小南海 北角

小南海 評價 相片

今個冬天除左打邊爐之外 , 我地仲多左一個 target , 就係食雞煲喇 !!即使北角對我地黎講可以話無乜機會踏足 , 但因為有抵食團購o既關係就算遠 , 都要特意走黎一試 , 所以其實團購都有佢一定程度o既威力跟住電話 GPS o既指示 , 搵到七姊妹後 , 好快就見到小南海喇 ,門外張貼住介紹有辣有唔辣o既雞煲 , 仲有各式套餐o既菜牌店內可見 , 左手邊一排全是卡位 , 地方闊落 , 右邊係開放式米線檔團購二人餐只需 $ 128 , 唔使再另外比加一服務費 , 食完即鬆人o個隻套餐包括半隻雞 , 二份小食 , 四類丸/餃類 , 一份豆類同一份菜菌類仲包兩杯飲品 , 雖然每份都係僅供二人份量 , 但都幾夠飽算幾抵添1. 三杯酒雞煲~ 平時食重慶雞煲 , 少辣都總係太濃味 , 唔可以空口食太多 ,三杯酒顧名思義係加入左酒 , 食起上黎特別甜美 , 帶陣陣酒香配合紫洋蔥 , 青紅椒一齊滾 , 味道越食越甜 , 濃郁得黎唔會太咸雞肉嫩滑 , 事前因為已經爆香左 , 唔會滾到成煲雞油 , 加左湯都唔膩本身煲雞好多汁 , 我地各自不起左 d 汁黎用 , 加湯後都仍然好夠味 , 正 !!2. 麻辣墨魚頭~ 墨魚頭爽口彈牙 , 凍凍地咁好好食 , 不過個麻辣汁都幾辣下 @@"3. 甘香恐龍蛋~ 平時食開o個 d 係用蝦膠 , 呢個係用鯪魚肉 , 相對無咁有嚼口 ,不過都幾好味 , 外皮香口 , 皮蛋唔算靚 , 都無乜味 , 不過配合魚肉口感則外脆中層有彈性內心軟滑 , 加入泰式甜辣醬 , 味道十分配襯 4. 火鍋配料塔~ 丸類合格有餘 , 由其係墨魚丸 , 中間有好多墨魚粒 , 煙韌好味 韮菜餃同樣出色 , 皮薄餡靚 , 韮菜清甜爽口 , 絕不是平價貨雞脾菇斜切薄片上 , 可見白淨新鮮 , 炸枝竹份量十足 , 夠脆但唔夠鬆化 , 要浸到佢完全淋晒先好味 , 否則中間會有油益味5. 凍檸檬茶~ 跟餐飲品唔可以叫汔水 , 凍飲唔使加錢 , 檸茶過甜 , 檸片唔夠## 如果無團購o既 , 佢本身都有個二人雞煲餐 , 貴 $ 100無小食 , 但有較多火鍋配料 , 不過我覺得相對無咁抵食

這已經是我笫三次光顧，喜歡佢既雞煲夠惹味，雞肉嫩滑.𣎴同以前食既一味勁辣，呢度既雞煲趇滾越香，加上其他邊爐配料如韮菜餃，紅薯粉令人停不了口！值得一讚是伙記禮貌周到，不停為你加湯倒酒，令人食得舒服

團購瘋系列 – 天氣開始轉涼，很想吃些惹味火鍋之物，記得今年年初曾和老公試過 「台灣一品花雕雞」 的雞煲火鍋套餐，味道教人回味，本來很想去重溫，但近日從網站發現北角一家叫「小南海」的食店，竟然也有雞煲火鍋供應，而且二人晚餐只須 $128，便已包括雞煲一鍋、風味小吃、丸餃拼配、蔬菜、豆品及飲品，看來十分豐富，反正這間新食肆從沒光顧過，亦一試無妨，就決定買入一份套餐。

預約了中秋節當晚到訪，由於那天是公眾假期加上節日，本來還以為店裡定必會食客爆棚，誰知到埗後，竟發現原來二人是唯一的座上客，真令兩口子大吃一驚，也好，連節日都可包場，真走運。

原來座落於七姊妹道，即健威坊對面的「小南海」，門口十分狹窄，而且店裡地方不大，只有約三十來個座位，屬小本經營店舖，不過內裡設計尚算整齊雅緻、明亮俐落。

收過團購餐券後，服務員先查詢我倆想選重慶麻辣或是秘制三杯雞口味雞煲，原來據店員說，為顧及不嗜辣的食客，除麻辣外，食店還特別加設三杯酒以供選擇，就點客「秘制三杯雞煲」讓老公品嚐。

以一個大瓦鍋奉上的三杯雞煲，原來份量也不算少，足有半隻雞之多。

據悉雞隻是用上一杯米酒、一杯醬油和一杯砂糖，再加上適量麻油煮成的。

挾起雞件品嚐，肉質嫩滑，入口清甜兼富酒香，辣味非常溫和，相信連小朋友都啱食，而且雞件雖然焗得唔算乾身，但由於醬汁惹味開胃，伴著雞肉同吃，亦相當滋味，難怪老公說「小南海」的雞煲雖沒有「台灣一品花雕雞」出品般有雞味，但以價錢和質素相比，仍算經濟抵食。

至於風味小吃，原來店裡亦備有許多款式以供選擇，當中包括有麻辣墨魚頭、惹味蒜香骨、秘制香草雞翼、五香牛肉、麻辣牛肉、麻辣豬耳、口水雞、甘香恐龍蛋、尖椒皮蛋及刀拍青瓜，就交由老公拍板，點來了蒜香骨及香草雞翼。

一客 4件的惹味蒜香骨，色澤油潤金黃，而且入口滿是蒜片香氣，本來食味不俗，只可惜咬落骨多肉少，肉質帶韌，真吃得有點不是味兒；反而另一客秘制香草雞翼，不單軟嫩入味，吃來香草味濃，而且做得皮薄香脆，肉汁豐盈，真的要讚好。

吃過雞件及小吃後，店員隨即送上一客以三層架盛載的丸餃、蔬菜及豆品。

發覺近排食肆愛以三層架奉上食物，如灣仔的「愛吃家常便飯」，又一城內的「又一棧」等，以前不是只有英式下午茶才好此道嗎？ 其實吃罷雞件後，套餐餘下的都是一些火鍋配料，如最上層的山根就是從炸豆卜、炸支竹、豆腐等幾款豆品中揀來的，整體味道雖不算突出，不過由於山根沒油膉味，加上索滿火鍋湯汁，吃來亦頗惹味。

至於中層丸類拼配，可於墨魚丸、香菇貢丸、包心豬肉丸、爽滑牛丸、魚片頭、韮菜餃及魚皮餃中任選 4款，而底層蔬菜則可於唐生菜、娃娃菜、油麥菜、雞脾菇、金針菇及鮮冬菇中，任選 1款。

坦白說，其實幾款火鍋配料並無特別之處，丸子全屬味道正常，水準不過不失，而個人就較愛包心豬肉丸中間帶流心的口感，而老公就愛韮菜餃夠餡多。

由於套餐沒包括麵食，所以另加點了一客紅薯粉 ($20)。

據知紅薯粉是四川特色麵食，以晶瑩剔透、入口爽而彈牙見稱。

至於這裡的紅薯粉，幼身纖長，煮熟後呈半透明狀，而且放於雞鍋內吸滿湯汁後亦不會發脹變腍，反而細嚼下柔韌帶勁，入口滑溜，非常好吃。

最後單尾以凍檸水及凍檸茶作結，其實如果能奉上酸梅湯或薏米水，相信必更受食客讚賞。

講真，想打邊爐的話，在這區內有其他更好的地方，不過如果心癮起想吃雞煲，這裡也是個不錯選擇。

我碗腐皮米線不知所謂，又貴又唔好食。

腐皮好似無煮過咁，硬到...個湯好似水咁，總之就失望至極！！我諗好快又換另一間，因為呢個鋪位無一間做超過一年。

其實鋪位間隔不錯，人流也多，做得好食一定好生意，不過就唔知點解呢個鋪位咁黑仔。

知道呢間鋪有雞煲食，住係付近嘅我當然唔會放過店鋪裝修幾骨子同乾淨，一入門口已經有陣陣雞煲香~~店員推介二人雞煲餐，$228 有麻辣同黃酒兩款煲選擇，另外菜可選兩款，丸或餃任選一款，飯，紅薯粉同米線三選一，最後就係一定跟埋嘅美國肥牛一碟(小)。

我選了黃酒雞煲，他們嘅食法係先食哂啲雞再加湯打邊爐。

雞煲個汁係杰身嘅，味道濃郁！所有汁都包住每舊雞，啲雞超入味！重份量嘅黃酒，但一啲都唔澀，食落啖啖酒香，正！最意外驚喜係佢地煮個雞超滑入味唔鞋口，比來來啲雞更滑口！讚讚讚！凈係個煲我比85分打邊爐配料都係基本嘢，不過份量夠，兩個人食啱啱好。

但當加湯打邊爐時就扣咗好多分，因為加嘅湯係普通開烯咗嘅高湯，好淡，原先杰身啲汁唔夠多去撞起個湯底，而且本身個煲原來落咗四大塊果皮，滾耐咗令個湯底有啲澀澀哋。

。

整體價格同食物質素都ok,但嗰湯底就真係影響咗。

如果只食雞煲，確係一個唔錯嘅選擇。

小南海餐單提供川菜, 四川, 粉麵, 米線等推介美食位於北角區，餐廳座位數未知人均消費約$50以下，結賬可以用現金。

您對於北角餐廳「小南海」有何 comment？

小南海餐廳詳細資料：

• 小南海地址:
  北角七姊妹道124號華福閣地下
  小南海, G/ F, Welford Court,124 Tsat Tsz Mui Road, North Point
• 小南海電話:  
• 小南海價錢: $50以下
• 分類: 川菜, 四川, 粉麵, 米線
• 座位: 未知
• 付款: 現金
• FB專頁: 小南海 Facebook

更多小南海相關資料:

• 小南海分店
• Youtube
• Facebook
• Twitter
• Google