Baker Talent 元朗

Baker Talent 評價 相片

這家小店已經食過很多次了 我們認為素質不錯呢而且價錢又便宜 性價比不錯的感覺 所以再來買回家去到的時候店裡面不太多人 所以環境挻空曠的感覺·葡撻 HKD$5/個·芝士撻 HKD$6/個·樽裝奶茶 HKD$13/枝食物素質不錯 有時候簡簡單單的味道/舊式小食挻好便宜的食物也可以很好吃的 食物無分貴賤喜歡就食🤤兩者我比較喜歡芝士撻多一點 雖然拿到回家的時候已經凍了一點 但是味道仍然不錯 芝士很滑身的口感雖然不算很大個🤔 但是食兩件再配樽奶茶已經很飽肚

去政府合署路經呢間麵包舖 聞到好香好香加上啲poster好吸引咁 就忍唔住揀咗幾款嚟試下🤤✨班蘭咖央菠蘿包 $9外層係菠蘿包面 但做唔嗰種鬆脆嘅感覺仲覺得好乾入面嘅班蘭味基本上係零 咖央餡就正路嘅所以成個包食落唔會難食 但稱唔上好食但呢個已經係三款包入面最好食嗰個......✨檸檬芝士包 $9睇外在係一個好鬆軟嘅麵包 但食落唔係嗰回事而個檸檬芝士餡係好似食緊檸檬夾心餅咁真係食唔到啲咩芝士味✨榴櫣拉絲包 $13呢個應該係招牌產品 但偏偏係最出事嗰個拉絲效果其實係麻糬 唔知係嚿麻糬鹹定個包本身鹹 再配埋甜嘅榴櫣餡真係好奇怪 又鹹又甜之餘仲要唔夾真係好難頂🤦🏻‍♀️🤦🏻‍♀️🤦🏻‍♀️✨港式奶茶 $13麵包舖嚟講 竟然係個飲品最驚喜佢好有港式嘅茶香味仲要一啲都唔甜呢個反而可以推介下俾大家作為一間麵包舖嚟講 佢真係唔合格可能佢其他包會好啲嘅 但筆者就真係唔會再試了

經過依間麵包店見裝潢蠻有格調, 門口有易拉架作招徠, 成功引起榴槤控注意 ⚠️上openrice 先知原來有分店, 麵包款式好多呀, 係富有特式嘅新派麵包, 樣樣都想試...鎖定左試榴槤菠蘿包, 賣相相當靚, 好幸運碰上新鮮熱辣岀爐, 麵包還是熱騰騰, 咬落個皮好脆口, 外層甜美。

入面榴槤可能夾左甜包顯得相對有微鹹，但依然美味, 放心, 並非假榴連味精個種伏. 口感很不錯。

雖不知是否D24, 但餡料份量十足, $12性比價高 👏🏻 值得一試！

💚榴槤菠蘿包($12)▪️🤟🤭重口味人招集，係榴槤包，第一次食有榴槤餡嘅包包。

我買嘅時候撞正新鮮出爐😆💕不過層菠蘿皮都唔係咁酥脆，絕對唔似得港式菠蘿包咁酥咁香😖我直頭就咁搣塊皮出泥食，淨係食到甜甜地，帶少少酥嘅麵包皮咁🧐麵包內裡都算軟熟，外面就有少少乾，好似傳統麵包舖個d提子麥包嘅表面質地🤔🤷🏻‍♀️唔知有無人明。

榴槤餡不算多到爆餡，但分佈平均，質地幾滑，聞落幾香，但食落係偏淡嘅榴槤味，不過熱食嘅榴槤餡有d怪😂💜爆醬香芋($8)▪️除左鎮店榴槤菠蘿包，仲買多左款爆醬香芋包，外表四四方方其實就唔多吸引，係比個香芋兩隻字伏左🤯一搣開都知出事，哇！d餡少到好似輕輕碰一下咁嘅搽法🤥($8)都唔係咁慳料法掛！真係揮一揮刀法，不見芋泥黃醬😬內餡係仲見到有雙色，淡紫和鴨黃色。

💜淡紫係香芋餡，其實我覺得有d似白豆蓉加香芋，味道真係幾甜🤮而且零香芋味。

🧡鴨黃色係蛋黃餡，食到少少咸味，但都偏甜味重居多🤔麵包質地比榴槤個種仲無咁軟熟🤕真係無再翻食依間包店嘅衝動。

📍 Baker Talent (元朗)元朗壽富街33號好利洋樓地下J舖

Baker Talent餐單提供港式, 新加坡菜, 麵包店等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「Baker Talent」有何 comment？

Baker Talent餐廳詳細資料：

• Baker Talent地址:
  元朗壽富街33號好利洋樓地下J舖
  Baker Talent, Shop J, G/ F, Holly Building,33 Sau Fu Street, Yuen Long
• Baker Talent電話:  
• Baker Talent價錢: $50以下
• 分類: 港式, 新加坡菜, 麵包店
• 座位: 未知
• 付款: 現金
• FB專頁: Baker Talent Facebook

更多Baker Talent相關資料:

• Baker Talent分店
• Youtube
• Facebook
• Twitter
• Google