SAMJINAMOOK 北角

SAMJINAMOOK 評價 相片

喺北角都可以食到嚟自韓國釜山的名物魚糕😻😻全新北角匯二期地下有間SAMJIM AMOOK Express 佢嘅店名“三進”意思係解回顧過往、專注當下及展望未來😊😊原材料來自韓國嘅魚糕秉承用最基本嘅食材真心真意全心投入的待客精神👍🏼👍🏼佢地間店望落去好似麵包店實質係專賣親手製造嘅魚糕🍢🍢再望真啲佢仲有個攤檔攤擋有分辣同唔辣🌶🌶(想食辣嘅朋友注意⚠️星期六、日先有開)店員親切地介紹佢哋嘅招牌菜式同每款魚丸嘅特色我哋先試咗麻辣魚餅湯Chinese spicy snook soup佢係全店最受歡迎👍🏼👍🏼魚糕質感彈牙煙韌 加上辣湯辛辣無比 年糕魚丸卷對比辣湯比較淡身但係年糕好煙韌Q彈感十足👍🏼👍🏼奧蘭達Original Veggie Amook雖然佢係素食但帶有少少魚甜味🐟係咁多款之間最彈牙😻蝦仁辣椒魚糕裏面真係有好大粒蝦仁辣椒蓉怖滿魚糕當中 體積雖小但用料用心最令我有驚喜嘅魚𥚃藏椒個皮好脆(⁎⁍̴̛ᴗ⁍̴̛⁎)裏面嘅青椒唔太辣而且又長又甜又多汁🤣下次經過北角嘅朋友可以去醫下肚仔😋

香港人掃街就有魚蛋燒賣，而韓國隨處可見嘅街邊小吃就係一串串插在鍋湯中的魚糕，逐漸款式亦越來越多例如有芝士年糕蟹柳、包香腸、混入蔬菜😋尖沙咀同北角原來開咗依間韓國魚糕專門店，魚糕係韓國直送香港！聽聞在韓國共有23間分店，韓迷去開韓國就可能會比較熟悉🤣；職員都係韓國人添😂👆🏻上面款式仲有2+1優惠😋果日約晚上7點經過，可能已經晏所以唔算好多款式😞因為都見好多人入嚟幫襯買。

仲有熱辣辣嘅魚餅串🤩香港店獨有麻辣湯魚餅！小店舖位空間唔算好大，採用麵包店形式，自助拎托盤夾款式再結賬比錢。

不過最入係有張長枱凳可供客人坐低享用，仲有個微波爐同醬料可以翻熱魚餅棒食，依點反而幾細心😂👓原味魚餅湯(套餐) $28一串總共有5舊，一塊實心魚捲、一塊魚餅、兩塊摺疊咗嘅魚糕、一塊空心獅子狗。

入口真係好重魚味，但又唔會有腥味，質感彈牙唔會煮到淋哂，無糊口感，由於長期浸係高湯中所以魚糕吸哂味，一咬好重高湯味。

並且有蘿蔔四舊💁🏻‍♀️魚餅湯嘅胡椒味比鯷魚乾味強烈，味道反而冇韓國咁地道濃郁，不過勝在夠熱辣辣冬天飲啖暖身好舒服，同埋我對魚餅比較大期望🤤；香港店獨有麻辣湯魚餅！但我唔太食得辣所以冇試🤣👓泡菜豬肉黃金魚球 $20中間好大個豬肉餡，肉汁juicy唔會起哂一粒粒豬肉筋，調味方面都好夠味不過食唔到有泡菜🤣魚糕蘸上麵包糠新鮮現炸，呈金黃色脆卜卜幾香口，咬落脆得來又彈牙口感有別於麵包。

👓芝士棒魚餅 $23魚餅中間有條芝士🤤但淨係較咗翻熱30秒唔係太長所以食嗰陣芝士未去到全溶狀態，屬半溶芝士仲有個條狀形係有咬口。

芝士味唔屬於嗰種好濃郁強烈嘅味道所以無蓋過魚餅味道，同埋兩者味道意外地夾🤤👓年糕魚丸卷 $22年糕係非常大條！頗有煙韌度配上面身所包住嘅魚餅，整體口感幾豐富。

但因為個年糕本身係無咩調味所有少少寡，建議擠點韓式辣雞醬(枱上的調味架)，味道即刻昇華哂，醬料輕微辣但幾惹味。

👓培根魚餅棒 $26魚餅棒由大大塊煙肉包住然後蘸上麵包糠炸，咬落原來成條棒都係魚餅肉真係啖啖肉😂 彈牙嘅魚餅帶點咬口嘅煙肉，雖然有煙肉但食落又完全唔油膩喎。

⭐️價錢雖然唔太便宜，不過如果放工經過都會想買串嚟食🤣

大部份人都活在武漢肺炎的陰影下，近來都冇乜心情食嘢。

我不像其他人幸運有home office，還要在肺炎活躍區的北角上班，和一班同事打拼。

既然要上班，人也要吃飯，橫掂同事成日叫我推薦，那麼我就寫近來北角吃過的一點一滴吧。

（熟我都知其實我好少喺北角出街食飯，平時返工都冇乜心機食飯）等大家遠離劣食（或者一啲唔應該去嘅地方，好似個間唔話俾人知一家人去過武漢嘅粥店，不過我唔黑心，都希望佢地一家身體健康，放長雙眼睇自己點害人）本身二月頭計劃去首爾，但因為同同事撞假，最後去唔到，也不知是福是禍，我還是很想念首爾街頭的魚餅。

於是，星期六這天放工去慰藉去唔到首爾嘅心。

我前排才發覺，原來呢個北角匯二期商場除了有一田外，還有這個60幾年嘅韓國品牌，Samjjn Amok。

如果有興趣就繼續睇文，無興趣想快就去我fb page睇片啦。

我相信去得首爾或者韓國，都一定係街邊試過呢啲長型嘅魚餅，我諗都唔需要多介紹。

呢度嘅魚餅有最傳統嘅湯底同加上啱中國人，台灣人，香港人口味嘅麻辣湯底。

(唔好意思 ，兩岸三地要分清楚，呃下字）當然要每樣一條，普通湯要試，同麻辣湯都要試。

爽口而且有濃烈魚味，而且好有份量，食一條都幾飽。

飲一口湯，傳統韓式湯相對冇喺首爾飲咁好。

但麻辣湯就非常正，同打邊爐一樣咁好，真係好似食緊麻辣火鍋咁。

有一款直直嘅魚餅，也有一種在首爾街道最見到彎彎曲曲嘅魚餅，任你選。

另外店方亦都有現成嘅炸物買，不過唔係全部都熱辣辣，你有機會要去微波爐整番熱，相對我覺得普通。

我自己揀咗幾件試吓質素，首先有大蟹餅。

大大條嘅蟹柳加上彈牙的外層，可以一試。

一口魚餅，以香辣味為主，當然冇個麻辣湯咁正，不過如果唔食得辣，又想試吓個辣味，呢個係一個不錯選擇。

蟹肉花魚餅，樣靚，不過相對細件，味道還可以。

其他選擇好多，有興趣就過嚟睇吓食下。

相對價錢當然冇喺韓國食咁平，但以小食來說，不錯。

老婆說，我番番下工，如果心癮起一定會下午食飯時間再過嚟食串麻辣魚餅。

睇下點。

估唔到北角經過活化後既海旁開左d新型私人屋苑同商場,而係商場入面都有韓國過江龍既魚糕店,平時去韓國都好鍾意食街邊既魚糕串.蝦卷魚餅中間夾住炸蝦,見到店員新鮮炸好黎出黎即刻唔報輸夾返舊食！一咬先係魚糕彈牙既口感之後到炸蝦既鬆脆,雙重滋味.外層鮮糕都有輕輕炸過帶少少脆身,熱辣辣.大蟹肉卷蟹柳足手掌咁長又夠厚身咬落好滿足,鮮糕帶少少葱香甜味.小年糕魚卷,雖然魚卷都係差唔多味但佢既變化好多變,可以用唔同材料配搭出唔同既口感.年糕入口帶米香又Q韌.先彈牙後軟綿.蝦仁魚棒(綠)入口帶蝦肉粒,咬落蝦味幾濃.青椒魚餅比起其帶魚糕更甜,青椒唔會辣味道都幾突出,呈四方型質感更彈牙.年糕魚餅湯好有韓國街頭風味！$28足一大串闊身魚糕片,竹輪同魚蛋.仲可以免費有白蘿蔔送,蘿蔔鮮甜無渣吸晒魚糕湯味.魚糕湯帶胡椒香,飲完個人即刻暖笠笠.沾魚糕有2款醬,茄汁同甜辣雞醬.店員推薦我試下甜辣雞醬,入口先微甜後帶辣勁同魚糕味道好夾！

最近北角開了新商場，待放假日與太座去襯熱鬧，最多人湧進去是地庫的超級市場，而地下有一食肆，也很吸引，太座嚷著要試，因為她是韓國菜的粉絲。

驟眼看以為這是一間麵包店，有架上陳列著食物，又有盤子和夾給你挑選食物，看真一點，原來是一間香港前所未有的韓國魚糕店，新引進香港，現時有兩間。

店員大都是韓國人，很耐心介紹各種食品，付款後還教我們在微波爐加熱，令味道更佳，以下是太座的選擇：小年糕魚丸卷，以魚肉打成的魚漿捲著韓國年糕，入口煙韌，夾雜魚肉吃，味道相當不錯，是我最喜歡的一種。

韓式烤肉夾心黃金魚球，以小紙袋盛著一個球體，外面是炸過的，咬開後，外面是魚肉，內裏有豬肉，有肉的香味令味道更好。

蘇子葉半月魚糕，以蘇子葉包著魚糕炸，味道清香，還帶點葉子的爽脆。

魚裡藏椒，是北角店獨有的産品，偌大的整隻青椒內裏釀入蔬菜粒和魚肉，外面炸過，因沒有去掉籽，味道較辣，口腔像火熨，我偶爾吃一次辣也可接受，而太座嗜辣，正合她口味。

魷魚丸魚餅，混了魷魚的魚餅，質感較好，外層炸得金黃香脆。

原味魚餅湯(套餐) ，店內有熱湯鎮，一格格浸著各式魚餅，有辣有唔辣，選了雜錦的，有風琴彎曲形的，有圓筒形的，浸在熱湯內，湯味濃，很有特色。

店內還有很多款，下次再來試其他。

SAMJINAMOOK餐單提供韓國菜, 小食店等推介美食位於北角區，餐廳座位數10人均消費約$50以下，結賬可以用Visa,Master,現金,八達通,AE,銀聯，Booking訂位可以電話致電 22455080 查詢。

您對於北角餐廳「SAMJINAMOOK」有何 comment？

SAMJINAMOOK餐廳詳細資料：

• SAMJINAMOOK地址:
  北角渣華道123號北角匯2期地下G10號舖
  SAMJINAMOOK, Shop G10, G/ F, Harbour North Phase2,123 Java Road, North Point
• SAMJINAMOOK電話: 22455080
• SAMJINAMOOK價錢: $50以下
• 分類: 韓國菜, 小食店
• 座位: 10
• 付款: Visa,Master,現金,八達通,AE,銀聯
• FB專頁: SAMJINAMOOK Facebook

更多SAMJINAMOOK相關資料:

• SAMJINAMOOK分店
• Youtube
• Facebook
• Twitter
• Google