意大利佬 元朗
最後更新:
意大利佬推介
這一頓飯帶比我最深刻嘅感覺係「好有驚喜」！店裡裝修不揚，甚至乎可以話係無裝修但係D出品真係得！好味道！有誠意！仲好有個性！我地一行4人，大家都好滿意、好滿足誠意推介第一道菜式：意大利香草包外脆內軟，再點少少油醋，好好味第二道菜式：香辣蒜片白酒青口吃得出的鮮味、惹味第三道菜：西班牙紅蝦呢個係menu無既，之前係網上見過有人食所以試下～好鮮味，隻味仲好特別添！雖然貴D，但真係好食嘅第四道菜：3色芝士Pizza芝士味香濃，讚！！！第五道菜：蟹膏蟹肉意粉本身好鐘意食蟹膏，呢個真係好足料、蟹膏味濃郁，好第六道菜式：牛扒廚師建議三成熟，緊係信個廚師啦！呢個又係好味，有牛味、又滑又淋，點解我煎極都煎唔到咁好食連d配菜都好好味本來想食個甜品做結尾，點知沽清老闆話因爲自家製，又避免存放太耐唔新鮮，所以日日製造少量，賣哂就算下次一定要打電話預訂先
元朗意大利佬
| 餐廳分店 | 意大利佬 |
|---|---|
| 地區 | 元朗 |
| 電話訂位 | 沒有電話提供 |
| 餐單 Menu | 意大利菜, 薄餅 |
| 人氣指數 | 734 |
| 價錢幾錢 | $101-200 |
意大利佬訂位位於元朗區，詳細地址是元朗金輝徑28號好盛洋樓地下11號舖，餐廳寬敞座位數目共有未知幾多個。意大利佬幾錢？價錢優惠後人均消費大約$101-200埋單，早餐午餐晚餐意大利佬餐單包括有意大利菜, 薄餅等美食，付款方式有現金付款。
意大利佬優惠
意大利佬 評價 相片
這一頓飯帶比我最深刻嘅感覺係「好有驚喜」！店裡裝修不揚，甚至乎可以話係無裝修但係D出品真係得！好味道！有誠意！仲好有個性！我地一行4人，大家都好滿意、好滿足誠意推介第一道菜式：意大利香草包外脆內軟，再點少少油醋，好好味第二道菜式：香辣蒜片白酒青口吃得出的鮮味、惹味第三道菜：西班牙紅蝦呢個係menu無既，之前係網上見過有人食所以試下～好鮮味，隻味仲好特別添！雖然貴D，但真係好食嘅第四道菜：3色芝士Pizza芝士味香濃，讚！！！第五道菜：蟹膏蟹肉意粉本身好鐘意食蟹膏，呢個真係好足料、蟹膏味濃郁，好第六道菜式：牛扒廚師建議三成熟，緊係信個廚師啦！呢個又係好味，有牛味、又滑又淋，點解我煎極都煎唔到咁好食連d配菜都好好味本來想食個甜品做結尾，點知沽清老闆話因爲自家製，又避免存放太耐唔新鮮，所以日日製造少量，賣哂就算下次一定要打電話預訂先
住開元朗，一向都鍾意周圍試新嘢，搵好嘢食，但咁耐都冇寫過食評，今次真係處女作。
原因好簡單，因為真係要奉勸各位巴絲打，呢間意大利佬千祈唔好去！門面：舖頭細細，廿幾個位。
小弟星期日夜晚八點去，正常食肆理應總會有人食緊嘢。
但當日小弟開門見到成間舖係無人，連waiter都無。
係我拉開道門，先有位waitress由廚房行出嚟擺底兩杯水。
服務：可能我對間嘢有啲期望，正常新開舖，都以為會有人介紹吓有冇咩廚師推介。
仲要間舖無人都唔主動介紹吓，企到老遠玩電話。
要大嗌先聽到我講嘢。
我見佢Menu有寫生蠔就問waitress有咩蠔，佢竟然答唔知，之後就跑入廚房問，問完都淨係知個名，問佢有咩特點但又講唔出。
唉食物：一個字「差！」 巴拿馬火腿橄欖油沙津：我諗應該叫油浸巴拿馬火腿沙律。
沙律菜變晒油菜，油無橄欖香，塊ham無ham味，得個咸字。
烤帶子：上碟有煙，但竟然咬落唔熱，仲出奇係喺帶子肉入面有殻，點食！ 烤鵪鶉脾：唯一食得落口，都幾香口，但肉太韌 亞拉斯加長腳蟹配黑松露忌廉汁意大利面：差！個汁溶到好似稀水咁，完全無黏性，無質感；長腳蟹唔熱；個意大利面直情錯晒！個面煮到老晒，夾硬食咗啖，之後無完無晒胃口！只可以講「未滿師就扮孫悟空」，完全係唔識煮嘢食！以上盛惠521蚊，我以都唔會再去！或者有人會話我專登唱衰，但唔緊要，我一樣會照良心講。
因為元朗好難搵到呢啲咁難食嘅店，完全係元朗之光，誠意推薦俾大家，唔好去。
之前睇到哩間Italiano係網上大受好評, 於是乎男朋友既Risotto癮又上來, 就打算即刻去試下。
前一日去到發現店入面數埋唔夠10張細檯既位置, 話無位, 唯有今日再打電話去預約, 先順利入座。
本真諗住咁細既鋪頭, 我就細細聲同佢地講野, 但係唔知點解, 老闆娘明明就企系你隔離1米唔到既位置, 佢都勁大聲覆你說話? 老闆就每逢攞食物出黎既時候, 都係大大聲咁喝住同客人講野?見其他食評話老闆多年在歐洲學廚, 可能中意義大利餐廳嗰種吵雜溫馨既感覺。
但你地間鋪頭其實真心好細, 又無放音樂, 你地每次一講野, 都會嚇親我地。
講返今日既order, 前菜叫咗Crab cake, 無影相, 因為賣相麻麻, 不過幾香口。
只係我印象中的crab cake都係炸的, 佢地既就係煎既, 可以見到整塊都係原蟹肉( 係鮮美既 ), 加洋蔥 。
其實我建議老闆可以考慮將它改名叫日式煎蟹餅, 以免客人混淆。
先介紹處女座男朋友既主菜:帶子黑松露意大利飯比起其他意大利飯, 哩個係難以置信地結身, 好似反轉個碟啲飯都唔會跌出黎咁。
米粒未熟, 中間心硬, 一啖落去即刻癡牙, 本身我覺得米唔熟唔緊要, 但係帶子起碼應該處理好? 結果帶子雖然色水唔錯, 但只有表面並不夠, 中間可見帶子其實未夠熟。
雖說帶子過長時間烹飪會導致變橡膠, 但未煮熟都不是道理吧?最後是我order的芝士帕瑪爾火腿闊意粉 (一眼望落去係咪好似早餐Omelette & Ham?)我諗芝士應該係PARMIGIANOREGGIANO, 成碟份量並不多, 如你所見, 少少闊條麵, 本身已經有多到漏出來既香草奶油醬, Parma Ham又好大手筆咁俾咗6塊, 再加上超級多本身後勁有苦味既PARMIGIANOREGGIANO, 仲要再加過份多既rosemary碎, 結果成碟野就係咸咸咸咸咸咸到苦苦苦苦苦😵😵😵😵我食咗兩啖已經唔想食, 食得好辛苦, 太濃味所以好容易滯。
但係處女座男朋友為咗唔浪費, 忍住食完個松露飯已經滯到嘔既感覺, 都幫我食埋佢食到最後, 仲發現一舊不明物體, 咬一咬先知係未溶既芝士, 外面仲係包住一層cream汁......你見到都覺得滯啦....何況我地其實都有睇到對上有評價話個意粉芝士味唔夠, 但係其實我哩個料咁多, 味蕾已經好享受, 多芝士並唔會幫助到佢提升到另一嗰層次。
唉。
可能其他肉類食物會更好, 不過我已經唔想再去。
好失望。
我唔知老闆同老闆娘會唔會睇openrice, 雖然價錢的確並唔高, 但老老實實, 我同男朋友都係外國大, 可能要求會高啲, 所以並去唔到網上話'highly recommened'或者'好好味'之類既評價。
另外如果下次想咁大聲講野, 記得或者開門, 或者開音樂, 係咁細個空間度咁熱情, 你地啲聲到依家仲係我腦度迴響緊.....😓
夫妻作坊，老闆在歐洲學廚幾年。
地方有限，所以一定要提前BOOK枱或者20:30後先去。
裝修也一般，但食物出品真的好好！全部由老闆一腳踢，出菜可能要等一等。
推薦黑毛豬扒，老闆特別吩咐只碟係乾噶，但切開肉扒後只碟真系濕曬！牛扒三成熟都冇血水。
會繼續光顧！
終於試左！昨晚同太太慶生，約9:00入坐，全場只有我地一台食🤔可能太夜😂呢度地方細細，環境都算唔錯，如果有多d食客應該幾好氣氛叫左3樣野食～3式芝士薄餅 超好味，餅底好似係梳打餅，芝士味好重，味道咸咸地好惹味芝士香草Parma ham意粉 較失望，芝士味唔夠，無想像中好食，香草太多，但Parma ham好正👍🏼主菜：13安牛扒，廚師推介3成熟，果然無失望😍外面香脆，入面粉紅，肉汁多夠淋唔un無血水！好彩貴一貴都試左😂！
意大利佬餐單提供意大利菜, 薄餅等推介美食位於元朗區，餐廳座位數未知人均消費約$101-200，結賬可以用現金。
您對於元朗餐廳「意大利佬」有何 comment？
意大利佬餐廳詳細資料：
- 意大利佬地址: 元朗金輝徑28號好盛洋樓地下11號舖 Italiano, Shop11, G/ F, Ho Sing Building,28 Kam Fai Path, Yuen Long
- 意大利佬電話:
- 意大利佬價錢: $101-200
- 分類: 意大利菜, 薄餅
- 座位: 未知
- 付款: 現金
- FB專頁: 意大利佬 Facebook
更多意大利佬相關資料:
香港餐廳2026推介7月