嚐仙 元朗

嚐仙 評價 相片

自從搬入咗元朗之後，不斷發掘新嘢食。

講到好嘢食點都唔少得Yoho Mall。

記得以前呢一個舖位係大陸喜茶，始終依一類嘅飲品熱潮過左就未必有咁多生意。

最近呢個舖位變左台灣飲品嚐仙。

見到夜晚好多人去排隊點都要試吓。

天氣少少凍。

就叫咗一個暖食小丸子1號食落去果然有驚喜，首先湯底係用黑糖去做，唔會太甜，會有想繼續飲晒佢嘅感覺。

至於小丸子，我覺得做得軟熟，比許留山做得更加出色。

紅豆煮到有少少爛，非常好。

至於珍珠，感覺就好似食黑糖珍珠鮮奶嘅珍珠一樣，好有咬感，做到好Q彈的感覺。

今晚同老公冇食飯，就以一碗小丸子作為澱粉質都唔錯。

我見到舖頭仲有豆腐花,燒仙草之類嘅產品，下次同老公再去試吓先不過價錢如果可以再平啲就好啦同埋如果用電子支付有優惠券就更好添

呢間舖頭差不多每款甜品都有珍珠（低成本而飽肚既材料），就知道不應有期望另外，見到第一個食評已係負評，就猶疑試唔試好呢。

但家人好中意食芋圓，所以特登嚟買外賣，點知真係中伏 首先，員工落單好慢，發緊夢咁，要講幾次先落到單。

我地前面既客人落單俾錢走人後，到我地既時候，個員工竟然仲係度將之前既單慢慢入機，話 “等我入埋D 單先”，搞咩呀 好啦，到我地叫甜品同飲品（差不多$90），點知兩樣都無味既！甜品既仙草完全唔成形，直頭係水狀。

至於飲品，味道同滾水唔知有咩分別呢，自己開罐可樂嚟飲都無咁嬲 性價比極低，奉勸大家唔好中伏

咁耐冇去旅行都好掛住台灣嘅美食，而咁多台灣甜品最鐘意就係芋圓。

香港都有好多小店有芋圓食，不過質素就有啲參差今次食呢間就係台灣開過黎嘅，有芋圓紅豆湯同冰等等，好多選擇雙芋仙草奶凍🍮：中間有一勺芋泥，唔太甜，仙草份量都幾多，會配埋花奶，可以自己決定落幾多，芋圓就偏細粒，不過地瓜味幾重，最鐘意佢地啲好紅豆，煲得好軟糯，又唔會走晒沙出黎芋泥牛奶冰🍧：超大份，香港好少有刨冰食，今日暖番少少食啱晒，夏天黎一定仲正！上面鋪滿芋泥，而啲冰就係奶水整嘅，溶左出黎都係奶白色，呢個就相對冇咁甜，亦都有俾練奶自己加，不過略嫌佢凍左啲，一開始太凍，要等一陣先鑒得開黎食食到尾都仲有少少大舊溶唔晒，呢到扣左分，不過整體都ok，重點係唔貴，平均都係$4x一個呢到環境都唔錯，有少少view，下次想試佢啲飲品同紅豆湯

我不嬲好鍾意食芋圓，平時食開荃新天地果間，元朗一直冇出名食店。

之前見到商場起哂圍板，準備開嚐仙，已經諗住開張就黎試。

一試覺得十分失望。

價錢唔算平，但質素令人失望。

叫左個熱嘅雙芋豆腐花。

上菜好快，但好唔掂。

首先，成個甜品只有微溫。

面頭嘅豆腐花係凍嘅，但我都理解佢，個芋泥個冰嘅，個底嘅糖水只係暖，撈埋就變咗好凍。

佢上菜嘅時候我已經係即食，天氣凍更加要熱啲。

接受唔到個溫度。

再講下芋圓，芋圓冇味都算，連蕃薯圓都冇味，成個野淨係食到個糖水底嘅味，太失望。

不過啲芋圓都冇過熟冇過生，個糖水部份味道唔差嘅，算係咁？另外，份量係極細，cp好低。

兩啖食完，好似食左一陣風。

環境係唔錯嘅，望住yoho嘅園林影，有戶外座位。

如果係行街行到攰，想搵個地方休息下，可以考慮。

想食好食嘅糖水就唔好黎呢度了。

一個純粹喜歡芋圓嘅為食貓，非打手

嚐仙餐單提供台灣菜, 甜品, 糖水等推介美食位於元朗區，餐廳座位數未知人均消費約$50以下，結賬可以用Visa,Master,現金,八達通,Apple,Pay,微信支付，Booking訂位可以電話致電 52114724 查詢。

您對於元朗餐廳「嚐仙」有何 comment？

嚐仙餐廳詳細資料：

• 嚐仙地址:
  元朗元龍街9號形點1期1樓1091號舖
  T-Fresh, Shop1091,1/ F, Y O H O M A L L I,9 Yuen Lung Street, Yuen Long
• 嚐仙電話: 52114724
• 嚐仙價錢: $50以下
• 分類: 台灣菜, 甜品, 糖水
• 座位: 未知
• 付款: Visa,Master,現金,八達通,Apple,Pay,微信支付
• FB專頁: 嚐仙 Facebook

更多嚐仙相關資料:

• 嚐仙分店
• Youtube
• Facebook
• Twitter
• Google