精點茶餐廳 北角

精點茶餐廳 評價 相片

呢度無啦啦有間茶餐廳，咁巴士站附近都有好多司機食既。

原來呢度以前係有西餐的，如果而家仲有就好了。

我地叫左ｄ普通野：煙肉煎蛋飯，本來以為係加ｄ煙肉落ｄ蛋度煎，原來係各有各上，冇乜驚喜。

另外仲叫左個菜心斑塊，都幾多送下，落足料。

呢個餐係跟湯既，但ｄ湯比較稀，冇七姊妹道ｄ茶記好味，但都有ｄ明星食，例如許冠英。

之前見食評西餐幾好，加上住附近，所以去左食。

位置有d偏，不過唔緊要，記左位置。

入到去，有卡位，又夠高，岩哂情侶，見到無西餐menu，以為入錯舖，不過睇留依度先知無左，只怪自己無做好功課。

且當佢係一間茶餐廳，照食可也。

食物真係一般，椒鹽鮮魷非常燶，同炭一樣，肉餅我除左民聲都仲未搵到好過民聲既。

飯太水。

不過係平。

$38有湯有菜有飲品，仲想點﹖不過唔好攞西餐標準去judge。

正常既食物，有電視，service幾好，唔係成日有人行黎行去，而係佢會自動俾水俾匙你，唔好expect 太多。

okay la~

好多個月之前黎過精點食野，發覺d 西餐真係唔錯，絶對係誠意之作。

但今日，我竟然老點左我個friend .....主因係西餐大廚走左，搞到冇晒西餐食，得番中餐。

滿以為介紹d 好野比朋友，點知變左老點佢，真係...雖然西廚走左，不過都照食啦，叫左三個客飯，分別係牛肉粉絲煲、西蘭花班片同豆腐火(月南) ，以茶餐廳黎計算做不過不失啦

集會時間又是到精點, 是次我點的是藍芝士煙三文魚意粉, 雖然我不清楚它是不是藍芝士, 但是芝士濃烈的味精的確是不錯, 煙三文魚太瘦, 肉質帶鞋, 食味不太吸引, 加了點點磨菇的意粉味精不錯, 不過醬汁煮得太杰, 稠一點會好些吧!蒙牛的烤羊架賣相不錯, 可惜肉太少而且熟了點, 係喎, 現在才發現這兒點菜時, 凡是扒類都没有詢問客人要多熟的, 難怪每次都是煮得過熟吧!

之前朋友話呢到D西餐好好味，茶餐廳但有酒店水準，仲話好味到你唔信，叫我一定要試！前晚終於都試左，不過又唔係佢講到咁好，order左2個set dinner。

有Salad、湯、main course、甜品+餐飲朋友order大蝦牛柳+磨菇湯磨菇湯 味道都唔錯，磨菇攪爛哂，幾香！$ 78大蝦拼牛柳 大蝦，口感真係麻麻，”梅梅”地。

牛柳，茶餐廳來講都算幾好，肉質鬆軟，但唔係用鬆肉粉”拿”，但個汁濃左少少！我自己就叫左$ 98肉眼扒拼鵝肝+ 南瓜湯 南瓜湯，ok la！我覺得磨菇湯好飲D！肉眼扒，都係尚可，肉質都算鬆軟，都係個汁濃味左D，同埋個汁都係同牛柳一樣！我都算大膽，係茶餐廳叫鵝肝食，um….. 麻麻地，切得好薄，無乜口感，味道亦無乜鵝味，不過我知道比呢個錢唔可以要求咁多！甜品 Pancake，Sorry，但我真係要講，垃圾！！切既時候已經覺得硬，一咬落去，真係要吐返出黎！又凍又硬！咁無誠意，不如唔好送啦！

精點茶餐廳餐單提供多國菜, 茶餐廳, 冰室等推介美食位於北角區，餐廳座位數100人均消費約$50以下，結賬可以用現金。

您對於北角餐廳「精點茶餐廳」有何 comment？

精點茶餐廳餐廳詳細資料：

• 精點茶餐廳地址:
  北角渣華道196-202號地下
  Delicatessen Cafe, G/ F,196-202 Java Rd., North Point
• 精點茶餐廳電話:  
• 精點茶餐廳價錢: $50以下
• 分類: 多國菜, 茶餐廳, 冰室
• 座位: 100
• 付款: 現金
• FB專頁: 精點茶餐廳 Facebook

更多精點茶餐廳相關資料:

• 精點茶餐廳分店
• Youtube
• Facebook
• Twitter
• Google