炮台山宏安道2-12號宏暉大廈地下5號舖
  Zeppelin Hot Dog Shop (Wang Fai Mansion), Shop5, G/ F, Wang Fai Mansion,2-12 Wang On Road, North Point
• 齊柏林熱狗店 (宏暉大廈)電話: 60156042
• 齊柏林熱狗店 (宏暉大廈)價錢: $50以下
• 分類: 西式, 外賣店, 小食店
• 座位: 未知
• 付款: 現金,八達通
• FB專頁: 齊柏林熱狗店 (宏暉大廈) Facebook

更多齊柏林熱狗店 (宏暉大廈)相關資料:

• 齊柏林熱狗店 (宏暉大廈)分店
• Youtube
• Facebook
• Twitter
• Google