忠輝潮州鹵水燒臘店 元朗

忠輝潮州鹵水燒臘店 評價 相片

早幾日突然想食叉燒，之前喺呢間買過一次雙併飯覺得都ok，就叫左男友返黎之前順便幫我買盒叉燒油雞飯～雙拼飯$30，肉類會舖到滿滿唔太見到啲飯，幾抵食，賣相其實不錯不過今次既叉燒比較乾，乾得黎又完全無焦香味～而啲豉油雞得皮同骨，勁少肉。

。

本身燒味已經鹹，仲要落左勁多豉油同一大pat薑蔥，食完呢個飯我覺得自己腎都虧埋🤦🤦 (其實上次都係偏鹹，但今次依然唔記得叫佢少豉油少薑蔥🤦🤦)只能說如果下次再有機會食既話，就要睇下好唔好彩當日啲燒味水準如何，兼記得記得叫少豉油少薑蔥🙈🙈

今日6點時路過見到咁多人排隊就排埋一份， 見左份上裝燒鵝同一盒叉燒燒肉飯，加埋都係140，重有例湯送。

個燒鵝燒到色澤好靚， 油份岩岩好， 回到家一打開盒，香氣撲鼻，食落肉又嫰，唔會痴牙， 味道濃郁， 而且唔會成舊肥膏係口， 絕對係好高質素既燒鵝。

而叉燒燒肉飯份量十足， 叉燒口感以致味道都係上上級，令人食完想再食。

燒肉雖然口感都一流， 肥瘦比例都好， 而且層次分明，但我個人來講， 覺得有少少過咸， 可能配埋啤酒食會好d 。

因為相熟中醫在元朗，所以基本一至兩個星期我就會到元朗一次，果度附近有間叫忠輝燒臘店，每次上去睇中醫我都會特登去買返盒燒味飯作晚餐，真心好正㗎！朋友同我講原來我早響五六年前同佢已經結緣響天水圍！嗰陣時我響天水圍一間中學工作，lunch成日去天耀商場隔離嘅街市買燒味飯，嗰陣時已經超愛呢間燒味舖！估唔到原來嗰間就係忠輝！！！😱😱😱以為走咗之後冇乜機會食，原來佢搬咗嚟元朗，仲發光發亮！我知道佢仲生意好到開咗間分店響又新街！果然好嘢係多人欣賞！咁多年之後再同佢重遇，佢嘅燒味一樣係咁好味咁吸引到我！雖然每次去到都見到大排長龍，不過好嘢真心值得等。

我最鍾意食佢嘅叉燒，佢啲叉燒燒得够夠林身，如果係肥差仲正，格肥格瘦，中間嘅脂肪肥而不膩，好似食啫喱咁，就算瘦叉都好林，唔似出面啲叉燒勁柴同埋癡牙，如果食到外面其他好柴嘅叉燒一定black list嗰間燒臘舖! .另外佢嘅其他燒味好似燒肉切雞油雞燒鴨，我都覺得響水準之上！單拼$26，雙拼$28， 鹹蛋都係$4一隻，我通常會叫雙拚加隻鹹蛋$32，價錢抵分量仲要勁足，師傅手起刀落大大舊，我已經幫襯左N次，所以都有少少心得，建議唔好嗌四寶飯，因為四寶飯都成$40入面得紅腸，咸蛋，雞翼和燒鴨，冇得食叉燒之餘份量又唔多，仲要係紅腸嗰啲下欄嘢，所以都幾失望，我通常係叫雙拼$28叉雞飯加多隻鹹蛋加$4三寶先$32已勁豐富！😆.基本上佢響元朗已經打出咗名堂，好多元朗人都識佢，我好開心宜家可以成日食到佢，因為佢的燒臘真係不錯👍👍如果經過見到大排長龍都值得去排一排！.—————————————————店名：忠輝潮州鹵水燒臘店 環境🏝：6/10服務💁🏼‍♀️：7/10 價錢💰：8.5/10食物質素🍝： 9/10 整體🙆🏻‍♂️：8/10 地址：元朗泰衡街5號地下#吃貨玩樂在元朗#吃貨玩樂#忠輝燒臘店

經過這燒臘店，想買半斤叉燒加餸，以前買過之店的燒鴨是抵吃又美味的，這次就試試叉燒如何!叉燒 ($72/斤)要求半肥瘦叉燒，不過吃時仍覺得沒有給予半肥瘦的，叉燒偏瘦而且很硬，實在不好吃，下次都是買回燒鴨好了.

呢盒飯大家可以估幾多錢.18元有飯有湯.不過一定要外賣,不設堂食.湯贈送的冬瓜豬肉湯.碗內有2件冬瓜,豬肉鬆化.富肉香味.湯清徹帶鮮甜.物超所值.燒鴨飯:燒鴨份量多.皮脆.肉嫩也有鴨的鮮甜味道.要批評之處只有某部份有肥油.味道有點過鹹.而飯粒亦粒粒分明.不俗.服務也不錯.18元可以食到飽.味道又不差.當然值得推介.

忠輝潮州鹵水燒臘店餐單提供港式等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 61080609 查詢。

您對於元朗餐廳「忠輝潮州鹵水燒臘店」有何 comment？

忠輝潮州鹵水燒臘店餐廳詳細資料：

• 忠輝潮州鹵水燒臘店地址:
  元朗泰衡街5號地下
  忠輝潮州鹵水燒臘店, 5 Tai Heng Street, Yuen Long
• 忠輝潮州鹵水燒臘店電話: 61080609
• 忠輝潮州鹵水燒臘店價錢: $50以下
• 分類: 港式
• 座位: 未知
• 付款: 現金
• FB專頁: 忠輝潮州鹵水燒臘店 Facebook

更多忠輝潮州鹵水燒臘店相關資料:

• 忠輝潮州鹵水燒臘店分店
• Youtube
• Facebook
• Twitter
• Google