閨•家 北角

閨•家 評價 相片

"閨家"嘅屯門分店比popo同正苦借「投訴」之故, 不斷騷擾, 搞到無奈結業, 當然要身體力行去炮台山分店支持一下!💪🏻呢間良心小店名符其實, 食落真係好有家的感覺, 又主張唔落味精👍🏻出名招牌豬扒飯, 有豬扒2塊thanks! 😂但第1次黎梗係試多d😌, 點左"蓮藕餅豬扒飯", 仲包埋抗疫老火湯, 竟然50蚊都唔洗, 實在太過份😦😦, 大家真係要夾手夾腳多d去懲罰下佢先得!🙏🏻🙏🏻🙏🏻當日老火湯係蓮藕章魚煲排骨湯, 原來呢到老火湯都係用慢火熬製4個鐘以上, 好用心呀!😳飲落好清甜又唔淡, 唔似平價茶記一係加勁多水變到好淡, 一係就勁多味精, 好似呀媽煲開嘅味道XD😆豬扒好大塊鬆軟, 店主用鮮梨汁同埋秘製醬汁醃過夜, 取代砂糖、梳打粉同味精, 入口有果香好惹味, 必食呀!🤤🤤配菜有薑蓉同雪菜, 同豬扒汁, 撈埋飯食勁夾, 食到一半見到有人點餐時可以叫多汁, 部份飯有煮得比較淋唔平均, 大家有機會去食都記得叫多汁, 用黎撈飯更好!🤨而蓮藕餅幾爽脆, 蓮藕肉量好足, 唔會太煎得太過, 調味亦岩岩好, 但就有少少油膩, 呢到仲有製手工麵, 下次再黎試埋先~P.S: 午餐時段, 任何飯類會送上一碗老火靚湯, 星期一至日都會唔同, 而大家可以揀單點大盎 ($28), 醫護人員同學生就免費, 比佢地淨係黎飲碗湯就走都得💛 不過餐廳真係求下你要加價/ 收貼士啦，港島區租金都唔平嫁😣

2020年3月16日。

晴。

炮台山。

呢日屋企冇飯食，放工就同同事一齊喺附近搵食喇～撳下撳下見到呢間黃店，就食佢喇！一坐落店員就好貼心咁擺低兩個抗疫信封畀我哋～～見到仲有酒精搓手液添～餐廳入面牆身畫咗好夢幻嘅獨角獸～啲凳仲要係粉紅色，成個風格好少女～餐牌最引人注目就係呢個招牌豬扒系列～見到都流晒口水！仲要有湯送～供應時間係11am至2am！換言之即係全日供應咁濟！晚餐都只係$45，呢個時勢真係買少見少！另一樣引人注目嘅就係呢個色彩繽紛嘅手工麵～嗌飯餐嘅話會有湯送，仲要每日轉款！！！凍檸茶，跟餐+$5可能太耐冇飲凍檸茶喇～覺得好好飲～凍奶茶，跟餐+$5同事嗌嘅凍奶茶，都唔錯咁喎～抗疫老火湯，跟餐免費有湯飲～星期一係青欖、青蘿蔔、杏汁同豬展介紹度寫嘅功效係青欖利咽生津解毒，杏汁止咳平喘好啱呢排飲呀！！仲要係不含味精！健康好味～蠔油生菜，跟餐+$10除咗生菜仲可以揀菜心唔鍾意蠔油又可以揀豉油～蓮藕餅豬扒飯，$48飯量非常多，最後食唔晒。

。

早知叫少飯喇，唔好浪費～有一塊藕餅同一塊招牌豬扒～藕餅睇落平平無奇，食落喜出望外！口感有層次，蓮藕嘅質感爽脆，但又未去到食落嗦嗦聲嘅地步同肉碎撈埋整成肉餅，煎完之後好香口，調味亦好好，非常推薦藕餅～同事唔係特別鍾意蓮藕，但都試咗少少，結果都話好味！招牌豬扒更加出色！首先豬扒嘅調味好特別，喺未食過嘅味道～睇番menu先知，原來豬扒用咗鮮搾果汁去醃，用嚟取代砂糖、梳打粉同味精仲要醃成日先再即叫即煎，唔怪得食落會有果香！真係好值得一試！炸饅頭，$18小食都有成版可以揀～炸饅頭係童年嘅回憶～見到緊係要食喇！口水雞手工菠菜麵，$45呢個係同事嗌嘅，問佢個菠菜麵如何佢就話個麵好好味，質感好特別，麵質爽口我諗都係要自己食先可以領略佢嘅特別之處～下次親自食！口水雞個醬嘅麻辣做得唔錯！辣得幾過癮，呵呵～

前幾日我同女朋友不停發掘有咩新嘅良心小店可以食 又唔想成日係公司附近食 之後比我地搵到呢間距離OK 又未食過嘅 今日見收工得閒即刻去試吓先🙈餐廳喺炮台山地鐵站出會近啲入到去餐廳有好多得意嘅擺設 同埋裝修好有少女心🙈呢度有好多唔同嘅港式菜式！最緊要係佢仲有好迎合時勢嘅抗疫老火湯添阿！希望飲完可以強身健體啦💪🏻•咖喱牛腩飯🥩🍚•我首先就叫咗個自己勁鍾意食嘅咖喱牛腩飯！呢度嘅咖喱牛腩飯椰汁味好重 而且份量仲好足添阿！🙈而佢嘅牛腩就炆得好入味 每一舊一咬就鬆開🥰•五指毛桃煲雞老火湯🥘🔥•呢度每個套餐都會有送一個老火湯 好抵阿！而且每日都唔同架！👍🏻雖然套餐嘅係細細盅 但材料一啲都唔孤寒！•麻辣雞腎🐔•之後我哋仲叫咗一個小食！呢個雞腎少少辣多多麻 辣得嚟仲好開胃添阿 而且仲好爽口🤤•凍檸蜜🍋🍯•食咗咁多嘢最後嗌番杯凍檸蜜消下膩先☺️大大杯檸檬味同蜜糖都好👍🏻.呢間小店咁貼心 梗係要支持下啦！🙈

今日同媽媽食下午茶，這間香港人小店有驚喜！支持黃色經濟圈在炮台山附近，地方不是好大，但環境設計得好靚好用心，手繪的獨角馬及城堡的牆畫好少女感覺，主色是粉紅色及白色，好舒服又優雅的；座位舒適又可以慢慢食慢慢坐；播放著輕鬆的音樂，好寫意餐牌的圖畫好吸引，有招牌豬扒飯、咖哩、三色手工麵、多士、三文治，更有自家煲的湯水，每日不同款式更有抵食早午餐，今日我們品嚐了下午茶餐！1. 招牌豬扒甘筍麵招牌豬扒超級軟腍香口，原來是師傅每塊手搥，用以鮮果汁及醃料製作，用心又美味又健康，配有香口微辣的雪菜，非常惹味；甘筍麵更是香軟又份量多，加入蔬菜更健康及有維他命A，推介！2. 秘製南乳炆豬手紫薯麵這個豬手好入味，炆得好腍，啖啖骨膠原好香好滑，配有粒粒炆花生又健康；紫薯麵也好好味，香軟又賣相靚，正喔3. 飲品熱奶茶香滑又茶奶份量調配得好好，可以不用加糖，好飲；菜蜜又滋潤又不會太甜，好適合這個天氣下次一定要試試這裡的自家湯水，足料又健康

今日去北角交收口罩, 食個lunch先, 就睇睇炮台山站出口對面嘅細街. 俾一間好fancy pink pink嘅餐廳吸引左, “閨•家”咪就係之前喺屯門食過嘅？入去先. >最近嘅肺炎令我變左驚弓之鳥, 特別留意啲地方夠唔夠乾淨, 見到枱櫈同冷氣出風位各樣都好乾淨. 餐牌同屯門一樣, 梗係食my favourite咖哩牛腩飯啦.>咖哩牛腩飯 (HKD48)咖哩好香濃, 牛腩有成4大件, 紅蘿蔔, 薯仔夠腍又入味, 掛滿汁嘅牛腩輕輕一咬就食得, 4件都咁靚咁好味, 我request中辣嘅咖哩, 辣度合唒我”(何車)合尺”呀, 有刺激口感, 咖啡濃稠感perfect. 食完唔會口渴, 因為店家出品完全無落味精👍🏻.>好味蓮藕湯 (送ga)食飯送湯夠唒warm, 味道更是驚喜, 蓮藕.... 紅蘿蔔.... 花生....煲起湯頭非常清甜, 仲要熱辣辣暖笠笠送到, 咪就係媽咪嘅靚湯味道啊❤️.>熱朱古力 (+HKD5)跟餐飲好多選擇, 今日凍凍地一於來杯熱朱古力.>附近有間幼稚園, 更加想推薦俾一眾媽咪湊放學後黎tea一tea, 無味精之餘又多選擇嘅下午茶餐, 坐得又舒服, 小朋友實鍾意😀.

閨•家餐單提供港式, 粉麵, 米線, 茶餐廳, 冰室等推介美食位於北角區，餐廳座位數未知人均消費約$50以下，結賬可以用現金，Booking訂位可以電話致電 56661316 查詢。

您對於北角餐廳「閨•家」有何 comment？

閨•家餐廳詳細資料：

• 閨•家地址:
  北角蜆殻街6-16號寶榮大廈地下F號舖
  Homie Food & Dessert, Shop F, G/ F, Po Wing Building,6-16 Shell Street, North Point
• 閨•家電話: 56661316
• 閨•家價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 閨•家 Facebook

更多閨•家相關資料:

• 閨•家分店
• Youtube
• Facebook
• Twitter
• Google