好年華火鍋酒家 元朗

好年華火鍋酒家 評價 相片

今日放早, 陪媽咪飲茶, 佢choose了好年華, 話幾好食, 我就係first time!:望住張點心紙, 首先被一點心名吸引了, 於是叫黎試下, 就係 "這是真春卷", 原來係一條圓圓的, 比一般的春卷長兩倍有多, 味道一般, 不過好脆, 都ok!"千層糕" , 其實係馬拉糕, 現在的喜歡將馬拉糕分幾層就當係"千層糕".... 以前名副其實的千層糕係白色皮, 分了一層層, 夾住咸蛋的! 南瓜包, 軟軟的外層包著熱騰騰的, 有少少"流沙"感覺的南瓜饀, good! 點心拼盤, 現在少有酒樓保留, 作為食客,人少少的時候,想試多幾款, 但唔想叫太多食唔哂, 浪費食物, 點心拼盤最好不過, 雖然永遠唔知有邊幾款點心, 但讓人一次過食到四五款點心, 已經心滿意足了

果日同3個fd 去打邊爐, 果度晚市好似無咩人, 所以唔會太嘈, 坐得幾舒服~ 火鍋料都係大路野,但都算幾多選擇, 同埋都新鮮, 最記得係我地叫左芝心丸, 白鱔片~白鱔片好味呀!芝心丸入面d芝士d 味有d 怪,麻麻地仲有叫其他,但無咩特別呢度勝在比出面平~ 加埋湯底錢,每人唔駛100

我們一家久唔久都會黎飲茶,但又唔鐘意同人迫,所以會下午茶時間先黎,仲平d添!最愛食呢到既豆苗餃同蝦餃!佢既下午茶時間炒粉面飯都好抵架~份量都ok!平價燒味湯粉都係唔錯既選擇,仲有一款長長既春卷都好好味!甜點桂花糕都夠清香,而且唔太甜,好味~流沙包都同樣出色!

當晚有兩家擺喜酒，另外好多人打邊爐。

晚飯時間最好訂位喇。

我就係一家人食晚飯小菜既。

七個人點左九個菜，有龍蝦，又大班兩味，又燒鵝…連酒水加一，埋單$1082。

菜色味道都OK，又唔會很特出。

見到好多人打邊爐，下次先試。

有大電視睇，不過有人擺酒好熱鬧都聽唔到聲。

我一心想同媽咪去飲茶, 同老公去搵位. 坐左冇耐, 事情就開始發生.首先唔該0的侍應, 唔該... 唔該....唔該, 唔會有人理你. 就算我望住佢, 佢亦望住我. 一樣當你透明. 我個茶壺大概15分鐘, 經理先幫我加水.之後, 想叫個抄麵. 好辛苦叫到個侍應, 唔該佢落單. 十問九唔認,一個字都冇應過我. 我問佢有冇聽到, 佢look大對眼望住我, 好大聲同我講落單0既食物. 我叫佢應吓人好喎. 佢好大力拍左我一吓然後話, "如果我望住你同你講0野, 你就驚". 我莫名其妙, 然後同佢講同一審說話. 佢開始發覺我唔好hop, 終於落左單!所有食物都非常油膩, 抄麵一pat pat, 抄米粉'Lung'晒! 食物唔熱!我係唔會再去好年華.....

好年華火鍋酒家餐單提供粵菜, 廣東, 火鍋, 自助餐, 點心, 酒樓等推介美食位於元朗區，餐廳座位數100人均消費約$101-200，結賬可以用Visa,Master,現金。

您對於元朗餐廳「好年華火鍋酒家」有何 comment？

好年華火鍋酒家餐廳詳細資料：

• 好年華火鍋酒家地址:
  元朗鳳琴街9號金龍樓1樓
  Ho Lin Wah Restaurant, 1/ F, Kam Lung Mansion,9 Fung Kam Street, Yuen Long
• 好年華火鍋酒家電話:  
• 好年華火鍋酒家價錢: $101-200
• 分類: 粵菜, 廣東, 火鍋, 自助餐, 點心, 酒樓
• 座位: 100
• 付款: Visa,Master,現金
• FB專頁: 好年華火鍋酒家 Facebook

更多好年華火鍋酒家相關資料:

• 好年華火鍋酒家分店
• Youtube
• Facebook
• Twitter
• Google