Villa Villa 北角

Villa Villa 評價 相片

姊妹生日當然係去黃店懲罰一下呢間係區內有名小店成間舖都好有黃店特色,野食水準普遍都唔錯!如果係黃店但係唔好食我亦都唔會埋沒良心,係好食就話好食成晚我最鍾意嘅係帶子意大利雲吞 & 鵝肝多士! 個source好creamy,鵝肝多士我哋share食就唔會覺得好膩而且好香,佢呢度既麵包都做得幾出色。

至於我覺得一般嘅就係鹹蛋黃炸薯條,太鹹同埋有啲漏,可以唔叫。

呢度有膠板阻隔 食客,客人可以隨時喺膠板上面寫上你想寫嘅句子,而我就當然係"香港人加油"啦。

好少嚟到北角呢頭搵嘢食，今次俾 @villavillacafe 嘅鹹蛋黃薯條吸引左，嚟試吓係咪真係咁正先👅呢度環境有少少難搵，但原來發現呢條小巷仔都好多好似好正嘅餐廳😍不過villa villa勁顯眼，門口直情有張枱放晒文宣，大家嚟到應該會忍唔住懲罰吓😇呢度食物無論係麵包定係pizza嘅麵團等等，全部都堅持自家製。

整體食物質素高，價錢都合理。

重點係店員服務非常好！！！我哋只係叫咗一個餐同一個小食，但店員都話無所謂，俾咗兩個湯同兩杯飲品我哋😝當日up咗story之後有人推薦我試佢嘅甜品，特別係bread pudding，睇來我又有多個藉口再嚟幫襯啦！.rarely go to north point to food hunt 😆 but decided to check out @villavillacafe because we really wanted to try their salted egg yolk fries 🍟 something unique about this place is that all their foods like breads and pizza dough is made in house 😋overall, food quality is great 👍 price is reasonable as well ! and service is amazing 😉 definitely check this place out!.《雙重芝士薄餅配墨魚汁》$98𝐃𝐨𝐮𝐛𝐥𝐞 𝐂𝐡𝐞𝐞𝐬𝐞 𝐏𝐢𝐳𝐳𝐚 𝐢𝐧 𝐒𝐪𝐮𝐢𝐝 𝐈𝐧𝐤 𝐒𝐚𝐮𝐜𝐞pizza屬於超級薄脆嘅果一種，好似食緊薯片一樣🤤味道方便，個base都係用茄汁，再加少少墨魚汁咁，墨魚汁味道唔算太濃～上碟嘅時候店員有提我地要趁熱食，芝士處於半溶狀態，好正！！芝士用到cheese curds同埋mozeralla，份量亦都非常之多。

如果唔係超級鍾意食芝士嘅話，建議幾個人share食，如果唔係可能會覺得有少少膩。

.《「冇」黃金炒薯條》$68𝐒𝐚𝐮𝐭𝐞𝐞𝐝 𝐅𝐫𝐞𝐧𝐜𝐡 𝐅𝐫𝐢𝐞𝐝 𝐰𝐢𝐭𝐡 𝐃𝐮𝐜𝐤 𝐄𝐠𝐠 𝐘𝐨𝐥𝐤其實我係特登為咗呢個薯條先嚟食嘢🤤果然無令我失望！好多好多鹹蛋黃包圍住啲薯條，罪惡感💯，但真係好好食！薯條係比較粗身嘅嗰一種，唔係特別脆，薯仔味比較重～.𝐕𝐢𝐥𝐥𝐚 𝐕𝐢𝐥𝐥𝐚 @villavillacafe📍#BELLYwongs_northpoint.#BELLYwongs_western #BELLYwongs_pizzas #BELLYwongs_american #BELLYwongs_cheese

朋友介紹是區內有名的黃店現場外賣人士很多，堂食需要等位，最好事先訂座餐湯及麵包黑松露蘑菇湯松露醬香味濃郁，同時令菇菌味倍增麵包好像是自家製，輕微焗過，外皮微脆，但入面極鬆軟蒜香蘑菇雞肉意大利飯 $115意大利飯弄得比較硬，醬汁比一般的少，較淡味，但好處是不會太肥膩挪威煙三文魚蘑菇寬條蛋麵忌廉汁 $118寬條麵有厚度，掛汁能力較強，配忌廉汁非常適合口感較煙韌，味道也較香口自家製芝士肉醬千層麵 $148充滿香濃芝士味和酸酸既蕃茄肉醬很多芝士拉絲位雙重芝士脆薄餅 $138加Parma Ham$30巴馬火腿肉質柔軟、甘甜芳香，味道細緻竹炭薄餅所以黑色餅皮，非常爽脆必須熱騰騰時食用，芝士及蕃茄味濃郁黃金炒薯條 $68新鮮即炸，非常脆口咸蛋黃醬極多，包圍每根薯條水果茶 $68極多款水果，材料十足，最抵點特濃朱古力奶 $55份量比想像中少很像便利店那種紙盒裝的伯爵茶朱古力蛋糕檸檬撻藍莓輕乳酪

朋友生日，喺北角book左酒店，跟手食埋我最愛嘅villa villa⭐️黃金炒薯條🍟 $68⠀幾乎每次去都一定叫！真係好好食😍我會話係我有生以黎食過最好食嘅薯條！（留意返，我無收錢😂）⠀本人作為一個完全唔鍾意食薯條嘅人，但就係因為食左呢個薯條，我就開始左我食薯條嘅人生🙂⠀❤︎一黎就好香咸蛋黃味⠀❤︎ 即叫即炒 所以真係熱辣辣🤤⠀❤︎佢啲咸蛋黃真係好正，炒到起哂沙😍 又唔會話好咸，同薯條好match同好足料啊🤤⠀❤︎ 好鍾意佢裝薯條個pan, 不但止可以keep住啲薯條熱辣辣，同埋比人一種chill嘅感覺🙈⠀❤︎上面仲有啲香草碎，令到味道唔會太單一同唔會太漏⠀❤︎一開始覺得薯條係炸嘅，而佢又再炒啲薯條，咁咪勁油...完全唔係！佢炒到啲薯條好乾身，我諗佢應該冇落油再炒，直接加埋炒到起沙嘅咸蛋黃醬抄佢，所以就炒乾埋啲薯條啲油🤔 總之一啲油膩感都冇，唔會油到要係咁食係咁飲野💛 #正shit 了🙈⠀⠀🥣 餐湯+蒜蓉包🍞(跟餐）⠀❤︎個湯係蘑菇湯，好多蘑菇粒，而且好creamy 😳⠀❤︎ 蒜蓉包外脆內軟🥰 而且蒜蓉醬好夠～⠀❤︎基本上，食完包食完餐湯，已經有啲飽肚感🤣⠀⠀🧀墨汁薄餅🍕⠀❤︎餅皮加左🐙汁，所以係黑色🖤同埋比pizzah_t同p_d 嘅pizza薄身同更香脆⠀❤︎啲芝士係拉到絲嫁🤩#芝士控 必食！⠀❤︎有埋辣肉腸同parma ham~好夠味～又中和左芝士嘅肥膩同漏嘅感覺⠀⠀🥩鵝肝多士🍞 $58⠀❥ 多士其實同蒜蓉包一樣～都係皮脆內鬆軟🤩⠀❥ 其實鵝肝都juicy, 切同食嘅時候都會有鵝肝油爆出黎🤤⠀❥ 口感都算係入口即溶嘅⠀❥ 同埋都唔羶🤩（（不過我個人幾鍾意鵝肝陣油香味同羶味😂⠀❥ 唯一有少少可改善嘅地方係：黑醋可能落得比較多，令到黑醋有啲蓋過左香煎鵝肝散發嘅油香味同佢本身嘅味道🙈我覺得連埋多士食都食到比重嘅黑醋味～同埋如果多士係用比較硬嘅嗰重蒜蓉包就可以令到口感更加豐富～同入口即溶嘅鵝肝形成一個強烈嘅對比🤩⠀⠀🧂芝麻雞翼 🍗 $58⠀一份只有四隻雞翼，但店員同店主好好人，見到我地有5個人就比多左隻雞翼我地🥰🥰⠀❥ 無諗過雞翼係雞翼連雞翼尖🤩⠀❥ 我個人覺得呢個雞翼炸得好好食～又香脆～同埋佢個炸漿應該都有特別調製過，所以味道同口感都同一般茶餐廳下午茶就咁扔落油鑊炸嘅炸雞翼好唔同！佢個炸漿係屬於好食嗰種～而且唔會太厚身，亦都無甩皮～⠀❥撒左芝麻上左都令到雞翼充滿住濃郁嘅芝麻味～但有少少surprise嘅係佢好似落左七味粉/少少孜然粉落啲雞翼度～ 雖然係令到味道有更多層次，食到有啲位有少少辣咁，都幾特別～但我反而更加鍾意本身炸雞翼嘅味道🙈不過我覺得都幾好食幾唔錯！⠀

終於都有機會黎潮聖，北角人氣西餐廳Villa Villa🤣店內座位唔多，所以一定要早d去，因為太多人幫襯了.1. 北海道帆立貝意大利飯配黑松露忌廉汁黑松露味好重，遠遠已經聞到，但帆立貝兩邊煎得唔夠焦脆，不過肉質幾嫩滑，唔會過老，意大利飯調味唔錯而且有咬口，夠creamy，高水準🥰.2. 西班牙黑毛豬醬汁好好味，黑毛豬肉質唔會好乾，都幾粉嫩，同埋配埋沙律菜，可以解膩.3. 白桃乳酸特飲打卡一流🤣上面既泡沫雖然冇咩味道，但融合左分子料理，外型幾靚，飲落味道酸酸甜甜，幾開胃解膩，夏天飲不錯

Villa Villa餐單提供西式, 薄餅, All, Day, Breakfast等推介美食位於北角區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE，Booking訂位可以電話致電 27779033 查詢。

您對於北角餐廳「Villa Villa」有何 comment？

Villa Villa餐廳詳細資料：

• Villa Villa地址:
  北角錦屏街後街25A號東發大廈地下31號舖
  Villa Villa, Shop31, G/ F, Tung Fat Building,25 A Kam Ping Street, North Point
• Villa Villa電話: 27779033
• Villa Villa價錢: $101-200
• 分類: 西式, 薄餅, All, Day, Breakfast
• 座位: 未知
• 付款: Visa,Master,AlipayHK,支付寶,現金,AE
• FB專頁: Villa Villa Facebook

更多Villa Villa相關資料:

• Villa Villa分店
• Youtube
• Facebook
• Twitter
• Google