聚首一糖 元朗

聚首一糖 評價 相片

這一天，在元朗市鎮公園蹓躂過後，經過這間名為「聚首一糖」，擺明玩食字的甜品店，決定吃碗甜品當下午茶。

老婆仔叫的「荔枝玉露汁」，明顯地是罐裝荔枝玉露飲品，解渴是夠解渴的，不過就沒甚麼值得一提。

至於我的「蛋白燉鮮奶」，質感頗為幼滑，奶味是有，不過就不是十分重，整碗燉奶的味道不是太甜，還算可以。

在這甜品店停留過後，這天的元朗之旅又再繼續。

元朗甜品店也不少,呢間店每次經過人流也不多.不過也存在了很長時間,我也有好奇心入內一試,當日有2枱客人同樣是10多歲的學生.拿起餐牌20元左右就可以吃下午茶.糖水也是20多元有交易.看來也主攻學生生意.環境亦不大.什有家庭式的風格雜果涼粉22元:涼粉比較硬身.落了不少糖水比較甜.生果也是每一種都甜,西瓜起沙.芒果香甜多汁,士多啤梨亦不會酸.每一種生果亦新鮮,22元我也收貸,附送的奶很淡口....埋單22元.雖則味道不算驚喜.但勝在價錢合理.也值得一試...

與友人在附近吃完日本料理，就到這裡來「續攤」，平日晚上十點多，全店沒客人。

綜觀全店的甜品選擇，唯有焦糖燉蛋比較吸引，而友人亦是推介這一款，就一人一個試試看。

面層的焦糖不是一塊的，而是一粒粒的，我覺得這樣更好，可以每一口都輕易配有焦糖，而不用煩惱如何打碎焦糖片以便和燉蛋一起吃。

而燉蛋不會太熱，溫度剛好適合吃，蛋燉得頗滑，有蛋味，份量不少，$18很抵吃，有機會會再吃，希望這間店不會做不住吧。

果日行過元朗，無意中發現係元朗劇院斜對面開左一呢間糖水舖，就想食碗糖水，入到去發現廚柜有一碗碗黃色物體，問職員原來係焦糖燉強，係元朗從未試過有焦糖燉蛋食，見佢20蚊有找，就點在一碗試吓。

見到廚房師傅即時製作，將焦糖舖係燉蛋面，然後用火槍噴幾吓就完成。

呢碗焦糖燉蛋係熱食既，暖暖的，幾好，舖面的脆糖薄而脆，蛋好滑，好易入口，超正！20蚊有找，水準唔錯，值得一試。

可惜唔記得影相，下次影左再擺上來！

04/10外出食飯後，回家途中想食芝麻糊，於是係元朗一間叫 "聚首一糖" 既甜品店買一碗芝麻糊。

我落order俾錢時聽到個店員問廚房夠唔夠芝麻糊，廚房就話應該夠。

咁我不以為意，後來，到我見佢將我碗芝麻糊由廚房拎出黎時我就覺得好奇怪，點解得半碗既！？(如圖) 於是我就問個店員，佢就答我話"就係得咁多，就算堂食都係咁多"。

眼見我之前見到另一個人買外賣，佢既外賣碗同我果個一樣size，但佢果碗就起碼八成滿。

我再同個店員講 "呢度得一半咋喎"，佢仍然話係得咁多，當時我見佢咁厚面皮話係得半碗咁多，而我已經一早俾左錢，所以我都唔想同佢再爭論落去，拎左呢半碗芝麻糊走。

呢次係我第一次幫襯佢，亦都係最後一次。

我打呢篇食評唔係為左果十幾蚊(十三蚊芝麻糊加一蚊外賣碗)，我俾左錢就唔預佢會退返錢俾我，我只係唔滿意佢果種態度同手法，佢咁樣同呃人一樣。

你d芝麻糊賣到尾，份量唔夠一碗，你同我講一聲唔好意思解釋返，我只會覺得我唔好彩，亦唔會覺得間店唔老實。

但相反而家你insist個份量係得咁多，我就覺得你係呃緊我，我就只會幫襯唯一呢一次。

至於碗芝麻糊既味道如何，我覺得不過不失，味道淡左一些，冇嘜芝麻味，呢個價錢都算成正比。

呢度既芝麻糊比較元朗其他甜品店既芝麻糊可能差一些。

大家睇完呢篇野，一定有唔同既意見，我只係講返我係呢間甜品店既經歷，只於呢間甜品店值唔值一試，大家可以自己衡量喇。

PS. 元朗應該有一間食店既名係同呢一間同音，我幫襯呢一間係 聚首"一"糖，至於另一間係聚首"壹"糖，請大家唔好誤會。

聚首一糖餐單提供港式, 甜品, 糖水, 糖水舖等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「聚首一糖」有何 comment？

聚首一糖餐廳詳細資料：

• 聚首一糖地址:
  元朗安康路2號怡康大廈地下
  聚首一糖, G/ F, Yee Hong Building,2 On Hong Road, Yuen Long
• 聚首一糖電話:  
• 聚首一糖價錢: $50以下
• 分類: 港式, 甜品, 糖水, 糖水舖
• 座位: 未知
• 付款: 現金
• FB專頁: 聚首一糖 Facebook

更多聚首一糖相關資料:

• 聚首一糖分店
• Youtube
• Facebook
• Twitter
• Google