NY Garden 北角

NY Garden 評價 相片

話說之前上網見到北角和富中心翻新過,當中最吸入眼球既係翻新後開既foodcourt,內裏裝修充滿土耳其色彩,今心情舒暢輕鬆.新加坡無骨海南雞飯據餐廳所講,海南雞係用上90日出生既雞製作,所以雞肉肉質特別嫩滑.果然無講錯,海南雞肉質滑溜而且爽彈,雞皮薄香而不過肥膩之餘帶淡香既雞味.另外配上3款醬汁令雞肉味道昇華,帶出不同既層次感.雞飯用上雞湯,令每飯粒吸晒雞湯既精華.入口香而不膩,淨食雞油飯都夠晒惹味.椰子雪耳雞湯好足料之餘又多火喉,湯底起晒膠,入口又滑又滋補.椰子味香醇,配合雞湯十分順口.星洲潮式肉骨茶雖然個碗望落唔算大但配料豐富,有一字排,腩肉,金菇,冬菇,豆卜,豬肚.湯底採用相對湯底較清但重胡椒蒜味既潮州式肉骨茶,比起較重藥材味既福建式相對偏好於潮州式.湯底清而不膩,入口十分重胡椒既胡辣味,蒜味香而不過辣,十分暖胃.除左胡椒香外,湯底亦帶濃濃既肉香,香而不膻.肉骨茶湯底調味略微偏鹹.一字排飽滿肥美,肉質細嫩,入口容易咬開.豆卜充份吸入湯底既精華,咬一口,大量肉骨茶湯溢出.豬肚入口無腥臭味亦無雜質依附係肚內壁,肉質厚實爽彈.鬼馬釀油條以墨魚滑釀入油條再落油炸,入口唔會成口油.內裏墨魚滑唔會感覺粉過多.外層油炸鬼好鬆脆,帶鹹香感.美綠恐龍🦕好濃厚既美綠味,唔係落少少美綠粉但加大量糖水同奶精既感覺.而且美綠上仲加左美綠味既穀麵脆豆同美綠粉令成杯帶3重美綠滋味.

香港美食廣場畀我嘅印象就係有幾間餐廳，有好多張枱，同時有好多人，快d搵位食完就閃，坐得唔多舒服。

最近北角和富薈新開左美食廣場，同前排食過嘅新餐廳一樣，都佈置左土耳其馬賽克燈等多異國風情裝飾（上次個post有人留言叫我去過Turkey再講，問佢點解但無答，我唔tag佢喇，佢有緣睇到嘅話希望佢答我），而且仲有梳化位，乾淨美觀，令我對美食廣場改觀。

今次我試左間南洋菜。

🍴巴東牛肉飯 HK$62非常香濃入味，就咁食有d鹹，送飯就岩岩好，之前係第二度食過巴東牛肉韌過煲湯瘦肉，但呢度就用左牛肋條，夠晒腍。

伴碟都唔馬虎，油酥餅好鬼香，蝦片亦夠脆。

白飯表面加左椰絲，但香味唔突出，唔及椰漿飯。

🍴新加坡無骨海南雞飯 HK$68選用90日大嘅雞，厚肉得黎唔韌，雞皮爽而不膩。

薑蓉幾清新，唔會太刺激，點埋黑醬油甜甜地送雞飯一流，至於酸辣汁就偏淡。

油飯香氣尚可。

🍴椰子雞湯（跟餐）椰子味好香，瘦肉夠腍，而雪耳亦令湯身比一般雞湯濃稠。

🍴恐龍美祿（跟餐） HK$18、青檸梳打 HK$18去餐廳叫即溶飲品最怕又淡又稀，呢杯恐龍美祿面頭嘅美祿粉雖然唔算爆滿，但飲落夠濃，唔會太甜，仲有卜卜脆嘅可可球可以咬下。

青檸梳打就甜左少少，同埋唔夠酸。

📍NY Garden北角和富道2153號和富地庫B50B51號舖和富樓下美食廣場A1號舖

以前住喺北角，因為附近無咩大型商場，所以我哋間唔時都會去和富薈行吓，食吓嘢，再去海旁吹吹風。

原來都有一排無去過北角，今日嚟到，發覺呢度都變咗好多，連和富薈都裝修過喇！入到商場，餐廳主要集中喺美食廣場，而美食廣場以異國風情為主要裝飾，店內掛滿土耳其玻璃吊燈，配上色彩繽紛嘅圖案設計，充滿住濃厚嘅民族色彩。

美食廣場內嘅選擇好多，而我哋就揀咗南洋風味嘅NY Garden。

新加坡無骨海南雞飯海南雞嫰滑無骨，啖啖肉，而且雞唔算太肥，最邪惡同最好味就梗係連皮食啦！而海南雞飯嘅重點當然係個油飯啦，充滿雞油咸香，好滋味呀！而套餐配上大大盅椰子雞湯，湯底充滿椰香，仲有好多雪耳，不過，就略嫌個湯杰咗少少。

星洲潮式肉骨茶講起南洋菜，當然唔少得肉骨茶啦！肉骨茶勁多料，腩肉同骨都各有34舊，睇見都夠晒滿足！湯底帶有淡淡嘅糊椒味，加埋脆卜卜嘅油炸鬼，好滿足呀！紅毛榴槤特飲 + 青檸梳打至於飲品方面，店員推介紅毛榴槤特飲，講真，我都係第一次接觸呢個水果，原來紅毛榴槤嚟自馬來西亞，佢絕對唔係榴槤，反而外型似番鬼荔枝，飲落酸酸甜甜，都幾醒胃架！有時食飽飽，真係好鍾意飲番杯有汽嘅飲品，「嗝~」得夠晒爽。

（記住Like同Share畀朋友）By A姐M佬 玩樂日記 www.aandmdiary.com

就喺住嘅戈區新開咗個 food court，雖然話系同一區，我去戈度如果搭巴士都要搭兩個站先去到戈邊🤣為咗試新野冇所謂啦。

自從好多商場嘅店舖都比啲大型發展商收購之後，變曬大牌子店都系非常常見嘅事⋯⋯更莫講系 food court了。

今次得知呢度開咗 food court，而且冇一間系平時嘅大型連鎖食店🙊真係幾難得，去捧吓場先。

咁靚嘅 food court真系第一次見😍太耐冇食新加坡菜/ 馬來西亞菜，揀咗呢間餐廳試吓。

男朋友向來鍾意食牛肉，喺呢度有款安格斯肥牛喇沙，梗係不忘叫一碗😁係唔係安格斯肥牛我唔係好識分，不過食落去牛肉味都幾濃，口感有少少淋淋地，幾好食啊👍🏼叫得安格斯肥牛喇沙但原來入面唔係淨係有肥牛，仲有豆卜同埋冬菇🍄豆卜真係好好味🧡索曬喇沙湯底啲汁😻食落好juicy~跟住就到向來鍾意食海鮮嘅我，呢度有款海鮮喇沙，同上一款一樣都有雞蛋同埋豆卜。

海鮮方面有青口、蜆同埋蝦肉、幾樣野都好新鮮，自己食落口覺得唔係冰鮮👍🏼跟住講吓湯底同埋麵條，喇沙湯底本身由蝦米、蝦羔、蒜茸、乾蔥、辣椒、香茅、南薑及椰汁等多種材料製成，椰汁嘅味道都幾明顯，飲落口味道好惹味，我諗其他材料小店都有盡量落足。

睇到有個椰子雞湯都好似幾吸引，新鮮嘅椰子雞湯應該真係要煲好耐？即管試吓呢度嘅湯質素如何。

影落去好似比較細碗咁，實際上其實都幾大碗😳佢嘅椰子味真係好重，唔知多唔多人同我一樣鍾意椰子🥥湯嘅口感有啲稠身，不錯。

就咁聽個名都知係朱古力，大小都比我想像中大，好慷慨。

朱古力味甜甜哋系幾好，不過甜度方面可以再控制得好啲。

面頭exactly係平時食脆片嗰美祿脆脆🤎紅毛榴槤特飲，落order戈陣真系抱住一個純粹一試嘅性質😂🙊估唔到又幾好飲，其實榴槤味真系冇乜，飲落去有啲似熱情果味嘅特飲😬幾適合想試試榴槤飲品但係平時又唔會點食嘅人。

和富商場重新裝修，美食廣場都煥然一新，真的要去看看，內裏的裝修果然充滿了葡國風情，地方座位編排舒適。

我選了NY Garden做我晚餐，因為被佢的大榴槤擺設吸引了。

<海鮮喇沙>喇沙最重要的是湯底，這個湯底充滿了南洋風情，辣得惹味可口，選擇了參參即是混雜了油麵及米粉，麵及米粉掛滿了湯汁，配料充足，有蝦、蜆、魚片、青口、豆卜、還有芽菜。

<新加坡無骨海南雞飯>選了雞髀，肉質嫩滑，配上油飯，更是滋味，還有用上了椰子及雪耳淆製的湯品，真的滋潤無比，吃埋半隻溫泉蛋，簡直是滿足。

<恐龍美祿>這個美祿上面有一些卜卜脆的粒粒，充滿美綠的香味。

<番刺果特飲>特飲用上了紅毛榴槤及百香果果，味道特別清新。

NY Garden餐單提供新加坡菜, 馬來西亞菜等推介美食位於北角區，餐廳座位數未知人均消費約$51-100，結賬可以用現金，Booking訂位可以電話致電 92516896 查詢。

您對於北角餐廳「NY Garden」有何 comment？

NY Garden餐廳詳細資料：

• NY Garden地址:
  北角和富道21-53號和富地庫B50-B51號舖和富樓下美食廣場A1號舖
  NY Garden, Shop A1, W O R T H E F O O D, Shop B50- B51, B/ F, Worfu,21-53 Wharf Road, North Point
• NY Garden電話: 92516896
• NY Garden價錢: $51-100
• 分類: 新加坡菜, 馬來西亞菜
• 座位: 未知
• 付款: 現金
• FB專頁: NY Garden Facebook

更多NY Garden相關資料:

• NY Garden分店
• Youtube
• Facebook
• Twitter
• Google