綠怡有機生活館 元朗

綠怡有機生活館 評價 相片

已經支持左呢間餐廳大半年, 原因係...有家的感覺老闆Patrick 同 Fanny 好nice 好鍾意同客人傾計, 不過你唔想傾佢地又唔會煩住你。

而且佢地對食物要求都好高, 唔新鮮唔靚既食材佢地唔會用,所以出黎既食物都好用心好好食~ 環境就一般, 冇乜裝修不過就坐得好舒服, 你住足1日佢都唔會趕你走~ 而且去既客人好多都係熟客, 你第一次去唔知食咩其他客都會好樂意同你介紹講番食物先:第一次去食海鮮pizza, 份量剛剛好, pizza面超多海鮮仲要唔係蟹柳魚蛋果d, 係真海鮮個set會跟salad同熱湯, salad用橄欖油同vinegar即叫即做, 有機菜好甜好新鮮 正!! 食完好想再食湯就每日唔同, 因為我之前講左唔鍾意飲有奶味既湯, 佢地就好細心咁見親我都會專登整個蕃茄湯俾我, 真係好感動燒大蝦: 隻蝦頭勁多膏勁香, 不得不食燒羊架: 好似話係用蒙古羊, 好juicy架...芝士焗帶子: 我本身唔食芝士但有2位朋友食過都讚好, 而且兩次都用唔同方法做既最值得讚既係每個set都有好多菜食, 唔會剩係得肉lor~佢地早餐, 午餐同下午荼都有做早餐簡簡單單...味道ok但就一定好食過茶餐廳午餐$40最低食下午茶就唔好期望咁大都ok架~餐飲建議要試coffee, 好香~ 果汁係即炸唔+糖 / 蜂蜜都非常ok雖然地方係隔涉d但就真係直得一試, 最起瑪唔會食完之後一口味精要狂飲水因為呢間店少油少鹽但零味精

真係估唔到錦田都有間咁正既餐廳, 睇佢門口好細, 入到去家庭式作業但係d 食物質素好高, 菜同肉都好新鮮, 特別係佢既龍利, 住得好好味~個湯都整得唔錯, 不過位就少d 要去就最好早d。

事次係揸車入黎錦田做野,順便食午飯. 黎呢到係因為睇過某雜誌既介紹.出發前打左次電話問清楚地址.去到錦田公路到街尾”龍X酒樓”都搵唔到間鋪. 再打電話問清楚啦.原來係郵局對面.下~~原本個門牌唔係咁突出,我眼大睇過龍.行到門口,原來仲要行樓梯上去.推門就見到好多菜係我眼前(因為店內亦有售賣有機菜).睇雜誌話D菜係老闆自己種家;店鋪似係住屋既改成,分室內同室外.咁熱梗係要室內啦.蒜蓉包大大塊,熱騰騰,外皮脆到不得了. 包身軟淋淋.餐湯係麥皮粟米湯.湯底稀稀地,不過麥皮飽肚.簡簡單單又健康, 反而做早餐就好D.煙鴨胸拼司華力腸意粉: 鴨胸同司華力腸兩樣都係似出邊買番黎.意粉白烚.蕃茄蓉係新鮮無添加,一D調味料都無加,真係原汁原味,所以感覺味道偏淡.白酒龍利柳意粉: 龍利柳煎得好好,唔過火.唔腥.白汁加入白酒,配合得相當好,因為我個人好怕白汁既厚膩,唔係唔鍾意白汁,係覺得食完白汁,就食唔到其他野.但係呢碟白酒龍利柳完全無傳統白汁厚膩既感覺,好清新.質感好簿.好鍾意.配菜既潺菜葉質厚身,好肉地,滑潺潺.菜味濃郁,無添加.最後係蕃茄啦.只係簡約咁煎一煎個表面.食到茄身好肉厚,又JUICY.WELL…新鮮就係咁簡單.加$15要左杯雪梨汁. 雪梨汁一粒冰都無,無加糖.飲落仲有籽家.反而熱咖啡就無咩特別啦.所以推介大家加錢飲新鮮果汁.果日去仲有蘋果汁,火龍果汁…等等選擇.可能平時出街食既都落左調味料,樣樣都味道濃烈.黎到呢到食既野淡味左,真係唔係好慣.不過間唔中黎感受下田園風味,呢到係唔錯既選擇.同埋佢比到我以前係澳洲食飯既感覺,新鮮唔落調味料都感覺良好.咁既價錢食一餐營養餐,抵~~有些少建議:如果係元朗搭巴士出發既,係錦田郵局落車,望對面馬路就見到門牌;揸車既就要借人地附近食店既車位啦,附近無咩公家車位.出發前最好打去問清楚此店時間,因老闆可能會下午外出補添食材.無謂白行一場.錦田紅磚屋就係附近,不過只係星期六,日同紅日先開,大家可以去呢到食飯之餘順便行埋紅磚屋呢個景點.大家記住帶現金~~~

綠怡有機生活館餐單提供西式, 藥膳, 有機食品, 私房菜等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「綠怡有機生活館」有何 comment？

綠怡有機生活館餐廳詳細資料：

• 綠怡有機生活館地址:
  元朗錦田公路82號
  綠怡有機生活館, 82 Kam Tin Rd, Kam Tin, Yuen Long
• 綠怡有機生活館電話:  
• 綠怡有機生活館價錢: $50以下
• 分類: 西式, 藥膳, 有機食品, 私房菜
• 座位: 未知
• 付款: 現金
• FB專頁: 綠怡有機生活館 Facebook

更多綠怡有機生活館相關資料:

• 綠怡有機生活館分店
• Youtube
• Facebook
• Twitter
• Google