太興 元朗

太興 評價 相片

一上台啲野食好似跌完落地再兜亂咁款。

條菜突出黎，呀姐一手揸落碟邊啲飯，一野飛落台。

燒鵝無皮，全肥膏，飯底濕到爛屎咁款。

$66蚊畀碟咁既野我，離曬譜，衰過街市飯。

台同台之間隔一尺都無。

八月十六追月晚, 2人飯腳食太興。

食腳話元蹄巧味喎！19:30有位唔使等 8分鐘後已有人企住等喇!西菁街呢間座位比較Yoho2期間逼少少。

服務幾好。

馬上椅打元蹄先。

再來(左望右望)隔離枱鍋湯的東西幾靚, 一問係雜茶煲..咪攪 (除非冇餸食, 否則筆者絕不會點雜菜煲)。

餐牌有個 胡椒魚肚鷄鍋 $70 就呢個啦！紅燒元蹄(堂食)$58 一上枱: 嘩2聲。

一聲我喊，另一聲隔離枱！"好大隻呀"！ 一會兒隔離都上, "吓！"左聲, 佢地隻細左個碼 據食友講:係我們今次的特大樣子(色)非常好, 過張相。

質感唔錯, 皮冧入味, 好骨膠原feel。

肉再冧dd就好(隔離話好冧，估計時間以細隻計), 但配埋個汁食, 仍是咀lamlam。

胡椒魚肚鷄鍋上枱熱呼呼的, 重滾緊...魚肚大大塊，都有四五塊，咬入口個心未夠軟冧。

鷄塊反而老左d, 最後食剩2塊鷄。

湯底微辣都幾好味。

不過一次都夠了。

ps後來睇單見到"跟爐", 邊有爐啫！今餐冇叫飯, 肉多都好膩好飽! $128找數。

今日下午去了太興食下午茶，太興出名燒鵝，燒腩肉，而它的鵝，豬都是在大陸自設農場養殖，看一下餐牌，就決定食燒鵝湯米粉食一口燒鵝，皮下脂肪甘香，肉的纖維並不爽燒鵝要連埋他的皮和肥膏一齊食才是最好味這杯熱奶茶尚算合格，有茶香，奶味夠濃郁

我本身係一個好鍾意食燒鵝，太興下午茶推出咗個輕盈燒鵝米粉只售$38，仲包埋一杯飲品見到價錢都幾吸引😁下午茶嘅種類都算多，但其他嘅並不吸引！下午茶時段人流不多，入邊冷氣嗰邊見到有幾個staff, 都非常得閒😂燒鵝米嘅份量相當不錯米粉比較少，味道不太濃，米粉嘅軟硬度適中但燒鵝嘅肉對比返$38是合理，性價比都叫高，因為本身焼餓係比起燒鴨貴，而且平時一隻燒鵝髀都要差不多$100，坐得舒服同朋友談天都係一個好嘅地方選擇

元朗嘅西菁街出名多嘢食，有日本餐，有茶餐廳，有日本菜，又有譚仔米線，又有台灣嘢食，見到周圍都好多人，唯獨是太興不算多，但都要等位，我就同朋友入太興食個下午茶😁茶餐種類有很多，離不開當然有燒味餐嘅下午茶叉燒紅腸飯，叉燒太瘦，不夠肥，所以有些鞋口，很難咀嚼，但是叉燒的味道調校得很好，甜甜地，紅腸份量很多有六片，飯上面加了一些燒味汁更加好味😝如果太肚餓的客人就不夠吃了，因為飯太少，職員話不可以多飯，因為這是下午茶😭茶餐嘅雪菜肉絲米份，米粉非常幼，肉絲比起出面的餐廳多，整體來講，好味😬湯底鹹鹹地，好像是豬骨湯底一樣👍🏻本身茶餐只是跟炒蛋加多士，我加咗$6有一片午餐肉，朋友話太興的午餐肉是最好吃的所以我就試試，午餐肉外脆內軟，又厚身，非常好味👍🏻炒蛋非常滑，多士又剛剛整起，非常脆🤟🏻太興最好味的當然是冰鎮奶茶或者熱奶茶！冷氣有啲凍今日就選擇熱奶茶， 奶茶味非常香濃，而且又滑口，奶嘅味道有足夠😁整體來講好好味嘅奶茶三個人都係食咗$151，一人平均$50，合理🤣

太興餐單提供港式, 燒臘, 茶餐廳, 冰室, 咪嘥嘢食店, 少鹽少糖食店等推介美食位於元朗區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 24421380 查詢。

您對於元朗餐廳「太興」有何 comment？

太興餐廳詳細資料：

• 太興地址:
  元朗西菁街10號好順泰大廈地下35號舖
  Tai Hing, Shop35, G/ F, Ho Shun Tai Building,10 Sai Ching Street, Yuen Long
• 太興電話: 24421380
• 太興價錢: $51-100
• 分類: 港式, 燒臘, 茶餐廳, 冰室, 咪嘥嘢食店, 少鹽少糖食店
• 座位: 未知
• 付款: AlipayHK,支付寶,現金,八達通
• FB專頁: 太興 Facebook

更多太興相關資料:

• 太興分店
• Youtube
• Facebook
• Twitter
• Google