聚龍閣火鍋酒家 元朗

聚龍閣火鍋酒家 評價 相片

今日入元朗食飯, 本來想去安娜鋸扒, 但要等好耐, 見聚龍閣標價$48.00打邊爐, 咪諗住試下但原來湯底另計, 要$38.00, 飲品又要$3.00一罐, 總之每樣計錢, 連加一什費, 要成$120.00一位,(仲要無飲野呀) 係佢標價成三倍huffyhuffy, 如果D野食OK我都算, 但D野食又CHEAP, 款又少huffy無手打丸, 無蝦, D魚片又有骨, D魚蛋又粉(CHEAP 貨), D烏冬切開晒, 驚死你攞得多, 載野食D碟又細隻, 攞D菜都要行幾次huffyhuffy, 連最COMMON o既肥牛, 都好似施捨咁, 分好晒, 一碟三塊, 仲有黑邊, 睇見都唔想食mad食食下隔離枱仲有小強, 但D侍應愛理不理, 比著我一定去食環署告佢以$120.00呢個價錢, 去安娜鋸扒, 去正記打冷, 都可食到飽飽仲有找, 呢間超唔抵o既聚龍閣, 真係唔使旨意我再幫趁huffyhuffy

星期五晚，唸注咁涷就去食下火鍋．門面寫注　＄　６５自助　唸注咁平就入去食啦！坐下，就知原來要成$38 一個湯底，都唸注每人都係　＄８０～９０　都ｏｋ點知．原來様様都同你去計．．茶又收費，介又另收費，仲有個湯都同你計．仲要係加一．．．．當晚就要　１２０一位．食物都唔係有好多款式　，　仲有連熱門肥牛都係有限額地供應．什麼叫自助？任食？連取食品個個碟都細過人．要多出幾次去取．真係好煩．烏冬仲要分開兩份邊發晒黄．．原本好想食都唔敢食．．．

上星期和女友經過千色店，看到這酒樓任食火鍋，所以上去試下，以前經常都去元朗人家任食火鍋都幾ok，不過想試下新野，雖說任食火鍋唔好要求太高，我亦都唔係要求高既人，但他們的食物真的唔係太掂，到埋單時收銀員說我們已超過限定兩小時任食時間(我們坐了兩個半小時) ，所以要收超過時間的費用(應該多了廿多元)，而隔離他的同事還說了一句"冇錯"附和，真難頂，我們算好皮氣不作爭論，因他們嚴厲執行他們的政策亦都真係"冇錯" ，唔怪之得我們附近的食客好似雞咁腳走晒喇!! 原來佢地真係用秒錶計緊食客的時間，一句到尾，冇下次 元朗人家好佢幾倍

大嫂十二點放食Lunch, 我先去搵位, 侍應阿姐要我搭枱, 有張4人吉枱, 佢話留座, 但我由11:45am1:10pm飲茶期間張枱都仲係冇人到, 唔知咁到留定位做乜~ 6個人分張4人枱, 超級唔掂囉~ 枝竹羊腩飯 $25大嫂之前食過, 話好味又抵食, $25的確係抵食, 不過... 出品已不同了, 除了白飯冇味外, 其他都鹹到... 羊腩已煮到又黑又硬, 馬蹄都煮到啡色, 呢個羊腩, 相信已經煮左好多日 什錦點心一籠有五件 $12有义燒包, 蝦餃, 燒賣, 粉果, 魚翅餃各一粒, 新鮮出籠熱辣辣, 不過... 全部都唔合格, 义燒包多包小涵包及硬, 蝦餃&粉果&魚翅三款有外皮包著的, 個皮都係硬嘅, 燒賣好多肥油及好鹹

星期日有朋友約去打邊爐,所以就去左呢間la~入座之後發現有d野唔同左,以前肥牛都係任人地要幾多夾幾多,但依加就搬左去熟食嗰邊由師傅即場用機切片再分落d碟度;不過咁樣都幾好,最少多左人唔會浪費食物,熟食有咖哩魚旦,烤腸仔,泡菜同3樣糖水,壽司就冇左食物ge種類都幾多,而且服務員用經常幫我地加水,態度好好,今次都打得幾開心啦^^

聚龍閣火鍋酒家餐單提供粵菜, 廣東, 火鍋, 海鮮, 點心, 酒樓等推介美食位於元朗區，餐廳座位數未知人均消費約$51-100，結賬可以用Visa,Master,現金。

您對於元朗餐廳「聚龍閣火鍋酒家」有何 comment？

聚龍閣火鍋酒家餐廳詳細資料：

• 聚龍閣火鍋酒家地址:
  元朗教育路3-7號富好大廈1樓
  Joy Long Restaurant, F/1 Foo Hoo Building, No.3-7 Kau Yuk Rd,, Yuen Long
• 聚龍閣火鍋酒家電話:  
• 聚龍閣火鍋酒家價錢: $51-100
• 分類: 粵菜, 廣東, 火鍋, 海鮮, 點心, 酒樓
• 座位: 未知
• 付款: Visa,Master,現金
• FB專頁: 聚龍閣火鍋酒家 Facebook

更多聚龍閣火鍋酒家相關資料:

• 聚龍閣火鍋酒家分店
• Youtube
• Facebook
• Twitter
• Google