加洲海鮮酒家 元朗

加洲海鮮酒家 評價 相片

3月3日來了這裏飲茶,第一次來,妹妹話之前嚟過OK,我地2點未夠到了,原來星期日要2點半下午茶,但係價錢其實唔係差太遠,所以唔等下午茶,照飲正價. 星期日有帶位員,全間酒樓要撘枱的,有兩層都算大,本來我地五個人俾左張大枱我地同人地一齊撘枱,後尾見到隔幾張枱有人走,即刻去坐,就唔使撘枱啦.我地四個人叫左一個雞球大包,鮮蝦炒米粉,菜肉包,鴨腳扎,蒸雙肚,咸菜豬肚,酥皮焗湯餃......仲有加左燒腩卷,呢間酒樓係舊式的,所以有雞球大包食,仲要唔限時段.雞球大包好耐冇食過啦,好大個呀,入面有雞肉,冬菇,雞蛋架,熱辣辣好好味呀,雞肉都幾滑,雞蛋係半隻的,冬菇係一隻架. 正呀!! 鮮蝦炒米粉都好足料,好多隻蝦呀,仲有西芹絲,紅蘿白絲,火腿絲,椰菜絲,好豐富,味道都好好,蝦係爽口的,仲有係炒得乾身唔會好濕及好多油呀,好好味.其它點心: 鴨腳扎較硬,肉,腐皮及芋頭都好淋入味的,菜肉包OK,蒸雙肚係牛肚及豬肚,豬肚都好爽口呀,牛肚都入味的. 咸菜豬肚非常之入味,好重胡椒味道,都好大碗及足料的,有好多咸菜,豬肚,個湯都好好飲,飲完會發慶架.豬肚入味及唔會煮到過火淋晒.妹夫叫左一個酥皮焗湯餃,原來係好似酥皮湯咁,但係入面係灌湯餃來的,佢話幾得意既味道,以為會好怪,但又唔係又OK幾好味喎,仲有燒腩卷好香的芋頭及燒腩呀!!雖然服務係麻麻地,環境又舊,但係食物質素都幾好及價錢好抵食呀,我地食左好多嘢,仲要係正價價錢,都係270元左右呀!!

打算在這假期先去大榮華酒樓飲茶，後往金蘋果芒餅店買蛋糕（另有食評）。

怎料原來大榮華酒樓20110501開始裝修，20110603才重開。

放眼一望，見有加洲海鮮酒家，便去了飲茶。

可能是大榮華效應，九時許的茶樓幾乎滿人。

侍應帶了我們上住宅般的四樓。

鮮魚頭骨腩粥： 不錯，甚有魚味。

津菜海鮮扎： 一般。

津菜扎有蟹柳、紅蘿蔔和魚塊。

用紅蘿蔔比較奇怪，但也不是不配。

南乳蒸豬手： 不太懂如何是好的南乳豬手，但家人說水準還可以。

加洲點心拼盤： 內有蝦餃、燒賣、潮州粉果、菜肉包，和千層糕。

一般。

碧綠帶子腸： 半乾的帶子在不算滑的腸粉內，失望。

香滑麻蓉飽： 絕不香滑。

香芹滑粉卷： 變味，取消了。

今日同小娟娟來她的摰愛加洲海鮮酒家飲茶小娟娟成2pm至起床, 星期日下午茶由2:30pm開始, 所以我地嘅早餐, 就係下午茶時間開始小點 $8.8 ; 中點及大點 $10.8 ; 特點 $15.8蜜汁义燒包(小)包軟涵甜, 好軟熟, 唔怪得小娟娟一定要叫啦~义燒焗餐包(小)以為唔好味, 不過... 咬左一啖之後就驚為天人, 餐包面好香脆及甜, 包底又軟身, 內涵又暖暖地, 甜甜地, 好香义燒醬味, 一口有三種感覺, 超正呀~腊味蘿白糕(中)有蘿白味, 質地又夠實, 好好味~蜂巢香芋角(中)外凍, 但外脆而內暖又軟, 正~北菇綿花雞(大)綿花有45件, 北菇又厚肉, 好味~蒜蓉煎蝦餅(大)三小件, 唔值大點, 小點就差唔多, 有蝦嘅香味, 質地又夠實, 不過又唔可以叫爽口, 味道唔錯~燒鵝瀨粉 $10.8 燒鵝好香, 塊皮又脆, 掂呀~光顧過咁多次, 原來我都冇寫過呢間食評, 真係漏網之魚 呢度除非你成張枱要晒, 否則, 一定要搭枱.侍應木無表情, 不過, 加水及攞走吉籠就好快.

加洲海鮮酒家餐單提供粵菜, 廣東, 火鍋, 海鮮, 點心, 酒樓等推介美食位於元朗區，餐廳座位數200人均消費約$50以下，結賬可以用Visa,現金。

您對於元朗餐廳「加洲海鮮酒家」有何 comment？

加洲海鮮酒家餐廳詳細資料：

• 加洲海鮮酒家地址:
  元朗安寧路59A寶豐樓
  California Seafood Restaurant, Po Fung Building,59 A On Ning Road, Yuen Long
• 加洲海鮮酒家電話:  
• 加洲海鮮酒家價錢: $50以下
• 分類: 粵菜, 廣東, 火鍋, 海鮮, 點心, 酒樓
• 座位: 200
• 付款: Visa,現金
• FB專頁: 加洲海鮮酒家 Facebook

更多加洲海鮮酒家相關資料:

• 加洲海鮮酒家分店
• Youtube
• Facebook
• Twitter
• Google