無邊 北角

無邊 評價 相片

早幾日食lunch經過和富發現No boundary係北角呢頭開左分店!就約定左一班吃貨同事們去試試~~北角分店同荃灣個間好唔同🧐北角分店係全白既空間 牆身釘左好多唔同既物件同小玩具 全部都油左白色🎨雜不甩既野放埋一齊 幾得意! 我地4個都係叫lunch set 💁🏽‍♀️有是日濃湯 + 主菜 + 餐飲/ 套餐價加配其他飲品餐湯用4隻唔同既靚杯上🤩個日既餐湯係💁🏽‍♀️ 南瓜薯仔湯南瓜味道唔重 食到有少少薯蓉同事覺得好似食緊細個個食過個種即沖薯蓉! 🤭 主菜💁🏽‍♀️白汁雞柳野菌意大利飯 配香煎煙肉 ($88)兩大塊煙肉交叉咁擺🥓 擺盤好靚!加埋雲石碟 賣相100分👍🏽上枱個刻 我地就聞到強烈既濃芝士味道 食落去都係! 🧀🧀🧀同事表示意大利飯偏鹹 唔係白汁🤔 係芝士汁將煙肉同意大利飯一齊食 煙肉既味道會冇左😐jam左一啖既我就覺得意大利飯幾軟身 芝士味係真係幾重既! 蟹肉沙律牛乳炒蛋 法式牛角包 配薯條/沙律 ($88) 本來以為d配料係分開咁上 但原來係塞哂入去架!🍳炒蛋份量幾多 厚身但炒得幾嫩!🥐牛角包酥脆 不錯~~🍟薯條係連皮手切既 幾香脆! 🥗沙律既菜都幾新鮮 配大大兜芝麻沙律醬 一定唔會唔夠點! 免費既餐飲其中一款係Lemonade🍋燈泡杯打卡一流😆味道酸甜度適中~~鍾意飲咖啡既同事加左錢試下呢度既咖啡Cappuccino (+$12)Hazelnut Latte (+$12) 同事們覺得後悔😕因為唔係手沖 而係似酒店入面有既個d咖啡機禁出黎🙈咖啡泡泡太挺Hazelnut Latte係Latte加糖漿所以同事們一致對呢度既咖啡表示失望🙁總結一下💁🏽‍♀️可能因為無叫佢d signature dish 今次未試到一定會回頭既味道~~不過呢個時期 開兩間分店唔係易事大家一定要支持下! 💛

好開心和富道又有新黃店開左🤩。

咁啱老公今日下午可以WFH，所以立即約佢去No Boundary食lunch支持下佢哋! 未到門口重擔心要排隊等位，點知入到去只有一枱4人同一枱單丁一個。

啲枱擺得有啲窄，我pat pat大所以好勉強先攝到入去坐低。

餐廳眼見有3個菲律賓員工，一個係水吧，兩個係待應🙄。

我聽講CWB舖都有其他國藉員工，不過同時亦有香港人做呀head！坐低左緊係要四圍望下啲裝修，又真係好多白色頭盔同遮掛係牆做裝飾👏👏👏。

跟住視線移向水吧，點解個菲律賓姐姐無帶口罩嘅😨？佢重不斷同其他兩個員工傾計喎👀，我立即對佢哋扣左分😒。

所以我同老公決定唔叫飲品！睇番個lunch menu，都有幾多選擇。

最後老公叫左湯同卡邦尼意粉，我就叫左湯加菠菜雜菌意太利飯。

侍應姐姐好快就上左兩杯南瓜湯俾我哋，味道有啲咸但尚算可以接受🙈。

但估唔到唔駛一分鐘，我碟意大利飯就上枱，我連杯湯都未飲完喎😅，點解煮得咁快嘅？碟飯好重芝士味，中間有一隻唔大唔細嘅波特菇，賣相一啲都唔討好！第一啖食落去，😲點解碟意大利飯咁爛咁淋🤮，好似已經煮左好耐咁！我估計係單丁嗰枱都係叫波菜意大利飯又做多左，原因係我入門口時已經見佢枱面有碟綠色食物😑，所以我碟飯可以咁快到😶。

唉！我食左幾啖已經唔想再食，因為真心好難食😓。

過多幾分鐘輪到老公碟意粉上枱，同預期一樣，又係一碟見到都唔開胃嘅食物，好彩我老公唔太介意，佢最後都清左佢😆。

望返嗰水吧姐姐，依然無帶口罩🤬。

所以立即埋單走人，同帶住“無邊”的失望離開。

我可以好肯定講，今日會係我第一次同最後一次幫襯呢間北角“黃店”❌❌❌

好開心呀好開心呀北角終於有一間又舒服又乾淨又黃嘅新派Cafe本身呢諗住去銅鑼灣食下午茶嘅點知行過和富嗰邊突然間見到白色字大大隻心諗咁熟嘅原來係之前想去嗰間跟住即刻拉住朋友衝入去🤣🤣勁開心呀因為想去好耐嘅都想支持多啲黃店言歸正傳啦我哋就每人叫咗一樣嘢食同埋嘢飲不過佢禮拜六日冇一set（飲品平時跟餐平廿蚊左右）我哋叫咗個classic all day breakfast 4/5 ⭐️ 特別一提呢佢啲扁豆係炒過㗎如果個牛角包再大份少少就好啦😅沙律可以多番少少醋汁egg Benedict 4/5 ⭐️呢個簡直係堅！唔記得影切開流蛋醬啲相caramel chocolate 👍🏻👍🏻 3.5/5 （略嫌太甜🤣）下次會再來試意粉同埋飯！

Family of three, we dine every other week at No Boundary currently as there is always something new we want to try. The menu is very appealing, varied and unique. The shrimp risotto is divine, presentation of their specialty drinks always a surprise. The staff are young and quite new so service can be shaky but they are always accommodating and polite. Favorite neighborhood cafe at the moment.

今日咁啱喺北角行過，見到呢一間全個店舖都係以白色雲石為主嘅咖啡店。

睇到個Menu下午茶都幾實惠，可以揀一個Allday Breakfast 或者Carbonara，再加一杯嘢飲，都係$48😱😱 入面都唔少客，就去試一試😋環境好乾淨，D staff都好nice☺️ 自己一個叫左個Carbonara 加 Kiwi Fruit Tea💛 Carbonara味道唔錯，係面身比較乾身，如果可以再多d汁，少d芝士粉會更好。

Fruit Tea 好特別，D奇異果竟然係青綠色既😱 味道有少少甜，感覺唔錯🙂未必會再黎，不過好欣賞呢度既服務態度💛

無邊餐單提供多國菜, 漢堡包, All, Day, Breakfast, 咖啡店等推介美食位於北角區，餐廳座位數未知人均消費約$101-200，結賬可以用Visa,Master,現金,Apple,Pay,Google,Pay，Booking訂位可以電話致電 22690399 查詢。

您對於北角餐廳「無邊」有何 comment？

無邊餐廳詳細資料：

• 無邊地址:
  北角和富道92號地舖
  No Boundary, G/ F,92 Wharf Road, North Point
• 無邊電話: 22690399
• 無邊價錢: $101-200
• 分類: 多國菜, 漢堡包, All, Day, Breakfast, 咖啡店
• 座位: 未知
• 付款: Visa,Master,現金,Apple,Pay,Google,Pay
• FB專頁: 無邊 Facebook

更多無邊相關資料:

• 無邊分店
• Youtube
• Facebook
• Twitter
• Google